محاولات إثيوبية لاستئناف إرسال العمالة المنزلية إلى المملكة

اذا رئيس لجنة الاستقدام ونائبه من اكبر الموردين لهن وش ترجون والله يابنات ان نائب لجنة الاستقدام بفمه قال لشخص ثقه اثيوبيا ربح ومابها رجيع مره يقصد ترجيع الخادمه
وانا اجاوبكم ليش مابها رجيع ياتهرب ياالله هديها ياانها تستنى الين ماتنتهي مدة الضمان
تخيلو تو بسويسرا هاربات ٢اثيوبيات وحده لااماراتيه وحده لسعوديه ماينضمنن لو دلعتيهن


تم الإرسال بواسطة iPhone بإستخدام منتدى عالم حواء

كل انسان عقلة في راسة .. ماحد يقدر يجبرنا نستقدم من اثيوبيا خليهم يقعدون في كبودهم العجﻻن والبداح حسبي الله ونعم الوكيل فيهم

الاغلبية للاسف تجيب المصايب لبيته ليش اجيب مجرمه واسكنه ببيتي ومع عيالي وحاطه يدي على قلبي بس علشان ارتاح من الشغل والراحة النفسية وش يعوضها
حنا طرف بالاستهتار الي قاعد يصير ليش نصر اننا نجيب نجرب حضنا عليهن لو الكل صار عنده وعي وقدرنا نستغني عن الاثيوبيات والله نوقف المهزله الي قاعدة تصير
إلى متى اطفالنا يدفعون حياتهم ثمن ،اجيب اثيوبية واغامر بحياة اطفالي عساني مارتحت،، ابشع الجرائم شفناهن منهن وياليت يتم محاسبتهن
حسبي الله ونعم الوكيل عليهن

وش فيكم على الرجال ؟والله ترا موب جابركم عليهن الي مايبونها لايستقدمونها وصلى الله وبارك وبعدين هو يقول فيه محاولات منهم هم انهم يبون الجيه، يعني ماقال ترا احنا الي نبيهم يرجعون!قطعتوا الرجال بالغيبه والتحسب عليه،،حرام عليكم وقولتوه شي ماقاله، لا وبعد حطيتوه متزوج اثيوبيه!! عجبي!!
طبعاً انا موووستحيييل تدخل الاثيوبيه بيتي الله لايحوجني لها يارب،

من الصاحي الحين يستقدم من اثيوبيا؟!!! 
العجلان واشكاله يهمهم مصلحتهم الشخصية والا الشعب بالطقاق