♥تباشيــ 4 ـــر ♥ مواليد الاهله ♥رمضان♥شوال..يوليو♥اغسطس

ام الصلصل
الحمدلله ع سلامتك وربي يقر عينك بمولودك ويرزقك صلاحه

ياقلبي كم تاريخ دورتك ؟
أنا 26 الحج وفي البدايه حسبو لي 10 ثم كل دكتور يعطيني تاريخ الين استقريت على 12 شوال
وفي ألقائمه حسبولي البنات ف بدايه حملي حطوني 11 وربي اعلم وساعه مقدره مكتوبه

ياحياتي انا بامريكا ماعندهم اني اترك العياده واروح لعياده ثانيه لازم اوراق وسالفه طويله من البدايه حطوني بعياده كلها رجال ورفضت لان وضعي ربط وماابغى اتكشف ع رجال وغيرت لهذي وسبحان الله مكتوب يصير لي كذا حتى هي خافت مره قالت اول مريضه افك لها الربط ويجيها كذا

ياحي الله ام الصلصل واخو الصلصل الصغير
فرحت بخبر ولادة كل اللي بالتجمع
بس ولادتك غيررررر عنهم من جدددددد شعور غيرررر
لأنك معي بنفس اليوم اعطتني دافع قوي
وعسى ولدي يغار من ولدك و يتحرك

الحمدلله على سلامتك
بارك الله لكِ في مارزقك و رزقك بره وأقر عينيك به

بسم الله



هذا يا طويلات العمر تخبرون يوم الجمعة يوم أقولكم اني قمت من نومي من وجع الطلق و يوم اروح الحمام إلا اشوف السدادة نزلت علي

المهم عرفت انها ولاده بإذن الله لانه ببكري حصل معاي نفس الشي


المهم الطلق لسى ماكان منتظم والعصر اختفى صرت ما احس بوجع
ليييين الليل وانا بس تنزل علي افرازات مخلوطه بدم والوجع خفييييف لا يذكر ، عاد هنا انا ضاق صدري لاني ابغى اولد خلاص على بالي الولاده مثل شربة المويه >> وكأنها أول مره تجرب الولاده


حتى اني كنت ما اكل بس اشرب سوايل شربت يانسون واكلت رطب ، قلت عشان ما اتعب وقت الطلق والولاده ، والله اني ببكي عند زوجي اقوله جوعانه ابغى آكل ، وبالنهاية والله اكلت ما قدرت اصبر ، تسحرت معاه الحمدلله


المهم !!!!!!

بدأ الفيلم المرعب

الساعة 7 الصبح وانا و زوجي نفحط عالمستشفى لان الوجع رجع لي تخيلوا بس انسدح يقوم علي بقوووه ولما اجلس ولا اوقف يروح


مررررره غريييب كان مو منتظم ما ادري ليش ؟
يمكن لان طلق البنت غير عن طلق الولد !!!!

ونوصل المستشفى وتكشف علي الدكتوره عاد هنا حطمتني قالت لي لسى عنق الرحم بعييييد و توه فاتح 2 سم

قالت لي امشي في الممرات عشان البيبي ينزل الحوض ويفتح الرحم اكثر

والله وهاتك رايحه جايه في هالممرات و الطلق مسك معاي صح بس سبحان الله مو منتظم الى الان يعني بين كل طلقه وثانيه وقت غير عن الطلقتين اللي بعدهم !!

من قوة الوجع وانا امشي اذا جاتني الطلقة خلاااص يتصلب علي ظهري وماعاد اقدر امشي اضل واقفه لين تروح ..

و بعد ساعة كشفت علي قالت لسى باقي 2 سم
حطمتني مرررره يا بنات

وتخيلوا من امس صاحيه وتجيني الطلوق وتروح وماني ماكله كويس فا خلاااااص ماعاد فيني حيل و طاقة

و رجعت امشي و صابتني رجفه بغيت اموت منها و رجعت انسدحت وغطوني ببطانية و سكروا المكيف لين ما صرت احسن

وعلى الساعة 10 ونص زاد الوجع و صار متقارب وشبه منتظم كشفوا علي لقوه فاتح 3 ونص رايح لأربعة

وانا افرح الحمدلله

وبنفس الوقت اتألم من الطلق

خلاص هنا نوموني وحطولي التخطيط وجهزوني وسووا لي تحاليل وكل شي

صار الطلق منتظم وكل طلقه اقوى من اللي قبلها وتضرب في ظهري لدرجة احسه بينقسم نصين
يااااربي رحمتك

على الساعة 12 ونص يا بنات كشفت علي قالت صار 5 سم

بس الصدمه اني بديت احس اني ابغى الحمام
واقولهم ابغى الحمام > يعني بديت ادف

يقولون عادي هذا طلق تحملي

يا بنات انا مجربه الولاده واعرف كيف لما النونو يبغى يطلع ، والله اني اصارخ وبموت من الوجع والخوف واني مستغربه كيف بديت ادف والرحم بس مفتوح 5

ولما شافت ان الوضع جدي كشفت علي قالت ولاده ولاده وهي تصارخ على الممرضات ومفجوعه
و على طول شالوني لغرفة الولادة

والحمدلله هنا بديت ارتاح شوي شوي
اول ما دخلت حطوا لي الكمام وانا ادوووووووخ واصير بعالم ثاني

وكنت لما احس فيهم واسمع اصواتهم اتنفس بقوه عشان ادوخ زياده واتخدر

بس شكله بنتي تتغلى علينا شوي ، ما طلعت بسرعه الا لما صحوني وخلوني اساعدهم وتعبت شوي وانا ادف و دفيت بقوه وانا اصاااارخ من الألم والحمدلله بعدها طلعت حبيبة قلبي للدنيا


وباقي التفاصيل انتم تعرفونها
خدروني وكملوا تنظيف وخياطة وكل شي

والحمدلله ألحين وكل حين
الحمدلله الحمدلله الحمدلله. ..

وآسفه طولت عليكم وانا احكيلكم قصتي >.

يوووه يالجازي جتني غصة ودمعت عيوني وانا اقرا اكككككككره هاللحظات رغم اني انتظرها بفارغ الصبر
ادري تناقض بس عاد هذا الواقع