مقدر افرح واجامل واتصنع الفرح احس فرحتي بالعيد بارده شوفوا وش صار

عيد مبارك للجميع
هذا العيد غير لاوول مره ماحس بطعم العيد
المشاكل ماحصرتني من كل جهه
عائليه ومن الناس
اشوف الناس كيف فرحانين واقول كيف يقدرون بسعدون انفسهم
كيف يضحكون انا احس اذا ضحكت اني قاعده امثل او لان السعاده له وقت وتنتهي عندي
هذا اول عيد يمر علي بعد طلاقي
وتعذبت واجد لاني تذكرت عيدي مع طليقي بنفس الوقت يوم كان مليان مشاكل ومشاعر متضاربة وإحساس بالظلم والقهر
دايم اقول بنفسي الناس فرحانه لانهم ماعندهم مشاكل مثلي
والله اني شاريه لنفسي بالعيد ماقصرت بشي
والله العظيم اني مالبسته ولاجاء ع جسمي اليوم
الناس لابسه للعيد وسعيده وانا ببجامتي قاعده اتذكر وأبكي من دون محد يشوف انكساري
كل الناس يعايدون وانا منطقه بالبيت بس اكرف
تعبت الظلم والاهانه
ودي اكون سعيده
وربي ماعمري حصلت على اقصى سعادتي
اشوف الناس ماعندها هموم واحزن ع نفسي
اليوم راقده طوال الصباح لما قمت لقيت كلهم لابسين بس لبست ولدي اللي عمره سنه
عشان يصير زي الاطفال وبس
احس اني شمعه وطفت خلاص
احس اني قصة قديمه ملو الناس من قرايتها
احس واحس احس
واه تعبت من كل شي
مجرد فضفضه يارب فرجك وعافيتك

62 تعليق 18,230 مشاهدة

شاركي في النقاش

سجلي الدخول لإضافة تعليق.

التعليقات

60
  1. @nawal1989

    الله يفرج همك يارب،،

    لاتيئسين من رحمة رب العالمين، ولاتستسلمين للحزن اصنعي الفرحه بنفسك ولنفسگ،،انسي الماااضي اللي فات مااااااااااااااااات..
    الى متى بتعيشين حبيسه للهم والمشاكل الى متى تحملين نفسگ شيء ماتطيقه هذي ارادة رب العالمين ومكتوب لك من كنتي جنين في بطن أمك عيشي يومك واللي راح راااح ،، عيشي لربگ ثم لنفسك وولدگ،، الحمدلله عندگ ولد شوفته تسوى الدنيااا ومااافيها،،ولاتخااافين انتي فوقگ رب العباد والبلاد لاتخافين من ظلم احد او جرح احد وانتي لگ رب يقول (أدعوني أستجب لكم)..
  2. @ogdan_oamal

    لا تنظري للناس افضل شي ولا تقارنين نفسك بااحد عشان ترتاحين وتذكري مو كل من ضحك فرحان ومبسوط يعني لاتخدعك المظاهر ربي يسعدك ان شاءالله وانتي حاولي تسعدين نفسك فكري بايجابيه اكثر. تقبلي تحياتي 
  3. @kbrt_kbl_aamry

    ان شالله ربي يعوض كسرك باحسن من طليقك اهم شي ارتحتي من العذاب واحساسك لانك تو مطلقه ومتحسسه من نظرة اهلك والناس بس بعد فتره راح تتحسين بارتياح ان شالله
  4. صدقيني شعورك واحساسك طبيعي بعد انفصالك لكن محد يقدر يساعدك الا انتي
    عليك بالدعااااء ان الله يعوضك خير ويسخر اهلك لك ويرزقك الزوج اللي يعوضك عن الحزن والشقى اللي شفتيه
    وكمان حاولي تسعدي نفسك بنفسك اطلعي وزوري أقاربك صديقاتك وكمان اشغلي نفسك باي شي تكملي دراستك او تشتغلي .. صدقيني التفكير والوحدة والانعزال عن الناس حتسببلك اكتئاااااب وأمراض
    اسأل الله العلي العظيم ان يفرج همك ويقضي حاجتك ويحقق لك ماتردينه
  5. @violet_13

    ليش ياقلبي كذا 
    طيب البسي وافرحي علشانك اهلك فرحيهم معك 
    والله اكثر الناس هموم ومشاكل بس صابرين ومحتسبين 
    واكثر الناس تضحك ومستانسة بالعيد بس لاحطو راسهم على المخدة هنا جاء الجد 
    افرحي وانا اختك علشان الي يحبونك ويحبون فرحتك 

تابعي تجارب أخرى من هذا القسم.