شاركي في النقاش

سجلي الدخول لإضافة تعليق.

التعليقات

2,005
  1. الجزء الثاني
    الجزء الثاني
    وصلت المستشفئ ودخلت قسم الولاده ولقيتهم حاجزين غرفه تحضير للولاده لي وطبعا اول مره اسوي تحريض وبطني ارتفعت حسيتها طلعت حلقي.
    المهم جت الممرضه وقالت غيري ملابسك ووقتها عرفت انه بدينا الجد وحقدت على نفسي وزوجي والعالم وكل ماشفت ممرضه وبطنها فاضي اقووول يا بختها واكيد ماقد ولدت وووو.
    المهم اتمددت وحطو الجهاز علئ بطني وبديت اطول يوم في حياتي.
    جت الدكتوره المناوبه وقاست رحمي وقالت من متئ تحسي الوجع. قلت اي وجع قالت الطلق قلت لها جايه تحريض.
    قالت رحمك فاتح 1 سم وبداية طلق. والتحميله بتسرع الموضوع فرحت قلت يعني متى اولد قالت التحميله الاولئ تاخذ سته ساعات والثانيه بعدها وهنا اتحطمت و زعلت واقول لزوجي ابغئ اروح البيت بس خفت اروح وارجع ماالحق يحطو لي ابره الظهر.
    اخذت التحميله ومافي اي الم ولا وجع وجابو لي اكل وفطرت وزوجي راح دفع حق ابره الظهر وجا نام على الكرسي وانا عيوني على الساعه.
    طبعا الوقت قضيته على الواتس مع صاحبتي وبنت خالتي. ثنتينهم قالو ما بنام الا لما تولدي بس بعدها على 10 قلت لهم نااامو انا لسا مطوله واحتمال اقعد لليوم الثاني.
    التحميله الاؤلى كانت الساعه 6 الصبح والثانيه على 12
    جت دكتورتي وكشفت قالت فتح 3 سم وحطت تحميلتي الثانيه قلت لها دكتوره ابغئ اخلص بسرعه قالت باذن الله العصر تكوني ولدتي.
    كلمت امي وقلت لها ادعي لي ونقلوني سريع لغرفه الولاده.
    مفعول التحميله الثانيه كان فوري وبدء الطلق نارررر وصرت اقول لزوجي الابره بسرعه واتذكر حكايه شمي ورده واطفي شمعه وصرت اشم واطفي ولا في فايده ناااااار وشويه جا الدكتور وحسيته انه جاي يدخلني الجنه استغفرالله.
    حط الابره من هنا و انا استرخي ولا كانه كان فيه شي. سبحان مغير الاحوال.
    طبعا الدكتوره تجي تقيس وتهرج معايا شوي وتروح. اللين جت قاست وطلع الرحم مفتوح 7 سم هنا اتغيير وجهها. اشوفها تهرج مع المناوبه وتقول دم وكثير ووو وانا احس بشي ضاغط تحت ضلوع صدري واقول لها البيبي فوق احسه تقول لا مو البيبي وصارت تضغط علي من تحت وتقول لما اقول لك دفي دفي وقعدت كذا يمكن ساعه او اكثر.
    قلت لها ايش فيه قالت احتمال عندك انفصال في المشيمه وقاعد ينزل منك دم.
    قلت لها ولديني قيصري قالت ضربات القلب حق البيبي ممتازه اذا تغير شي غرفه العمليات جاهزه لاتخافي.
    المهم جت كشفت علي الساعه5 وقالت خلاص وقت ولاده وبسرعه جت معاها المناوبه واربع ممرضات ودكتور الاطفال وبدئت تقول دفي دفي وبعد اربع مرات خرجت بنتي للدنيا وانا عيوني تلاحقها من يد ليد تتنقل وعالئ بالي خلص الاكشن وانا مو داريه انه لسا ابتدأ.
  2. بكمل بس اعتقد قلت لكم عالي صار ليا بعدها.
    الحمدلله حمدا طيبا مباركا انه فرحني باكتمال حملي وسلامته وعسئ ماصار لي بعد الولاده تكفيير لذنوبي واجر باذن الله.
  3. @oshoshonh_2

    باشن
    الحمد لله عل سلامتك وكل شي باجره الله لايحرمك الاجر
    ساره الف مبروك والحمد لله عل سلامتك
    يالله اولدو وخلصو وسعو الملعب لنا انا وصعبة المنال وفروسه وطعومه وندومه مع اني قبلك ندومه بس احس بنولد سو الله يفرج علينا وعل كل هالتجمع ياحبيلكم بس انا جايني برود هاليومين عادي مو لازم اولد الحين ودي اتاخر لان امي بتجي ب6عشره وودي اشوفها وانبسط معها هي وخالاتي واحظر جمعاتهم لاني اذا ولدت بنحشر بالبيت وماحد فاضي لي

تابعي تجارب أخرى من هذا القسم.