يا امي كفاية انا محتاجة لقربك ودعائك

السلام عليكم ورحمة الله وبركاته

حسيتي في مرة ان نفسك تقولين لامك بمنتهى الصراحة كفاية يا امي انا احتاجك اكثر من اخواتي واخواني

لما تكوني بنت في الثلاثين وكل اخواتك واخوانك عندهم حياتهم وعيالهم وامك الله يسامحها تعطي لهم كل وقتها لدرجة ان حتى الدعاء تجلس تدعي لاحفادها رغم ان عندهم امهاتهم ووالدينهم يهتمو فيهم ..لدرجة هما انفسهم يبدو عيالهم عن امي ورغم كذا ماتعطيني من تفكيرها كثير

طيب ليش وانا محتاجة لها كثير وربي العالم .محتاجة لدعائها لي بالتوفيق وبالزواج الصالح ومحتاجة تسافر معي وتونسني بدال لا تشغل كل تفكيرها بالعيال المتزوجين واللي عندهم بيوت ...ووالله هما انفسهم يبدو عيالهم ويبدو راحتهم قبل كل شئ

فيه حد حس باحساسي هذا اتجاه امي.هل شعرتي انك محتاجة لها وهي بعيد ...تصدقون ان رجل قريب لي بنفسه ومن تلقاء نفسه مرة قال لها يا فلانة هالبنت محتاجة لك اكثر من البقية لانه الجميع عندهم بيوت ماعدا هي الباقية ...

حبيت افضفض وتشاركوني برايكم

13 تعليق 2,509 مشاهدة

شاركي في النقاش

سجلي الدخول لإضافة تعليق.

التعليقات

13
  1. زائرة

    الله يسخر امك لك ويسخرك لها سبحان الله يمكن تدعي لك بينها وبين ربها
  2. @astfsar_mhm

    الله يكون بعونك..انا زي وضعك..بس انا خواتي متفرقين في مدن مختلفه..ولما نجتمع يكون كل الاهتمام لهم..لان كلهم موظفات ويعطوها كثير ويصلحون بيتها ويجددون اثاثها..تحسسني بالنقص بينهم..مع اني ماقصر اهديها اذا كان معي.بس انا علي قدي الي الان ماتوظفت..وابرها علي حدود امكانيتي..ولكن احس بهذه النظره فيها وبكلامها..نظره المنبهر والمفتخر ببناتها..مره قالت لي روحي مع فلانه تعلمي منها...كانت تبي تروح مشوار السوق...ياللللله قد ايش اوجعتني ...والكلام كثير ما يفهمه الا اللي يعيشه...انا ما اكره امي ولا الاخت كذلك اللي طرحت مشكلتها...احني نبي شوي انصاف وعدل في المعامله...
  3. ماقد حسيت لان امي متوفيه
    اطلبي منها تدعيلك ..حاولي تقربي منها .
    الله يصلح مابينكم ويرزقك الزوج الصالح والتوفيق
    وكل عام وانتي بخير
  4. @smo_alaazyzh

    انا بتكلم اليوم لاني متظايقه وحابه افض فض وجا موضوعك قدامي انا بقولك شي بحكم اني متزوجه وخواتي مشاء الله كثير وفيهم المتزوجات والغير متزوجات امي الحمدلله من النوع اللي ماتقصر معنا كلنا يعني لما نزورها وجينا بنروح لازم تعطينا كل شي من اغراض للبيت من نفسها بدون مانطلب وابوي نفس الشي لازم يعطينا كسوه فلوس يعني وخواتي اللي ماتزوجوو يجن جنونهم كل وحده تهاوش امي ترى لهم ازواج يصرفون عليهم تاخذين اللي عندنا وتعطيهم لدرجة ان صار بينا نفور وصاروو خواتي اللي ماتزوجو يتضايقون منا مع اني انا بالذات دايم اقول لامي يمه والله مانبي شي مانبي الا سلامتكم بس خلاص تعودت على كذا وماهوو ذنبنا ودايم تتصل فينا كلنا يوميا وبرضوو خواتي اللي ماتزوجوو يتضايقون انتي بس ماتفكرين الا فبناتك وحنا ساحبه علينا يعني صاروو يتحسسون من الموضوع بس هذا مايمنع ان امي عندها سلبيات وتقط احيانا كلام يجرح مثلا انا اكثر وحده اسمع لامي اذا كلمتني لو تجلس ساعتين حتى لو تعيد السالفه مليون مره ماعندي مشكله افضي نفسي لها وخواتي اللي اكبر مني مقصرين معها واذا كلمتهم حاكوها شوي وقالووو مشغولين لو تعيد السالفه فشلوها وقالووو قلتيها مليون مره ومع ذالك لو يسوون لها شي تافه صاروو هم احسن الناس وانا ولاشي وامي فيها طبع شين الله يهديها يعني عندها وسوسه فسالفة العين والحسد مثلا لو اختي سافرت قالتلها لاتعلمين خواتك لاينظلونك لانهم ماسافروو ولو تشتكي وحده من خواتي من بطنها مثلا قالت يمكن اختك فلانه فزت لك بدون قصد يعني اشياااء كثير لكن وش نسوي اهلنا ونحبهم ولازم نتغاضا وصدقيني امك تدعيلك حتى لو ماقالتها فوجهك لانك عندها فالبيت وقدامها بس هي تحن للي تزوجوو وراحوو عنها واذا تدعي لاحفادها ترى يقولون ما اعز من الولد الا ولد الولد
  5. @mtah_3

    ايه وبقوه!! وقبل ثواني كنت اكتب زي هالفضفضه ف الملاحظه لترتاحي نفسي وبكيت الين صدعت!! ودخلت بالقسم ولماقريت العنوان فهمت المضمون قبل الدخول!! وازيدك قلتها لك اكثر من مره!! لم الاقي تجاوب!! وهي بنفسها شهدت مشاهد ظلم من اخواني لكن المصيبه وقفتها معهم وتدعي علي بقلب حار وجامد ومن قلب وتثور لماادعي عليهم ع ظلمهم بل تدعي لهم لهم حياتهم وخليهم يالحاسده!! وش اللي ناقصك!! ولاافوتك كمان تخدمهم خدمه تحت رجولهم وش يبون!! ع اشياء تافه تركض وقلتها قدامهم جميع هي خدامه لكم تخيلي الموقف امام زوجه اخ او ابناء الاخوان!! يربط لسانك لان ان كان امك تعاملك بالسيء ليه تعتب ع الغريب!! فوالله اشعر بغصه/حسبي الله وكفى/فالقائمه تطول والوجع باقي!!/ويعتبر تاخرنا ف الزواج او الوظيفه من قله فكرنا وانا لانستحق ووو وهم مميزين والا لما نجحوا ف حياتهم /تجاهليها ولاتنتظر الدعا منها/ فاللي خلقنا ماراح يخلينا ابد ارحم منها/ وبالاصل هي بشر فالبعض صفه ام لاتستحقها فلم تؤديها ع اكمل وجه

تابعي تجارب أخرى من هذا القسم.