نومي مو راضي يتعدل

السلام عليكم ورحمة الله وبركاته

بنات فيه احد مثلي نومي معكوس
انام العصر واصحي الفجر 
مدري كيف ارتبه 
اليوم صاحيه من الساعه ثمانيه الصباح والنهار طويل 
مو قادره اتفرغ لعباده ولا لطبخ من تعب السهر 
فيه طريقه اعدل فيها نومي
المنبهات ماتسهرني يعني لو اشربها في الليل 

6 تعليق 2,370 مشاهدة

شاركي في النقاش

سجلي الدخول لإضافة تعليق.

التعليقات

5
  1. نفس حالتنا مصحيني اولادي من الساعه 10 الصباح والان مقفله عليهم الغرفه عشان ينامون بس اسمع اصواتهم

    المشكله ورانا فطور وسحور وعباده بس اتوقع بنتعب اليومين الاولى بعدين يتعدل النوم
  2. @um_joud

    الفراغ الفراغ ثم الفراغ
    هو عدو التنظيم
    عن نفسي ما حس اني مرتبه ومنظمة يومي ونومي و واجباتي الا لما اكون مشغولة تمامااااا
    مثلا بدراسة او اختبارات :hmh:
    او مهمه تحتاج اركز فيها فترة محددة
    ومتى مانتهت هذه المهمة حياتي تصير فوضى
    فاخترعت نظرية سميتها ( العقد النظيم ) هههههه الادباء والمفكرين زمان مسمينها لمجلداتهم وانا اختصرت الجملة في نظرية
    ماعلينا محد فيهم عايش الحمدلله ويطالبني بحقوق الاسم

    شوفي ياقلبي تخيلي معايا عقد من لولو او حبات خرز في سبحة مثلا
    لما تكون حبات الخرز كثيرة لو بمقاسات واشكال مختلفة بس بشرط
    على مقاس حلقة الخيط اللي تربطهم
    حتكون الخرزات مصفوووفة تماما ومرتبة وماتتحرك ويمديك تشكليها على كيفك دائرة او مربع مثلث
    بس اعملي فراااااااااغ وما ادراكم ما الفراغ
    واسحبي كم حبه
    ايش حيصير!
    تبدا الخرزات تتحرك ومهما تحاولي ترتيبها ماراح تطلع شكل مرتب وحيكون شكلها عشوائي

    فهذه هي حياتنا بالتماااااام
    يومنا هو خيط العقد واعمالنا وواجباتنا حبات خرز
    بيدك تشكليها على مزاجك بشكل مرتب وسهل اذا ملأتيه بمهمات
    اكتبي في نوتة الجوال بالساعه اعمل كذا وكذا حتى النوم حددي له ساعه
    وحتلاقي نفسك
    - انجزتي اشياء ماكنت تتوقعي حتعمليها
    -ويومك فيه بركة واجر ان شاءالله
    -ومافيه مساحة لوساوس ابليس مانتي فاضيه له اصلا حخخخ
    - صحتك عال وماعندك خمول وكسل وارق
    -حتى وزنك ينزل بشكل طبييعي اذا كنت حريصة تنزلي وزنك
    وغيرها الكثير من الفوائد اللي اخدتها من اختراع العقد النظيم
    واليوم اللي اعرف حتنتهي مهمة معينة اشغلتني الاقي نفسي ادور على شي بحل محلها
  3. @am_lyn_odym

    احسن شيء النوم في رمضان تنامي بعد الفجر وتصحي الظهر بدري كذا يصير فيه وقت هذا نظامي حاولي بعد الفجر تنامي وقومي الظهر

تابعي تجارب أخرى من هذا القسم.