السلام عليكم اخواتي الحوائيات
مبارك عليكم شهر رمضان االكريم الله يبلغنا اياه
حبيت احكيلكم عن اخت زوجي وابيكم تعطوني رائيكم بكل مصداقيه
هذي اخت زوجي ماشاء الله مخلصه الجامعه لها سنتين ومملكه وزواجها بشهر 12 هيه ماشاءالله اخلاقها تمام وطيوووووبه بزيااااده وكتومه
المشكله فيني وفي سلفاتي انا كنت احيانا احط عيالي عندهم اذا بطلع السوق مثلا بس ما اطول يعني احيانا نص ساعه واحيانا ساعه عندي ثلاثه ماشاءالله الله يحفظهم وهي ماتقصر تمسكهم حتى اجي مع اني ما احب ازعجهم بعيالي بس زوجي هو الي يفرض علي هذا الشي
طبعااحنا في عماره وحده اهل زوجي وسلفاتي طبعا اولادي الاثنين الكبار يحبوا يروحون عندهم دايم بس انا ما اخليهم عشان ولدي ملقوف ويطفشهم ولا ابي ازعجهم بس ابوهم يسمح لهم يروحون بقول عادي خليهم امي تحبهم لاتحرمينهم ويروحون غصب عني طبعا يطولون واحيانا تجي جدتهم ويروحون معاها وانا صراحه ماودي اثقل عليهم باولادي بس وش اسوي مابيدي شي
الحين حكيتلكم عني
نجي لسلفاتي كل يوم والثاني وهم عندها مسكينه تستقبلهم تقريبا تقريبا اربع او خمس مرات بالاسبوع طبعا وحده منهم نادرا ماتساعدها بشي تجي تجلس تسولف وتاكل وتغسل يدها وتضرب الباب والثانيه تجي طبعا بس تحب تساعد واحيانا تجيب العشاء من برى طبعا مافيه اي تعب وتتعشاء معهم احيانا يجلسون من العصر الى العشاء واحيانا من بعد العشاء الى الفجر واحيانا يزهموني واروح
بس طبعا كلهم الثنتين مايحبون يعزمون احد ببيتهم ونادرا احد يجيهم مايحبون يفتحون بيوتهم عشان كذا دايم يطلعون عنداهل زوجي
وهذي الضعيفه اخت زوجي تستحي تردهم تستقبلهم دايم وتتعب كل يوم تنظف ويجون ذا البزارين يغثونها وتجلس تنظف وترتب واذا جينا تكررورروف رايحه جايه عالمطبخ احس انقهر عليها ابي اقولها انتي الحين عروسه اهتمي بنفسك وببشرتك وجسمك وحلي عنك الشغل واذا دقوا وقالوا بيجون قولي انا بنزل عندكم واقولها تنزل ومتى ماودها تطلع مو كل يوم وهم عندها وهي زي الشغاله ارحمها وباين عليها القهر بس ماتتكلم تكتم
ايش رايكم بالله اكلمها واقول انزلي لهم لاعاد يجونك كل يوم اهتمي بنفسك
شاركي في النقاش
سجلي الدخول لإضافة تعليق.
التعليقات
18- مدري بس لو انا مكانك ماتدخلت بأحد لان مارح انقهر عليها اكثر من نفسها
- الله يسعدك ليت كل حريم الاخوان مثلك ... بس ترا سلفاتك تصرفهم عادي وكثير الي مثلهم بس وقت العشا المفترض يتساعدون لانهم عازمات انفسهم مو مدعوات وبما انك متواجده حاولي تلمي الموضوع قولي لهم يالله بنات نتساعد بالمطبخ بعد الاكل وتشيلو السفره سوا وتحطو ايديكم على بعض وتشيلو الحساسيات بكذا حتى اخت زوجك تستانس وتحس انكم خواتها
الله يتمم لها يارب ويوفقها بحياتها - انا انصحك ماتتدخلين
فهمي زوجك ماعاد يروحون عيالك لعمتهم باستمرار لانها عروس ومحتاجة للراحة والاهتمام
وسلفاتك بكيفهم لاتجيبين طاريهم ولا تقولين لهم شي
ترا النفوس تغيرت والناس ماعاد يتحملون - مشكورين خواتي ع الردود
- اخت زوجي بخليها تشوف الموضوع وتقراءالردود
مواضيع مشابهة
تابعي تجارب أخرى من هذا القسم.