شورو علي بالحل.. مترددة أطلب من أم زوجي السفر معنا للعمرة<<< مُعدل
بدخل بالموضوع أنا طلبت زوجي نروح العمرة برمضان وراح لامه قال لها اننا رايحين بعد كم يوم ويبي يحط العيال عندها لين نرجع قالت ناخذ شغالتها معنا تاخذ عمرة لانها أجنبيه وتبي تكسب اجرها برمضان ولانها بتسافر بلدها بعد كم شهر وصعب ترجع تدخل لتكاليف العمرة وراتبها على قدها .. قال لها زوجي خلاص تروحين أنتي والشغالة معنا.. وام زوجي راعية مشاكل ماراح ارتاح معها حتى حريم عيالها الباقين بينهم قرابة معها ومع هذا يتجنبونها حتى جت تقولي زوجة ولدها الثاني سلفتي أنا زوجي مايروح ويمشي الا معي بس تجاهلت كلامها ،، المهم اليوم زوجي يقولي اطلب من امه تروح معنا وأنا لازلت محتارة اخاف تسبب لي مشاكل وتنكد علي وأندم لانها من النوع اللي تبي تمشي كلامها على الكل وتسيطر ماتتعاشر لدرجة تجي بيتي تسب وتهاوش.. شورو علي يابنات حواء الله يجزاكم خير مالي خوات استشريهم الا انتوا وبليز لا حد يعصب علي ويجرح بالكلام اللي عندها رد حلو تقوله أنتظركم.