ألحقووووووووني يابنات تفشلت قدام زوجي واهله 🙊

كيفكم بنات
بدخل بالموضوع دووووغري
بنات انا لي كم يوم مطفشه زوجي ابي شواية السيف واقوله شوف تراني شاطره بالمشويات بس ناقصني شوايه اخيرا جابها لي البارح
عاد تعالوا شوفوا فرحتي من الحماس بغيت اشوي زوجي فيها هههههههههههه >>>>حاقده
المهم قلت له يلا اجل اعزم اهلك السحور عندي مشويات الليله.. وانبسط وعزمهم عاد ماصدقوا جو مدرعمين >>>فديتهم المهم اختكم في الله جابت الدجاج المفروم وتبلته بزبادي وبهارات وكزبره والبتاع كلووو 😍وزينته بالاعواد حق الشوي ع طول طبعا انا الشوايه اللي عندي هذي
المهم رصيتهم عالشوايه والشكل مغري جدا وزوجي ماخذ دور المشرف ومن الوناسه سحبنا ع الضيوف وتكينا بالمطبخ ههههههههه عاد يوم جيت ابي اقلب العود عالشوايه وش اللي صااااااااااااار ...!! );
لصق الكباب وطلع العود فاضي وتناثر بالمنقل اللي تحت حق المويه المشكله اني مزينه ٤٠ عود وكلها بااااحت 😱 الاذان باقي عليه ساعه ونص مايمداني ازين كبسه المهم راح زوجي جاب مشويات من الحربي 😂😂وقلت انا سويتهم عاد تعالوا شوفوا المدح 😎ومااقدر اطالع بزوجي لانهم مشوش عيونه فيني 😰 المهم مشت عليهم وبعد ماراحوا قال لاتسوين فطور اليوم لاني بفطر عليك 😰

الزبده شلون مااخليه يلصق وايش طريقتكم للكباب والمشويات !؟



🌹🌹

82 تعليق 39,603 مشاهدة

شاركي في النقاش

سجلي الدخول لإضافة تعليق.

التعليقات

81
  1. @am_ryma_60

    هههههههههههههههههههه والله فطست ضحك عالموقف
    انا عندي اشوي فيها دجاج ارش عليه شوية زيت زيتون وكمان اخليها تحمى قبل احط الدجاج عليها
  2. صاحبة الموضوع
    أم ريما...
    هههههههههههههههههههه والله فطست ضحك عالموقف انا عندي اشوي فيها دجاج ارش عليه شوية زيت زيتون وكمان اخليها تحمى قبل احط الدجاج عليها
    دوم الضحكه بس مو عليه 😁ماقووووول غير الله يسعدك ولايحطك بهالمواقف >>>>اصلا توبه اهايط بشي مااعرف له بشوي فيها دجاجه كامله عشان اضمن مااتطيح داخل 😂


    🌹🌹

تابعي تجارب أخرى من هذا القسم.