لقــــــــــــــــــــــــــــ ـــــــــاء الأحبــــــــــــــــــــــة (الجزء الرابع)

متابعة النقاش، صفحة 41

شاركي في النقاش

سجلي الدخول لإضافة تعليق.

التعليقات

1,932
  1. @klby_aamry_hyaty

    DaaanDooon
    مرحبا بنات كفكم كلكم ان شاء الله بخير سؤال لمهى كيف بتدبري امورك من بعد الشغاله يا الله انا شو هلكانه يعني انا موفقه بين كلشي بس والله حاسه انه على حساب صحتي
    أنا ما بشد على حالي كتير .

    أول اشي البيت سيراميك كله بدون سجاد اللهم غرفة الأولاد ولهالسبب بكنسه كله بالفاكيووم الهووفر وبعديها بمسحه طبعا المماسح بانواعها الفيلدا اللي معاها مكبس أو الاسفنج كله جربته لني ما بقدر أمسك ممسحة .


    الأكل الغدا بطبخه انا وما بنهتم فيه لنو متفرقين وأولادي بالداي كير كان اكلهم بس هالسنةراح يختلف .

    وشو فكركم اكلات اولادي المفضلة ؟؟؟؟؟؟
    شوربة عدس
    مجدرة
    رز بالخضار
    صواني ( بامية والا دجاج )
    فخدة خروف والا كتف بالفرن
    موزات مع مليحية ( يعني منسف )


    وهاي كلها بسيطة ما بدهاش غير نص ساعة .
    وهيني بعد شوي طالعة أشتري طنجرة ضغط كتار اللي شجعوني عليها مع انو عندي رعب منها بس الله بيعين ترى بعد التلاتين العقد لوحدها بتنحل الخوف وكل شي تاني بتنحل.

    العشا اغلبه جاهز والأولاد بيلعبوا برا

    الكوي : هذا عاد اللي ما بقدر عليه جربت اجيب شغالة تخصص كوي طلعت بتاخد عالقطعة بالمعدل لما حسبتها ( كلها قمصان ولادي وبنطلونات وتي شيرتات صغيرة ) عالقطعة بيطلع دولار والا 3 دراهم وهذا كتير.

    دورنا وفتشنا لحتى لقينا محل رضي بالتعاقد معاه وبياخد عالقطعة درهم بالمعدل بين قطع كبار وصغار
    وهيني محضرة تقريبا والله بدون مبالغة فوق 100 قطعة لأنو جايين من السفر ومن ضغط الشنط مجعلكين وبدهم كوي.

    ولهالسبب مرة طرحت موضوع عن الملابس .
    انا الملابس كتيرة ومكدسة لأنو اسم الله 3 صغار وبيلبسوا من بعض كمان .

    ولكن شفت وحدة جارتي غير عني كل ولد بس 3 طقوم للعب وواحد خروج وبيجاما وحدة وأكمن غيار داخلي .

    انا مش عارفة ليش كل ولد فوق ال3لا3ين طقم و4 بيجامات والداخلي بالجملة اول ما يصير سيل عند أي محل كويس بشتري وما بوفر.

    مثلا المناشف والبشاكير والله وحدة بعرفها بتقول كل بيتي فيه منشفة كبيرة وبشكيرين صغار !!!
    طيب هم 6 بالبيت مع الشغالة ومش بخيلين بس بتقول اللاستحمام ورا بعض وكلنا بنفس المنشفة .

    ولادي متعودين كل واحد منشفة وما بقدر أنشف ولد بمنشفة مبلولة طبعا لازم ناشفة 100 % اسمها منشفة .



    شو ضل ؟؟ عباياتي عندي مكواية عالبخار عالسريع بغسل الخمسة والا 6 عبايات وبعلقهم وهم رطبين شوي وبمكواية البخار وبضل شهر ألبسهم ما بيتوسخوا لنو دبي من البيت للسيارة وكله رخام وسيراميك وكل شي بيلمع.

    المطبخ : الجلاية شغالة ليل نهار .

    ودورت السوبرماركتات الكبيرة على وجبات معلبة خلاص زوجي اخيرا وافق ندخلها البيت بس ما يشوف علبة بنفسه ولا ياكل معلب .( بعد هالصيفية شاف بالأردن كيف البيوت كلها علب بععلب )

    لقيت ورق عنب والله بيجنن ودايب دووووووب من كاليفورنيا جاردنز ومطبوخ وجاهز بس سخنيها بالمايكروويف لو حابة سخن وبالزيت والله بيشهي وصحن بيكفي شخص يعني 15 حبة كبار شوي دبدوبات .

    لقيت تبولة فرنسية معلبة بس تفتحي علبتين وتخلطيهم وتاكلي بس البقدونس قليل بشتري جاهز مفروم وبحطه.

    شو ضايل ؟؟؟؟؟؟؟؟؟؟؟؟؟؟؟؟؟؟؟؟؟؟؟
    الحمامات : حمامي نظيف دايما طبعا .
    حمام الضيوف نظيف ما بنستخدمه
    حمام الأولاد بما أننا بالشغل وهم بالمدارس يعني الاستخدام قليل . وكل ولد لما يخلص بيشيك وراه ولو في نقطة مي عالتواليت او عالأرض بيمسحها المحارم كتيرة .
  2. @klby_aamry_hyaty

    ازا في طناجر ضغط كويسة اكتبوا لي اسمها هلأ
    قبل لا أطلع عالسوق أدور


    في عند أيكيا ؟؟؟؟؟؟؟؟؟

    بس ترا ما بدي كبيرة كل طبختنا بالكتير جاجة لو كترنا .

    يعني شي صغير لنص جاجة .
    وطنجرة ما تكون بدها لف بالفتح أو الاغلاق لأنو ما عندي حيل ألف لف لو في اشي عالكبس.

    ولو بتعرفوا اشي عالكهربا ؟؟؟؟؟؟؟؟؟؟؟ظ يا ريت .
  3. @daaandooon

    مهى انا كان عندي طنجره ماركة تيفال ممتازه بس خساره ما لقيت متلها لحظه اشوفلك اللي عندي شو نوعها انا جبتها من محل اسمه بد باث اند بيوند بعرفش عندك منه ولا لا

تابعي تجارب أخرى من هذا القسم.