❤تباشيــ 6 ــر ❤مواليد الأهله ( رمضان ❤ والعيــد) يوليو و اغسطس

ام علوش الف الف مبروك تتربی بعزكم البنوته الحلوه
دينا ربي يهون عليك اشربي قرفه وقرفصي دامه مفتوح واشربي يانسون مذوب فيه ملعقة عسل وربي يسهل لك
ام رغودي اللي نزلت عليك مويه خضراء اختي ولدت بنفس اليوم تذكرون يوم اسالكم جابت علی طول بدی الطلق

حياه مبعثره انتي وغموض نفس الشي مدري وش معناته انا بالعكس قاسي كل بطني متحجر ويوجعني عسی الله يهون علينا
بنات بسالكم وشو التحريض تكفون ردو لانها بغت تسويلي ذاك اليوم قبل الطلق الصناعي بس ربي ستر علي وبعدين مابغيت اخون خوياتي اللي معي طعم الثلج وصعبة المنال وفروسه شفتو اني امينه
عاد تصدقون تحسفت ليتني خليتها علی عماها وولدت بس خفت علی النونو المهم وشو التحريض احتريكم تردون
فررروحه تری ماعندي علم بنغزات اللي تحسيها انا احسها من ناحية المهبل احس لو بلمس القی يده او اصبعه طالع من كثر ماهي نازله الحركه

إن شاء الله ربي يسهل عليك وتولدين خلال الأسبوعين الجاية
أنا عانيت من حصر البول تقريبا اسبوعين ينزل شوي شوي
والأيام الثلاث الأخيرة قبل الولادة كنت أتجنن أروح دورة المياه ماينزل إلا كم نقطة وأنا أكون شاربة سوائل كثير وبعدها جاتني تقلصات شديدة منتظمة وبعدها جاتني الطلوق وولدت الحمدلله يارب
وكنت كل ما أروح الدكتور يسوي تحليل يقول كل شي ممتاز هذا من ضغط الجنين على الحوض
ويقولي هذا شي ممتاز
و قلت لأمي الله يطول بعمرها قالت لي أنا مثلك إذا قربت ولادتي يجيني حصر البول وتوقعتلي إنه ولادتي قريب
وأتذكر معانا العضوة رمويه كانت تشكي قبل ولادتها بيومين من حصر وانحباس البول هنا بالتجمع


وبالنسبة لمفرش سرير النفاس خذي شي مرتب وألوانه هادية وحلوة بمحلات مفارش السرير
شوفي هوم سنتر مثلا وفي محلات سرر ماركات حلوة مفارشهم وأصلية تعيش معاك ونصيحة خذي مزدوج واطبقيه بشكل مفرد وافرشيه بسرير النفاس ولا خلصتي نفاس افرشيه بغرفة النوم واستفيدي منه
وانتبهي لاتاخذين مفرد ماينفعك إلا وقت النفاس
ومو شرط مفرش النفاس يكون طقم مرررة حركة مو حلوة وقديمة
وبالنسبة لمفرش النونو خذيه للسرير حقه عندك سنتر بوينت عنده مفارش حلوة لأسرة البيبهات بس أهم شي انتبهي لمقاس سرير طفلك وحاولي تاخذي لون يناسب مفرش سريرك ويمشي معاه



الله يسهل عليك أم مجاهد يا قلبي
والله شوفي يا حبيبتي أنا تكلمت قبل كذا إن دكتوري كان يقولي تدليك حلمة الثدي بزيت الزيتون يوميا من ثلاث لأربع أو خمس مرات باليوم خلال الشهر التاسع يلين عنق الرحم
وبعد الرطب يلين عنق الرحم بس كلي عشر رطبات وأكثر باليوم وشرط يكون رطب مو تمر
والتنفس الاسترخائي من البطن يساعد كثير بتليين عنق الرحم وعضلات وأربطة الحوض والعجان هذا اللي أعرفه
وأنا لما بدأت طلوقي بيوم الولادة شربت حليب بحلبة والحلبة تساعد في تليين عنق الرحم



الله يسهل عليك أم رغودي يا قلبي
التنفس الاسترخائي من البطن يساعد في نزول البيبي ويلين عضلات وأربطة الحوض وعنق الرحم
كتبت الطريقة بالتجمع اللي فات ارجعيلها وحاولي تطبقينها
جدا مفيدة وتريحك بحول الله وقت الطلق



وشوشونة يا قلبي
التحريض تدخل الدكتور يدها من تحت كأنها تقيس لك عنق الرحم وتحاول توسع بأصابعها العنق وتفتحه

آآآه شايلة هم الكشف والتحريض أكثر من الولادة،

بسأل اللي خذت إبرة عضل تسكن الألم كثير والا ماتسوي شي لأن الدكتورة تقول كل أربعة ساعات نعطيكي إبرة..

مهلبية
إن شاء الله يا قلبي مافيك إلا العافية ومايطلع فيك لا تسمم كبدي ولا شي يارب