الحكيمه تدخل بس .. لا لزوجات الاوليات ذات الردود السلبيه/ خرج عن مضمون النقاش

الحياه مع المعدد صعبه خصوصا انه مافيه شي يحدك لا انتي كبيره ولا مطلقه..تصوري معي سفرك لازم يسفرها عطاك لازم يعطيها اجتماعات معك وقت كبير بتكونين لحالك بما ان يوم لك ويوم لها طلباتك ماتلبى الا بيومك احتجتي شي او نقص عليك شي بيومها مستحيل يجيك ... مشاويرك طلباتك يستثقلها بما ان عنده بيتين ومضغوط ماديا (((من الناحيه الجنسيه يكون مو مره بما انه عنده زوجتين من كلام زوجات المعددين))كذلك الغيره اللي بتتعبك راح معها ،يحبها ،يقارن بينك وبينها...هذا غير القهر لو مال لها وفضلها عليك والله يقول (( وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ ... رائي والامر لك

الدعاء يا اختي اهم شيء
وكل مكتوب ستراه العين ولو بعد حين
لو الله كاتب لك هالانسان بتاخذينه
ولو الله ما كتبه زوج لك ما راح تاخذينه
ادعي ربك وخلي عنك الناس ما راح يجاوبونك الا بهواهم
انا ما اتمنى زوجي يتزوج علي اكيد وانا زوجة اولى طبعا
لكني مؤمنة ان ما كتب على الجبين ستراه العين
وعسى ان تكرهوا شيئا وهو خير لكم


واكررها لك استخيري وادعي ربك وبيفرجها ربك والله يعوض صبرك خير

استخيري الله .. واستغفري كثير .. لا اله الا انت سبحانك اني كنت من الظالمين

لا لا توافقين اول شي انت هذا اول فرحه لك هو قد تزوج و انبسط و عاش يعنى ما رح يعيشك زى واحد توه اول فرحته انت ابدا الا ماقد اتزوج مو مثل الا اتزوج شبع و انبسط انت بتصيرين محرومه من اشياء كثير غير كذا انه مو انت بس في حياته عنده زوجه و اولاد و مشاغل و مشاكلهم و اهتمامتهم يعنى مو فاضيلك طوال الوقت غير ان المعددين مشاكلهم مشاكل بصراحه و بعدين انت صغيرة صغيرة مرة على الاستعجال لا تستعجلى ان شاء الله يجيك الله يعرف يقدرك و يبسط و تكونى فرحة حياته و هو فرحة حياتك اذا تعديتى 35 ذاك الوقت فكرى في المعدد و اصلا في وقتنا الحالى لا الرجال و لا الحرمه يتزوجوا صغار لا تخافي لان الالتزمات الماليه صارت صعبه مرة و مايقدر عليها اشاب بسهوله فا على ما يكون نفسه يكون في الثلاتين او اصغر شوى و اكيد يبى وحدة من حول عمره
الله يوفقك حبيبتى فكرى و استخيرى لا تستعجلي و الله حرام تبهدلى نفسك وانت صغيرة

حبيبتي اذا الرجال كفو ومقتدر ماديا وراعي كلمه وله شخصيه وافقي واذا انتي تحبين تعيشين بمساحة حرية تقضين يوم كامل من غير مايكون بوجهك اما اذا الرجال مو شخصيه وعلوم رجال( مااقصد مهايطي ) لاتوافقين لانه ماراح يعدل وبتعوركم قلوبكم انتي وزوجته بالعكس بيميل لوحده منكم والثانيه بتآكلها

وحده من زميلاتي تزوجت متزوج عليه ٧ اطفال وهي بأول جامعه الكل انتقدها وقالها وشلون تبنين سعادتك على تعاست غيرك ومن هالكلام اللي مايطلع الا من الزوجات الاوليات لكن شوفيها الحين ماشاء الله تبارك الرحمن سعيده مره معاه الرجال مقتدر ماديا وكفو وماعنده حركات اسمع للحريم كلمته براسه وقايم بالبيتين وشخص متعلم ومثقف بعد وحاطهم بفله وحده كل وحده بدور مستقل لحالها هي وعيالها ومجالس الضيوف الرجال وحده برع زي الملحق واللي يومها تقوم بضيوفه والله زميلتي هذي ولاعمرها اشتكت لي من حاجه بزوجها وهي متعلمه ومثقفه عكس زوجته الاولى انسانه عاديه مررره .. تقول انا دخلت عليها بالاحترام من البدايه مو دخلت اتدلع واتفنن بقهرها ورفع ضغطها وزوجي عادل وماترك مجال لحركات المكر واللف والدوران كل وحده بيومها تسوي اللي براسها ..

فهمتي غير ذلك لا توافقين حتى لو ملايين الدنيا معه وهو ماعنده شخصيه بس يسمع للحريم بيتعبك وبيرفع ضغطك وبيقعد ميال وبنفس الوقت انتي شخصيتك تخافين الله وتراعين زوجته الاولى وتحطين براسك انك داخله على حياه فيها حرمه قبلك وتتقبلين الوضع كما هو مو تحطين براسك انك بتاخذين عقله ومن هالكلام لا اجلسي ببيت ابوك لين يجيك العازب .

وحكاية العمر تراك منتي كبيره ٢٥ سنه صح مو صغيره بس بنفس الوقت مو كبيره مره
كبيره اذا جيتي ٢٨ هنا اصلا انتي بتبدين تخافين على نفسك ونظرة المجتمع ماترحم وقتها وبتشوفين اللي حولك اغلبهم متزوجات وعندهم اطفال وبتحسين ناقصك شئ ..


والاستخاره مهمه جدا استخيري ووكلي امرك لله اذا انتي موافقه عليه الله يوفقك ويسعدك واذا كان هالرجال خير عليك يكون من نصيبك وان كانه شر عليك يصرفه عنك قادر ياكريم ..

وترى فيه نظره وفتره خطوبه يمديك تشوفين وش وضع الرجال وشهو عليه يستاهل تاخذينه ولا مايستاهل .

واللي بتقولك لا والف لا مااقبل بمعدد لو اطق الثلاثين كلن حسب شخصيتها حسب البيئه اللي هي عايشه فيها حسب نوعية المعددين اللي
يخطبونها نطيحه ومترديه يعني مافيه وضع عام وواحد تقدرين تحكمين من خلاله ..




~المعرف مشترك بين ثلاث جميلات دعواتكم لهن بتيسير امورهن ~