بنات… حزينه مره زوجي يدعي علي

:44::(بنات الله يوفقكم ..احس نفسي ضايقه… دايم احس اني مو قد المسؤليه ولاقد الزواج وتعبانه دايم بي قرف من البيت عندي ثلاث بنات اصغرهم سنه احس نفسي مقيده ..بس اوكل واشرب الحين جايتني حالة اضراب صرت مااطبخ تعبت حيل من الدنيا مدري ليه مزاجي متقلب فجاه اضحك وبعد شوي اصير عصبيه ماعندي شغاله… ومزكمه مالي نفس بشي وبس نقره انا ورجلي هو بس برا ويسير لخوياه وماشاء الله يصلي براحته حتئ صلاتي حسره علي مدري ليه مكتئبه هو اوضاعه الماديه ماشي الحال بس مايقدر علي شغاله ..قال اخذ قرض وتعرقلت سالفته بس عموما انا مو قد الزواج احس بلشت مابي رجال ولا ابي اكون مسوله مو تسخط بس شي اكبر من طاقتي ودي اروح واجي لاجيت اطلع ادفع الثمن البس واروش واغير والبيت ينعفس بالدقايق واي شي يطيح به انا المسوله ..وقلت لزوجي ودني للسوق ولا تاقف لي زي كل يوم وارسلت بناتي لاهلي احسب اني اغير جو واتونس اذا مامعي احد بس للاسف ماني مثل اول افرح بالشرا صرت اشريلهن ومااشري لنفسي واكره حالي احس مالي حق علي نفسي… مع اني مااحب الاطفال الا اني مخلصهن لهن وابديهن علي حالي واهتم حيل لدرجة الوسوسه… وعاد يوم جيت اخذ بناتي من اهلي بنتي الكبيره عيت تمشي وبدا الفلم الهندي صياح ومرافس وصراخ وابوها يزمر برا لاني انا قلت له نبي نمشي هو كان سهران عند اخوي واخرتني وعيت تطلع وكل مره كذا عمرها سبعه تقول طفش بالبيت ابلعب ومدري من يجيبها بعدين وانا بليا ضايقه وزوجي قام يهاوش قال تقولين امش وانتي ماخلصتي وبناتك مايبن يمشن وانا اطلع حرتي به انا مضغوطه وانا مقهوره وانا متبهذله وانا ملي حق علي نفسي ومليت من عيشتكم مدري وش بلاي يابنات مع انه مو مقصر وصراخ وهو يعصب مره وقام يلج قال الله ياخذك سودتي عيشتي ولهدتيني بحياتي والله لاروح. لمكه لاادعي ياربي ياخدني اوياخذك وافتك من لجتك كل يوم والثاني لك لجه وحزينه وحالتك حاله مدري ليه انااسوي كذا وبعدين اتحسف… .بس الج شلون اسكر فمي لو بي ضيقه تروني مو راعيات طلعات ماعندي وقت ابعد مكان اهلي او السوق ولا اسافر ودايم بالي ماهورايق احس مابي الزواج وصعب اطلق بناتي مع اني احب زوجي بس مدري ليه انا كذا ساعدوني تكفون دموعي اربع اربع

30 تعليق 8,880 مشاهدة

شاركي في النقاش

سجلي الدخول لإضافة تعليق.

التعليقات

28
  1. @sweet_choco

    يا قلبي انت ,,,
    بسيطه بإذن الله و لا تشيلين هم .. كل الموضوع أنك محتاجه شوي تنظيم لوقتك و ترويض لبناتك.... و هالشي يجي مع الوقت و الصبر و الحياه كذا فيها كدر الله يرزقنا الصبر ...
    و معليش حاولي تتمالكين أعصابك هالفترة و حاولي مع زوجك أنه يومين من العيد تطلعين انت و اياه بدون البنات اي فندق كذا تغيير جو ,, او تجلسين عند اهلك يومين استجمام ... و بعدها ارجعي بيتك نظمي وقتك و روووضي بنياتك الله يخليهن لك يارب ...

    اذا تبين اي خدمة تعالي ع الخاص والله ثم والله اني مريت بحالتك و عدت سلامات :)
  2. @oatsab

    واضح المشكلة مشكلة ضغووط وترراكمت عليك 
    تحسي نفسك فاقده السيطررة 
     وبناتك ورى بعض الله يخليهم لك 
     مالك حل الا تنظمي وقتك وعلمي بنتك ام سبع تسااعدك 
    عودتيها بالتدريج ترتب غرفتهم تنتبه لخواتها وانتي تصلين او تطبخين
     اشتري من البلا ستيك وحضري فيها الاشياء البارده 
    الحارة لازم زجاج 
    رتبي وجباتهم واكلهم 
     حطي طشت في المغسله مع قليل كلوركس وكل صحن وكاسه حطيها فيه واغسليها على طول 
    غرف الضيوف نظفيها مرة فالاسبوع وقغليها 
    الملابس يوم ملابس زوجك 
    يوم ملابسك ويوم ملابس بناتك 
    واليوم الرابع الكوي حطي الكوايه الي تكوين عليها قدام التلغزيون وو طيها واجلسي على كرسي وابدي اكوي واتفرجي على برنامج مفيد وبكذا ماتفطفشي 
     وحاولي مع زوجك يودي ثيابه والشماغ والغتر يكويهم برا
    بكذا يخف عليك الشغل 
    ورتبي اول باول لاتاجلي ويتكوم عليك الشغل 
    والطبخ لازم تطبخي لو غدا بس كبسة مضغوط بقدر الضغط ماتاخذ وقت ولاجهد وطعمها حلو 
     ولاتنسي تدلعي نفسك وترتاحين شوي 
    واستغفري واكثري من قول سبحان الله والحمدلله والله اكبر ولا اله الا الله ولاحول ولا قوة الا بالله 

     
  3. صاحبة الموضوع
    انا موعشان الحوسه انا احس نفسي خلاص ماعاد فيني اربي او اطبخ مااحب هالشي مليت لاني والله يابنات كنت كن صغري شايله بيت اهلي كله علي راسي وانا متزوجه كنت انظف بيتهم وبيتي بس هم الحين عندهم شغاله وانا لي 10سنوات متزوجه ونظاميه حيل بس السنه هاذي احس خلصت البطاريه جايني حالة اضراب ماعاد اهتم للطبخ ولا الترتيب احس فيني شي يقول خلاص راح عمرك وانتي طبخ غسيل كوي شرب مليييييييت طقيت ابي استغل بنفسي ابي امرض براحتي يعني مزكمه وعظامي توجعني لازم. اقوم بهالادوار متي ارتاح لما اموووووت وانا خلقه مكتئبه مزاجيه جدا ومتقلبه مدري وش السبب بعز سعادتي يجي شي يقول اليوم. مستانسه بكرا تضايقن اوبكرا وراك الشي الفلاني وارجع زي ماكنت بهمي ليش مدري مع اني استغفر واصلي وادعي بس تعببببت.مافيه شي يسعدني مو عارفه السبب يعني عشان ماعندي شغاله توقعون وفيه وحده منكن مثلي ويوم جابت شغاله ارتاحت وتغير التفكييير. … جاوبوني
  4. @hkay_klb_10

    اذكري الله وأشكر يه واستغفري كثيراً وتتغير حياتك للأفضل
    أنا مْ جربه كنت أدور اي شي أتهاوش عليه
    الله هداني بعد ما تمسكت بقراءه البقره والاستغفار

    والله يهدي النفوس ويصلحها 🌹😊

تابعي تجارب أخرى من هذا القسم.