تجمع الأمل 83 للمقدمات على عملية أطفال الأنابيب والمنتظرات نتيجة التحليل

اختي مقبله ياقلبي الله يشفيك ارقي نفسك وادعي الكريم واسأل الله ان ييسر امرك ويقر عينك بالذريه الصالحه التامه الخلقة الحسنة الخلق

الريم امس ماقدرت ارد عليك عشاني تعديت ثمان مشاركات وانا لسى جديده اذا نزلت الدوره ان شاء الله اببدء وعند د وليد الشرطان باذن الله طفله ❁الل?ـم آآمين يـَآٱرَبِ الـ{؏}ـآلـمـيـڼ❁ الله يرزقنا وجميع المتاخرات يارب
مضاوي الله يعوضك يارب انتي سويتي اشاعه قبل وسمعتي النبض؟ كانك  ماسمعتي النبض ابد انصحك انك تصبرين وماعليك من كلام دكتورتك اختي كد صار لها كذا مرتين اول مره نزلوه وسووا لها تنظيف المره الثانيه انا اصريت عليها ماتسمع كلامهم والحمد لله بعد اسبوعين سوت اشاعه وسمعت النبض والله تمم عليها ماشاء الله وجابت ولد .
والريم كل شي بمشيئة الرحمان لاكن حنا مطلوب منا نختار الدكتور الافضل نصيحتي لك ياقلبي دامك في الرياض وتروحين لذريه روحي لحمد الصفيان مطلوب منا السعي والتوفيق من عند الله انا مااعرف دكتورك ولاكد سمعت عنه شكله جديد وعندك في الرياض دكاتره قمه لاتتعدين هالثلاثه حمد الصفيان و عبدالعزيز الشهراني ببنون وبذريه والا بندر العبدالكريم في مستشفى الحبيب ذولا افضل شي والله يرزقنا يارب ولايخيب تعبنا

مضاوي

دايما على بالي ونيتي بسأل عنك الله يعوضك ويرزقك من واسع فضله ويعوضك باضعااااف ماتتمنين

ويابنات انصحكم اي وحده عنده ضعف بالتبويض والا مرتفع عندها fsh  تسوي البرنامج القصير الطويل مايناسبنا ابد ابد 

اشعة الامل وش الفرق بين البرنامج الطويل والقصير

ترى انا هذي اول تجربه لي في اطفال الانابيب

دعواتكم تطلع عندي بويضات


الله يرزقني واخواتي بالذريه الصالحه