السلام عليكم
تقبل الله طاعاتكم وعبادتكم بنات
من دون مقدمات وخرابيط راح ادخل فلموضوع على طول
بنات انا عمري 19 متقدم لي شخص ووافقت عليه مبدئيا وبعد بكره بيزورونا الحريم طبعا امه وخالاته عشان يتكلمون فموضوع الخطبه وبيشوفوني
بنات انا عايشه عند ابوي بما ان امي وابوي منفصلين .. امي واهلها ماعرف عنهم شي فمحد من اهلي بيكون موجود وماعندي خوات اكبر مني
فكلمنا عماتي وراح يستقبلونهم هم .. بس المشكله ماعندي خلفيه ابدا شلون اتصرف وشالبس استحي اسئل عماتي لاني مو مطيحه الميانه معاهم ذاك الزود
بنات انتو خواتي وامهاتي ساعدوني مو عارفه شي
البس عبايه ولا شالبس
واذا ييت بسلم عليهم امه كبيره بالسن فراح احب راسها من باب الأحترام .. بس خواتها معاها احس فشله ابوس راسها وهم لا
شاسوي علموني كل شي
شاركي في النقاش
سجلي الدخول لإضافة تعليق.
التعليقات
46- ان شاء الله البنات بيفيدونك
- تلبسين شي ساتر ولاتحطين مكياج خليك طبيعية
والام تحبين على راسها من باب انها كبيرة بالسن
وربي يوفقك المهم انك صليتي الاستخارة - سلمي عادي يا قمر و جهزي ضيافة عاديه و البسي اي شيء حلو ولايق عليك و مرتب و شعري ضبطيه و ميك اب خفيف و بخور و سنع وادخلي سلمي و بوسي راس امو و اخواتو عادي مو لازم تبوسي راسهم خليك عاااااديه و ابتسمي طول منتي جالسه
اللبس عادي فستان ميدي ناعم و يطلع بنوته او بنطلون و تي شيرت مرتب واكسسوار و اخر اناقه
والله يوفقك و عقبالي و الصبايا - الله يتمم لك علي خير يارب
عادي ياقلبي البسي لبس حلو وناعم وسرحي شعرك واستشوريه حطي مكياج خفيف نااااعم واذا دخلتي عليهم عادي كبيره السن حبي راسهاوغيرها سلام عادي
دعواتك لي بالحمل بالولد الصاااالح يارب - البسي فستان وحطي كحله وروج خفيف واستشوري شعرك والضيافه شاهي وقهوه ومويه بارده وبخري البيت والام بس بوسي على راسها والخوات سلام عادي وخليك واثقه من نفسك مووفقه
مواضيع مشابهة
تابعي تجارب أخرى من هذا القسم.