شاركي في النقاش

سجلي الدخول لإضافة تعليق.

التعليقات

87
  1. @lg_1

    تعرفي اختي انا لما شفت المعالجين في موقع الخليفه محتاريين في حالتي رغم انهم غير مقصريين يكتبوا برامج علاجيه وانا اطبقها ويحصل تحسن فتره ثم انتكاسه .. المهم صرت ادخل قسم تجارب الاعضاء مع علاجات الخليفه .. اشتريت دفتر وقلم .. كنت اقرأ في اليوم موضوعين او ثلاثه .. اكتب اسم العضوه ( لازم عشان ما ارجع للموضوع ثاني ) واكتب معاناتها يعني من شو تشتكي .. ثم ادون البرامج اللي طبقتها .. وسبب انتقالها من برنامج لأخر .. وايش حصل بعد تطبيقها لكل برنامج .. صراحه استفدت معلومات .. المهم فيه واحده حسيت ان اعراضها قريبه مني كانت تشتكي من سحر ومس .. طبقت نفس البرنامج وحصل معي الم قوي في ساعد اليد اليسار وطلعت لي كتله كبيره في نفس المكان ورحت حجمتها بنفسي ..ثم انتقل الالم للمكان اللي بعده وكتله وحجمتها وارتحت الحمدلله .. ثم طلع الالم فوق المفصل المنطقه اللي فوقه وحجمتها ثم المنطقه اللي فوقها وكمان سويت لها حجامه .. بإختصار نفس اماكن السحر المعقود في نقاط حجامة الخليفه ..
  2. @lg_1

    اعتقد والله اعلم انه في حال حصول تحسن اما ان العارض مات او خرج .. والانتكاسه هي ظهور واحد غيره .. يستقوي بعد خروج اللي قبله او موته .. هذا كلام الشيخ الخليفه .. انا عني جسمي مليااااااان عوارض وجن لأن حالتي قديمه جدا ومتعدده الاصابات ..
  3. @lg_1

    بالنسبه للحلتيت انا بنفسي جربته وشفت كيف كان يعذب العارض .. والشيخ خالد الحبشي في موقع الخير تكلم عنه وشجع على استخدامه .. احيانا يخطئ الشيخ الخليفه في كلامه .. مثل تعليقه على الحلتيت والقسط .. لو بحثي في النت عنها لوجدتي الكثير من التجارب الناجحه عنها .. الشيخ انا بنفسي راسلته وكتبت له عن حالتي وانتكاستي كل مره قال يمكن شي نفسي ..لأن علاجاتنا قويه وتقضي على المرض .. ما كلف نفسه يساعدني .. ويشوف هل هو مرض نفسي او روحي .. وواحده اخرى تعبانه ومتعذبه من المرض الروحي قال لها مافيك شي

    بالنسبه للحلتيت يحضر الجن في حاله واحده اذا تبخرتي او بخرتي البيت فيه ..
  4. @lg_1

    عاليه بسألك من وين اشتريتي عسل الشوكه لأن بحثت في المحلات عنه قالوا غير موجود وبعضهم قال له اسم ثاني السدر الجبلي .. وانا اخذ منهم لكن احسه مختلف عن الشوكه .. لأن سبق طلبت من صيدليه منتدى الخليفه برنامج الطب النبوي ..

    سؤالي الثاني قلتي ( وبعد الحجامة ظهرت السحر المرشوش والعرض يهودى في الجزء الايمن وهو المسيطر الان) كيف طريقة ظهوره ؟ كيف عرفتي .. انا احيانا اذا سمعت رقية السحر اشعر بالاقدام كلها تنبض وفيها حراره
  5. المستبشره بالخير
    السلام عليكم ورحمة الله وبركاته ياقلبي سورة البقرة 7مرات ممكن تقرينها على حسب قدرتك ممكن اليوم مرتين وبكرة 3 مرات انا قرائتها في 3 ايام حتى المشرفات اجابوا وحدة سالت انه ممكن تقرين 20 وجه وتنفثين علي الماء وتكملين اليوم الثاني باقي السورة …




    يعطيك العافيه يارب يعني اماكن العقد تحت الجلد بس ممكن تكون ورى ثنية الركبه ولا لا لان انا عندي عصب ملفوف ما ادري هل هو عقد او عصب بعد الرقيه من سنتين وانا ما اقدر امشي اول ما اصحى من النوم


    انا بدأت اجمع في الخلطه بس والله لسه ما وصل حتى نص كيلو بالتين والشذاب
    والطب النبوي المعالج نصحني في رمضان اسويه واستغله بس مقهوره ماتوفقت انتهى رمضان ولسه ماتجمعت معاي


    مشكلتي ما اقدر اقرا الرقيه كثير فهل تعتقدي الفاتحه والكرسي والمعوذات 7 مرات مع بداية ونهاية البقره تكفي
    لان المشرفات لو تسأليهم يقولون لك لابد من الرقيه كامله >>>> تحبيط ردهم


    انا ماعندي احد يدلكني ولا احد يعرف اني اتعالج لان البيت يحتاج معالجه فمافي احد راح يساعدني الله المستعان بس

    انا اخذت عسل الشوكه من مناحل القثامي ما ادري كيف صراحه اخذت بس ربع كيلو
    بحاول ابدأ بشوال لان رمضان خلص انتهى الله المستعان

    وماشاء الله من هذه المحجمه اللي عرفت فيك نصراني وووو دلني عليها تكفين وين هي ؟ وهل تجي للبيت


    حسبي الله ونعم الوكيل على اللي سرق من عمرنا سنين وجالسين ندفع ضريبة حسده وسحره سواء من انس او جن

تابعي تجارب أخرى من هذا القسم.