كيف تزوجتي 😁

جوهره المملكه قصتج تزززعل

اما انا زوجي يصير صديق اخوي من زمان ويصير لأهل امي من بعيد وسمع عني وخطبني ووافقت

لكن بعد الملجه صارت قصص وااايد بسبب مصاريف العرس والمهر الوالده الله يهديها تحب البذخ لكن الحمدلله عدت على خيير وتزوجنا والحمدلله مرتاحين

وصرنا نتذكر المشاكل الي صارت بفتره الملجه ونضحك ونقول احنا بالمووت اخذنا بعض ههههههه ولما اسوي له شي حلو يقول لي انتي تغفرين حق امج كل شي قالته ههههه

وبس ..

انا زواج تقليدي
بس صديقتي كانت تحب واحد ودااااايم تدعي انها تتزوجه وفعلا ربي استجاب دعائها وتزوجته بس الله المستعان طلع مايصلي حسب كلامها او انه مهمل في الصلاه الله اعلم ما ابي اضلمه، وعقيم،وعنده شذوذ جنسي، الله المستعان ،الحمدلله الذي عافانا مما ابتلاها ،لو كانت دعت بالزوج الصالح لكان خيرا لها،الله يكون في عونها ، واسأل الله ان يرزقك بزوج صالح يحبببببك ويموت فيك ،،

هههههههه
اه ياربي ذكرتوني بالذي مضى
سالفتي سالفة اتخاصمت مع امي وقفلت على نفسي باب غرفتي وهددتها بنتحر وفتحت الشباك عشان تصدقني وكنا ساكنين بالدور الرابع وانا كذابة بس اسوي اكشن ولفت انتباه
واخوي كان صغير ثالث متوسط اتصل بالدفاع المدني من الفجعة ياقلبي عليه
وجوا فرقة الدفاع المدني والعسكري اللي كان مستلم الموضوع هذاك اليوم اخذ رقم جوالي من امي على اساس يقنعني افتح الباب وينتهي الموضوع
لانهم يدقون الباب وانا مطنشة واسولف مع صحبتي بالجوال وكأني في عالم لوحدي
المهم اتصل واقنعني وانتهى الموضوع
وبعد اسبوعين اتقدم هو واهله وخطبوني
وكان في رفض شديد من اهلي واصرار مني صار العسكري المنقذ زوجي وابو بنتي
الحمدالله
شفتوا اغرب من كذا هههههع

هو توفى عزوبي
وأنا تزوجت بعد كم سنة وعندي ولد والحمد لله رب العالمين.:26:

الله يازينه من موضوع
بس في قصتين قريتها ماتدخل الراس ولا تتصدق معليش !!
جاوبوا بحدود المعقول لاتبهرون مو روايه ترى هههه !

انا اهلي واهله يعرفون بعض وامه نفسها فيني من زمان
وخطبتني له والحمدلله انه صار من نصيبي
ربي يخليه لعيوني ويرزقنا الذريه الصالحه وكل محرومه ان شاءالله
ويرزق كل وحدا تتمنى تتزوج زوج صالح يعزها ويحطها بعيونه