الله يجزاها الجنه اللي تعتبرني مثل اختها وتعطيني حل لمشكلتي

جميل أن تبقى دائمًا منتظرا تباشير الفرح مهما صادفتك الكثير من المشاكل وتكون لديك ثقة بالله بأنّ قدرته سترفعك فوق كل الظروف ♡

اختى ام بناتي وولدي انا عايشه لعيالي مو له وربي يعلم ولا حزنت عليه بالاولى ولمعلومك انت وغيرك قبلي كان متزوج خمس مرات بس يطلبون الطلاق والخمس كلهم مارزقهم الله بعيال منه وبعدها تزوجني وانا الوحيده المتحملته وهو يعرف هالشي 
بس مايبينه يكابر وصدقيني لما تزوج علي والله بالاول حزنت لانه مااحسن لي وفرقني عن عيالي بس بعدين ارتحت يوم رجعني لكن طلقها و انا قلت بموضوعي مو حزن عليه خوف من انه يطلق ويأخذ عيالي ويفرقني عنهم 
وانا تعبت اعيش كذا حياتي بيد اهله بنظري الطلاق ارحم لو اخذت عيالي معي بس انا عارفه انه  مستغل نقطة ضعفي وهم عيالي اتمنى من الله ماتشوفون غير السعاده يارب جميعا ساعدوني لو وحده عاشت ظروفي لا تبخل علي بالحل

ي حبيبتي.. اسآل الله العظيم ان يفرج همك وينفس كربك ويسخر لك زوجك وينصرك ع منظلمك ويبدل حالك الى احسن حال…

شوفي ي قلبي انت جربتي الطلاق وماقدرتي تتحملين بعدك عن عيالك..
فمالك غير الصبر.. اصبري حتى يآتي فرج الله…
اصبري آلين يكبرون عيالك ويعوضنك عن كل لحظة آلم عشتيها…

وبالنسبه لزووجك طنشيه لا تراددينه اي شي يقوله قولي طيب حتى لو مانتي مسويته…

واذا هزآك او رفع صوته عليك اسكتي ولاتهتمين
لاتعيشين له عيشي لنفسك ولعيالك استغلي كل لحظه من عمرك مارسي كل هواياتك ..ادخلي تحفيظ واحفظي قران… كوني صحبة صالحه واشغلي وقتك معاهم

واهله اذا كانوا ظالمينك…ومستقوين ع ضعفك وغربتك اشكيهم للي ماتنام عينه..
اشكيهم لناصر المظلومين وجابر المكسورين..
وترى حوبة المظلوم تجي ولو بعد وقت طويل..

سهام الليل لا تخطئ ولكن…
لها آمد وللآمد انقضاء..

واستغفري كثييييير وادعي الله..ترى الله قادر يبدل الاحوال..

اسأل الله في هذا الشهر المبارك وفي هذه الساعه ان يفرج همك وهموم المسلمين اجمعين .

لا اله الا انت سبحانك اني كنت من الظالمين