الله يحرم وجيهكم عن النار عمري 18 أرشدوني سأجن من التفكير / أكنفى ردود

ليش تنجنين علي ايش بالضبط!!!
انتي عشان عمرك 18 وشكلك مصدقه المسلسلات حبيبتي الواقع غير انتي اذا صار عمرك بالثلاثين بتضحكين علي نظرتك للحياة
عزيزتي الزواج ماهو حب وبس لا
الزواج حب وتكوين اسره وعيال ومشاكل وحمل و ولادة وتربية وتعامل مع ازمات وغير اهل الزوج وغير تامين بيت ومصاريف
كله هذا لاحقه عليه 
بتتزوجين وبتحبين زوجك وبيحبك وبيجيك عيال باذن الله بس بعد ماتجتهدين بدراستك وتاخذين شهاده حلوة ترفع من مستوي الاسرة المادي لان الحياة ماهي حب بس ولا مادة بس هي الثنتين مع بعض
والزمن هذا زمن صعب كله تحديات زوجية وتربوية ومادية
وفري التفكير و انك بتنجنين الي هذاك الوقت
انتي الان انسانة حرة ماوراك زوج وعيال بالك خالي استمتعي باللحظة تعبدي الله واجتهدي بدروسك واهتمي بجمالك واناقتك وقتك لك فقط
ونصيبك بتاخذينه ان شاءالله

وعليكم السلام ورحمة الله
شوفي حبيبتي النبي صلى الله عليه وسلم وصى بالنظرة الشرعية وقال (لعله يؤدم بينهما ) من النظرة اما تحبوا بعض واما ما تحسوا بالقبول
وكلنا ولله الحمد تزوجنا زواج تقليدي ماكنا نعرف بعض قبل الزواج لكن الواحدة تدعي دايم ربي يسخر لها زوجها وربي يلقي محبتها في قلبه ويلقي محبته في قلبها والزمي الدعاء وربك كريم
ولا تشغلي نفسك الحين توك صغيرة خليك في مستقبلك والي يبيك يدل طريقكم ويجيك ويطق بابكم لا ترخصي نفسك ابد ولا تعرضي نفسك على الرجال خليك غالية وعزيزة في بيت اهلك وربي يحفظك

ياقلبي ياسميره عندنا مثل يقول من خذاه عشق خلاه ممله يعني بعد فتره يمل ويعايرك بطريقة تعرفه عليك الا اذا كان اجودي وهذا نادر فيهم والحب يأتي بعد الزواج والعشره الله يصلحك وينور لك دربك

وكنا نسأل شبابنا عن تتزوج اللي تحبها يقولون لا اللي تكلمنا اكيد تكلم غيرنا