صباح/مساء الخير صبايا
أبغى أستشيركم في موضوع شاغلني ذي الفترة
زوجي بيطلع امريكا للدراسه لمده 3سنوات ويقول لي ما يقدر يأخذني معه من اول اللين يعرف الدنيا والوضع هناك يعني تقريبا من 3الى 7 اشهر وكمان يدرس لغه تمااام في هذه الفترة
المهم أنا بصراحه مؤ مرتاحه للوضع احسها فتره طويله وانا اعرف زوجي من النوع اللي يعب من البعد
وقبل فتره عرفت انه كان يراسل بنت على الواتس بغرض التسليه والسوالف بس😪
وانا بصراحه فكرت انه اذا سافر اطلع شريحه مجهوله الاسم وأصير اراسله واتس على اساس وحده تتسلى وتتعرف ويصير ينشغل معي بالحلال على أني بنت يلعب عليها أحسن من ينشغل بغيري ☺
عااااد أنا أبغى رأيكم في الموضوع خاصه اللي مجربه مثل ذا الشي
لا تبخلون علي بنصيحه او فكره او معلومه
وشاااكره لكم مقدما
ولا تزيدون نفسيتي وتوسوسون فيني😷
دمتم بخييييير .....
شاركي في النقاش
سجلي الدخول لإضافة تعليق.
التعليقات
45- ياختي روحي معه من البدايه احسن لك من الوساوس والحاله هذي
ربي يكون بعونك ويصون زوجك عن الحرام - ههههههههههه مادري ابكي ولا اضحك
عورتي قلبي
بقولك نصيحه لوجه الله بس
ارفضي ارفض ارفضي ارفضي
اغلب اللي راحوا يدرسون فسدوا الا من رحم ربي
شايفه تجارب كثيره
وشايفه مواضيع مبتعثات مع ازواجهم وماسلموا
اما سالفه الوتساب مادري ماشوف لها داعي اعتقد انتي مثل اللي يخرب علي نفسها افرضي تولع فيك يالوتسابيه
وكره شخصيتك الحقيقيه
قولي له ما اقعد ثلاث سنين هنا لحالي ياتاخذني معك ولا الوجه من الوجه ابيض ليه اقعد معلقه 3 سنوات ؟
لو فيه خير ياخذك معه
بعدين يروح شهر شهرين يستكشف الوضع مو 3 سنين - انا اشوف كلامه معقول يبي يروح بشوف الوضع هناك لكن انتي ادرى بشخصية زوجك وتفكيره !
اذا مصممه تبي تروحين خذيه بالين والهداوه وابعدي عن الصراخ والعناد قولي بروح معك مابي ابعد عنكك ومن هالكلام
ومن ناحيه انك تراسلينه عشان يلتهي ماظن هالفكره صح لانه راح تفتحين ع نفسك ابواب ماراح تقدرين تسكرينها بعدين ومثل ماقالت الاخت قلب مؤصد يمكن يتعلق بشخصيتك الوتسابيه ويكره شخصيتك الحقيقيه وتبدا تزين بعينه امور السوالف والتعارف ويتعرف فكررري زين قبل اي خطوه
موفقه اختي - حاااولي انك تروحين معه من البدايه واذا ع كلامه بيروح قبلك ويشوف الوضع
ويرتب الامور والسكن . تلحقينه وتسافرين له بعد شهر
ليش 7 شهور
اما مسألة انك تراسلينه بشخصية مجهوله نصييييييحه عمرك لا تسوينها
لانك
بتتعبين نفسيا . ماراح ترتاحين بالعكس.
الله يفرج همك وييسر امورك - هههاي ياحليلك الدراسه في امريكا خاصة اللغه كررررف مو طبيعي مابيلاقي وقت يلعب صدقيني ، وخليه يروح قبلك يستاجر سكن كويس ويأثثه ويتعرف ع المدينه وياخذ له شوية لغه وبعدها روحي مرتاحة لاحقه ع الغربه ..
مواضيع مشابهة
تابعي تجارب أخرى من هذا القسم.