شاركي في النقاش

سجلي الدخول لإضافة تعليق.

التعليقات

67
  1. الحمدلله صليت صلاه العيد بالمسجد وسلمت على أقربائي وكان عندي فطور أول يوم وأجتمعو الناس والأهل وأنبسطنا وأكلنا حلاوه العيد وذبيحه العيد بعد وبعد صلاه الظهر الكل نيام ,والحمدلله على نعمه الصوم وحضور العيد ونحن بأمن وصحه وسلامه والله يعوده علينا وعليكم أعواما عديده وكل عام وأنتي يانخله مثمره بكل خير وكل الأخوات.
  2. انا في كل عيد ورمضان تحصل لي كارثة .......الحمد لله لى كل حال اول عشرة ايام متضاربة مع امي واختي اللي هي ساس البلا ,,, الله يتولاها ويكيدها هي السبب ...وتصالحت مع امي عاشر رمضان الين 19 رمضان ....وتضاربنا من جديد وعشا ن ارضيها اشتريت لها من كسوتي اقمصة واواني ...ورتبت البيت ومسحت الجدران واباشر ليلة العيد واشتغل ...وتصالحنا على خفيف ليلة العيد ..... روحت صليت العيد لاول مرة وحسيت بأجواء حلوة يوم رحت الصلاة توزيعات اطفال وحسيت بطعم العيد من سنين ...شوية بعد الصلاة ...اروح عند اخوية في السيارة الا وهو يروح عني يا زعم .. الحقي وراية قلت وقف بنركب وش اقعد الحق وراك الا هو يسبني ويقول والله ما تستحين من الله ترفعين صوتك عورة زي النهد زي الصدر زي زي انتي ماعندك خوف من الله ولا عندك شرف ..هو كلمة وانا كلمة الا ونحنا نسب بعض بالمختصر ... جيت البيت الا وامي ماتصدق عليه تدور الزعل ... قلت اعطيني مفتاح مجلس الحريم برقد فيه (من البكا والحرارة اشب ابغى هواء ) قالت ارقدي هناك .... قلتناك ولد فلانه (اللي هي اختي اللي انا متضاربة معها توه مولود )قلت مابرفع المكيف الا وهي تنفك ....اه لاتحطين الشي براسي وتتعللين بولدي انقلعي كل شي جبتي سيرتي ) الله ينصرني وربي ماتبغى احد يرفع المكيف عليه وربي ) واناما اكلمها لكن هي ماتكود تنفك عليه اللللللله لا يهنيها وبس ..... شوية جو الكل يفطرون وانااروح لاخوية الله سبب واتفل عليه قلت انا اشرف منك ومن عشرة من امثالك ...الا والكل ينفض هو يذلف بيته ....ومرته وعياله نزلو ا والكل ترك الفطور .... اجل سوي عليه فتنة ويجي يبلع عادي حلوة .... وخشيت غرفة الحريم وقفلتها .... ولله النار اللي شبت فيني بردت براد الله اعلم به ....ونوم قمت الساعة تلاته الا اسمع اختي الوصخة تبغى تفتح الباب تقول ماشاء الله قافلة الباب .... حاكمتكم )قالت لها امي انطمي (امي تبغى تطفي المكيف عني .... لكن اختي تبغى تقشني من الغرفة عساها ما تربح ..... جا زوج اختي الطيبة مو العفنة الكبيرة (اختي الطيبة غير ) قمت مغرب الا اخوية يطلع عليه ويجي يعتذر ويقول حقك عليه وانا قلت الكلام هذا بدافع الغيرة والمحبة وانا اغار عليك وابشري بالحق .... قلت انا ماعد ابغى حق ولو عاد احد يدخل في ذمتي والله لاشكيكم في الكلام لفاحش اللي تقولونه في حقي في المحكمة في المحكمة على الكلام الفاحش انت او اختك (جا مهم العيد محد عيد علينا ...وانا منكد عليه .... وراحوا العيد (وجبة عشا ) وانا قاعدة في البيت بس ابكي ....دعواتكم لي بتفريج الهم وان الله يكتب لي من المتوظفات لهذا الشهر ويغنيني وينصرني على من ظلمني ....
  3. @oatsab

    انا متعووده اواصل في العيد للظهر وبعدين ادخل غرفتي 
     عند امي خاصه لي اقفلها ولااحد يتجرأ يدق علي من الخووف  ههههه
     اريح فيها وامسح ماكياجي والبس بيجامه واصلي الظهر والعصر جمعا عشاني مسافرة لان ماما مو في نفس المدينه الي انا فيها
    واطقطق عالجوال لين يغمى علي 
    وصحيت قبل العشا وروقت عالنسكافيه وبديت اكشخ والبس ولدي بروح بيت اهل زوجي  وووسلااامتكم يااحلووات 

تابعي تجارب أخرى من هذا القسم.