****احـــــــلى ملف لحــــلى مــــــواااليد ****حيااااااااااااااااكم

ياحلوات
بكرة بطهر وليدي وشايلة همه
ياليت اللي عندها خبرة في هالشئ وش تنصحني فيه
احطله زيت زيتون والمشكلة التطهير في كندا باستخدام الشاش ماعندهم حلقة وفصولي كانت حلقة وكانت امي تساعدني
الحين ماعندي احد اسعفوووووني؟؟؟
ياليت اللي تعرف عن تطهير الشاش تعلمني والله يجزاكم خير

هلا يالامهات ،، ومبروك عليكم البيبي

انا كملت اليوم 23 يوم من يبت راشد ،، وهذا اول بيبي لي

يعني نتعلم عليه ،،،


اول شي السره والختان طاحوا عقب 7 أيام ،، وكنت احط عليهم زيت زيتون


الحلبه مووول ما شربتها ،، لانهم ايقولون اتييب اسهال للياهل ،،،

بس شربت بدالها حبه حمرا مع الحليب والعسل ،، مرتين باليوم

واسوي مطارة ماي حار واحطه على بطني وفوق الرحم مرتين باليوم

ما ربطت بطني من اول يوم ،، لانهم قالوا لي انه عضلات الرحم اتكون ضعيفه ويمكن يصير حبوط بالرحم ،، فربطت عقب 10 أيام ،،،

التعب خف الحمدلله ،، واقدر اتحرك احسن عن قبل ،، بس ما اقدر ايلس على الارض

استوالي حمى الصدر لاني ما كنت ارضعه من صدري اليمين لانه كان متقرح وما كنت اقدر اتحمل الم الرضاعه ،، فسويت كمادات حاره وتميت اعصر الحليب في الحمام علشان ايخف ،، والحين الحمدلله صدري طاب

طبعا قمت اشفط ،، لان الحليب بزيادة وكل يتسرب ،،، استخدمت الشفاطه الكهربائية واليدويه ،،، طبعا الكهربائية احسن بوايد واسرع ،، وبعد قمت اشفط لاني بغيته يتعود على المرضعه

قمت اسقيه شوية ماي وبعد شاي الاعشاب "ميلوبا" لانه يريح البطن

اللي طفلها ما يمسك الصدر ،، هذي المشكله صارت لي ،، ولها عدة اسباب ،،

اهمها الغازات اللي اتعبه ،، فلازم عقب كل رضعة اخليه يتجشأ

وقمت اعطيه دوا اسمه "انفاكول" infacol ،، وايد ريح بطنه

ومرات الصدر ايكون كبير وما يقدر الياهل ايمسكه ،

ومرات ايكون متضايج من البامبرز ،، خاصه اذا كان عاملنها


الخيوط ما طاحت كلها ،،، وكنت اشوف الرحم بالمنظره ،، فشفت شكله غريب ،، مدري هذا شي طبيعي والا لازم اتابع مع دكتوره ؟؟

هنادي .. ماشاءالله عقبال الاربعين .. على خير يارب :26:

فصفصة .. والله انا طوووول فترة حملي كنت شايلة هم اجيب ولد عشان الطهور هنا ..

طروق كان طهورة بالشاش .. زوجي كان يوميا يغيرله الشاش .. وبعد 3 ايام خلاص شلناه مرة وحدة ..

عمور كان بالحلقه .. طاحت من حالها بعد يومين ..

بالنسبة للمصاصة جبت لبنتي نوعين ولاقبلتها .. شكلي بارجع ادورلها نوع ثاني ..

عزووووز .. كيفك ياقمر وكيف النونو ؟؟ ماقلتي لنا وش سميتيه ؟؟

اما عن الاستفراغ .. انتي تشربيه صناعي ؟؟؟

على العموم الحليب الصناعي يسبب استفراغ للبيبي .. ويمكن يكون النوع ماناسبه جربي تغيريله نوع الحليب اذا كان استفراغه شديد !!

هنوووودة .. الله يسعدك .. اكتبيلنا طريقة خلطة شسالفه ..

:26::26:

السلام عليكم ورحمة الله وبركاته
هنادي
الله يبارك فيك الحمد لله أحسه أحسن اليوم
بالنسبه للحلقه هم أصلا ماحطوله حلقه حطوله شاش
والملين أخذه مره وحده 15مل
أنتي كم مره وقد أيه

شابوره
الله يبارك فيك
ومشكوره ماتقصرين
كيف بنتك غيريلها المصاصه خوذيلها من شركه غيرها

فصفصه
ياحياتي أن ولدي حطوله شاش
أسمعي نصيحتي أشتري زيت نارجين طازج يعني مو معلب إذا مو موجود مومشكله أشتري المعلب
وجيبي موية صحه وكبي ربعها وعبيها من الزيت
وصبي شوي عليه وعلى الحفاض ولازم تشتري بامبرز أكبر مقاس عشان ماتألمه
وقفلي البامبرز ونوميه
وبعد مرور 5 ساعات على الختان صبي من الزيت وراح تلاحضين أن الشاش بدأ يلين
أبدأي بفك الشاش شوي شوي وأذا حسيتي أنه ناشف لو لشي بسيط وقفي وصبي من الزيت
وقفلي البامبرز لمدة ربع ساعه وراح ترجعين تلاقين أنه لان وعلى هذا الحال الين يبقى الجزء
الاصعب وهو أسفل الذكر تكون ناشفه كثير مالك الا تصبين من الزيت وتقفلين أكثر من مره الى
أنها تطيح من نفسها أو أنك تسحبينها بشويش وأنتبهي تسحبينها بقوه وينزف الولد يعني لا تستعجلين
لولمدة ساعتين
وبعدين عليكي بالتنتريون البارد ( الدواء الأحمر ) حطيه في قطاره ونقطيه عليه كل شوي
وهو فايدة أنه ينشف الجرح
واليوم الثالث أستخدمي مرهم ميبو لكن أنتبهي بس حطيه على منطقت الجرح لاتحطينه
على فتحت البول وكل شوي هويه يعني لاتقفلين عليه الحفاض
هذه تجربتي الي مريت بها هذي اليومين وأنا مبسوطه من نتايجها
أتمنى أكون أفدتك