كيف تجمعاتكم يوم العيد هل تنبسطين ولا تضايقين من بعض الحركات

العيـد حلو .. و بهجه فرح
ازرعـوا هالشي في قلوبكم و قـلوب ابناءكم
اذا بتحسـون بطعم العيد صلوا صـلاة العيد ❤
حنـا بعد ما نصلي العيـد نجهز صحن العيد حنا و بيت عمي و نطلعـه برى مع الجيران
يصير الشارع كله مليـان صحون اعياد
ياكلـون و يعايدون بعض
و اذا خلصوا جابوه البيـت
و بعديـن نروح بيت عمي قريب يصيرون جيراننا و اول عيـد لازم يصيـر عندهم
نعايـدهم و نعايــد الناس اللي يجونهم و نسولـف و ننبسط لحد الظهـر
بعديـن نرجع البيـت و تبدآ الاتصالات
نتصل على احبابنا البعيدين و اصحابنا و اصدقاءنـا
و بعديـن نريح للعصـر، لازم هالقيلوله ❤
و المغرب نجهز القهوه و نتقهوى و ننبسـط و نكمل اتصالات
و بعديـن نتجهـز للعـزيمه اللي بتصير بالليل
و نرجع دايخيـن
و من بكـرى يصير غداء و عشاء ❤
بس احلى شيء بالعيـد لما اروح ليلة العيد للبقاله و اشتري خرابيط البزران .. حلويات و شبسات
و ابدأ اوزعها باكياس صغيره و ازينها بشريـطه
و نوزع على البزران
فرحتهم جميـــله فيها ❤

حنا ليلة العيد م ننام والصباح نتجهز للصلاه ونروح معانا قهوه وحلاوه ونعايد اللي فالمصلى نلاقيهم ونرجع نفطر عند بيت ولد عمي وبعدها نبدا رحلة المعايده احلى شي البيوت قريبه من بعض نروح نمشى ونتونس ونعايد ونرجع البيت ع ١٠ او ١١ ولعدين يجونا الناس يعايدون علينا وتبدا الغيبوبه الى العصر ونصحى ونتجهز ونروح للناس اللي عندهم العيد يعني ع ٦ كيذا ونجلس للعشا وبعد العشا يبدا عرض الالعاب الناريه وكيذا طبعا عيدنا فالديره جداً ممتع مره احلى من زحمة المدن


استغفر الله العلي العظيم وأتوب إليه

عيد اهلي زوجي مره متتع في قريه ليله العيد الاطفال يكشخون ويدورن ع البيوت ياخذون حلاو فلوس هدايا كل بيت والي يعطي وصباحيه العيد يجتمعون في استراحه خاصه الاعياد يتغدون ويتعشون فيها ...

ام عيد اهلي نروح لجداتي وكل وحده قالبه خشتهها وخالاتي وجيهم تقلب مايبون احد يطول عندهم تقهوي واقضبي الباب بعدها صرنا نسلم ونروح ماعندهم فله استقبال دقايق بس


الحمدالله ع كل حال


سبحان الله بحمده
سبحان الله العظيم
استغفرالله استغفرالله استغفرالله ...

اختي ام يزن حالي من حالك اول عيد مو عند اهلي عاد عيدنا غيييير وربي 😢


💐