زوجي ظلمني........

بنات امس ما تتخيلون وش صار انا العاده اروح لامي مع رجلي اذا راح الدوام الصبح جيت نزلت لقيت الشغاله قاعده تغسل الحوش وانا ماقلت لها وحنا يابنات بنروح :30: عاد انا عصبت قلت لها انت غبيه وشلون تغسلينه وحنا اليوم انت عارفه اننا بنطلع مستعجلين ما صدقت عاد هي قالت جابك الله وقامت تهاوش بصوت مرتفع تقول انا وش اســــــــــوي بابا المهم:eek: انا فهمت ان ابو زوجي قايل لها اغسلي الحوش عاد انا دخلت وقعدت البس عيالي رحت المطبخ ابجيب زيت عشان نفطر ولقيتها فيه قلت لها انا ما دريت ان بابا قالك ماله داعي انك ترفعين صوتك علي وتنزرين فيني المفروض قلت لا تزعلين مدام بابا قال لي كذا كلام كويس قالت انت الي تكلمي كويس قلت لها انت الي تشتغلين عندي عاد هالشغاله عارفين مشاكلها من جت دايم اكتب لكم عنها المهم رحت بيت اهلي وكلم زوجي لانه كان سامعني وانا اتكلم معها قلت لها آسفه عسى ما ازعجناك هانت انشاءالله تروح ونفتك منها واتفاجا يقولي انك انت الي قايمه حاطتها في راسك وقاعده ترفعين صوتك عليها وهي ما قالت لك شي ولله يابنات من جتني مدري وشلون خليتها لانه كان عندي شغاله ودخلت عليهم وهم نايمين ولقيتهم فوق بعض:eek: سويت نفسي اني ما اشوف وطلعت يوم علمت زوجي قلت له هذي مب امينه على البيت وعلى البزران الي تسوي كذا قالي انا منيب فاضي المكاتب غثا انت عارفتهم مشيها الاولى بتروح وتجلس بلحالها وقضا الموضوع وصبرت عليها في هالسنتين كل يوم مسببه مشكله ولا ادقق في شغلها وآخرتها هذا الي قدر عليه رجلي يدافع عنها ويكذب علي قعدت يابنات امس اصيح كني بزر في بيت اهلي منقهره حتى زوجي شلت عليه :( ماتوقعت ان هذا يصير كنت متوقعه يقول الله يعوض صبرك خير مب آخرتها يصير معها علي ولله يابنات بغيت امس اخليها عند امي بس انا عارفه رجلي كان يطين عيشتي جبتها بس خلاص حتى الكلام ما عاد لي معها كلام الا في الشغل بس انا ما قهرني الا زوجي قلت له انا توقعت اي احد يقول كذا الا انت المشكله انه يدعي انه خايف علي وعلى بناتي من سحرها بس تصرفاته ماتدل على كذاوش رايكم فيه.........

16 تعليق 7,395 مشاهدة

شاركي في النقاش

سجلي الدخول لإضافة تعليق.

التعليقات

15
  1. شوفي ياما يجون شغالات وتقولين شكلها طيبة وما راح تسوي شيء .. وهذا اللي يخلينا نسمع قصص شغالة ذبحت عائلة وشغالة تحرق طفل وووو الخ ..
    شوفي مهما كان اصبري عليها ..
    انا انقهر من شغالتنا اذا ارتكبت هي غلط يقوم ابوي يحط اللوم فيني مع انه شغالتنا احيانا ترفع صوتها علي واحيانا ترفع ضغطي وانا ما اقول لها ولا كلمة ولا ارفع صوتي اقول لها خلاص والا طيب وامشي .. كل هذا عشان امي لما تروح المدرسة تترك اخوي الصغير معها ..
    ولو تشوفين معاملة اهلي لهم اقسم بالله ما تقولين خدامات يراعون مشاعرهم ويلبون طلباتهم يسامحووونهم على اي شيء ..
    بس كله لانهم جايين من بلد ثاني ولازم نصبر عليهم عشان الاطفال وعشان نتقي شرورهم ..
    فانتي اي شيء تفاهمي معها ولا تعلين صوتك عليها وهي ما راح تعلي صوتها عليك لانه اكيد زوجك بيرحمها ويقول هي مسكينة كلهم بيقولون كذا ترى ..
    وانتي اشتري راحة بالك وتعاملي بهدوء ..
    والله يحفظك وعيالك من شرهم ..

    أختك .. ماسة حساسة ..
  2. صاحبة الموضوع
    شكرا اختي بس ولله انا ما همتني هي بقدر ما انقهرت من زوجي كان ودي انه يقول الله يعوض صبرك خير هانت بتروح بنفتك منها اصبري مب يوقف معها ضدي الشكوى لله بعدا ين انا لاحظت فيه شي غريب اهتمام زايد بالشغاله ومراعاة لمشاعرها ليش مدري يحسسنسي انه لو راحت الشغاله بيضيع حتى ممكن انه تهزاه ما يقول لها شي وانا زوجته لو اقول كلمه ما تعجبه مد يده حسبي الله ونعم الوكيل
  3. صحيح كلامك ..
    انا الاحظ هذا الشيء ما يقدرون يقولون شيء للشغالة ..
    بس يمكن عشانك يمون عليك ههههههههههههه اذا قلتي كلمة اكيد بيردها لك اضعاف..
    و يمكن لانها تعتبر غريبة في البيت فما راح تكون نفس المعاملة ..
    طنشي حبيبتي لا تخلين اللي يحول بينك وبين زوجك كلمة .. هذه امور عادية ..
    حاولي تخففين عن نفسك ولازم تعرفين انه اكيد هو راحمها ويحس انها غريبة ومن هالامور ويمكن كان معصب ..
    ان شاء الله تعدي على خير

    .. ماسة حساسة ..
  4. انا لاحظت ان الرجال يرحمون الشغالات.....لكن سبحان الله العمال غير يتعاملون معاهم بشدة...

    فعشان كذا اي شي يصير يحط اللوم عليك ويدافع عنها اما انه فعلا يخاف عليكم منها او انه راحمها مغتربة عن اهلها...

    انا زوجي كذا سلطه الله لايسلط علي...

    بس تدرين خذتها تعلومة اي شي تسويه الشغالة مااقوله له...
  5. فعلا اي شي تسويه الشغاله لاتقولين له

    بينك وبينها حلي المشكله وهو مو موجود وفرضي احترامك عليها ولاتسمحين لها ترفع صوتها عليك وفهميها انها جايه تشتغل وبس فلا تحط مكانها مكان معزبتها وترفع صوتها وتلتزم الاحترام

    تراااا بجد الشغلات ماينعطون وجه

    والرجال يرحمونهم بس انتبهي لا تتهاوشين معاه وزوجك موجود لانه بيحرجك ويوقف بصفها

    وبعدين نصيحه لك مهمه مهمه راعي الله فيها لكن اذا غلطت نبهيها واذا رفعت صوتها وقفيها عند حدها لكن نصيحه حطيها ببالك لاجت تسافر لاتقولين لهااااااااا ابدا الا قبل موعد الطياره بساعه وخليها تجهز اغراضها عالسريع وفتشي اغراضها زين يمكن ترا تكون حاقده عليك وشايله شي من ريحتك وتضرك

    ولاتنسييين تكررين هالدعاء بسرك بصباح والمساء

    اللهم اكفينهم بما شئت
    اللهم اجعلك بنحورهم واعوذ بك من شرورهم
    حسبنى الله ونعم الوكيل

تابعي تجارب أخرى من هذا القسم.