الله يهداك يا اختي
انتي عانيتي وتعذبتي وصبرتي والحمدلله
فالمفروض تكونين اول وحده ترفض هذا الظلم لانه اذا استمر هالمسلسل فبعمرنا ما بنطلع منه وبيجي زمن بناتنا يدفعون نفس الثمن
ليش تقبلين على اختك الظلم والعدوان؟؟
لانك انتي تعذبتي لازم كل الناس تتعذب
بالعكس انتي اللي لازم تشجعينهم ياخذون حقهم ويوقفون هالظلم
وتاكدوا بانه الموضوع ماله علاقه بانه بنتهم ولا ذكر او انثى..
لكن العدوان والظلم
اعرف زميله طبيبه وسيدة مجتمع وعندها عيال وامراه محترمه الكل يضرب لها الف احترام
صار خلاف مع زوجها وراحت بيت اهلها واخوها صار يضايقها لانها كانت تبغى الظلاق
المهم اخوها تلفظ عليها وتهجم عليها بالكلام فردت عليه
مسكها وضربها لدرجة قعد يخبط راسها في الجدار
جات في حالة صدمه وانهيار تام
تقول الكلب انا اللي ربيته وياما طبخت اكله وغسلت هدومه
قعدت 3 ايام تتنافض من الحمى ولولا رحمة الله لماتت
ليس فقط من الضرب ولكن من الالم والقهر
والى الان تعاني من نوبات صداع فظيعه في راسها محل الخبطه,,بعد مرور 17 سنه مازالت تعاني
هذه السيده رفضت التبليغ لانها خافت على صورة اسرتها وعلى مظهرها امام الاخرين
ورغم انها تطلقت ووصلت الى منصب كبير واخيها قعدت فتره مقاطعته لكنها بعدين رجعت واصلحت معاه فقط حفاظا على المظاهر
لكن دوما تقول لي الله لا يحوجني له وبعمري ما انسى اللي حصل
وبانه ما قدر علي الا لانه القانون في صفه والمجتمع حاطه حامي الحمي
والله بانها اكثر منه ثقافه وعلما وشهاده ومنصب وكل شي
لكن الشكوى لله
انا الييمة اهلي ناوين يحبسوني بالبيت الله لايوفقهم
متابعة النقاش، صفحة 9