♥تباشــيـ 7 ـــر ♥ مواليد الأهله (رمضان♥شوال)يوليو و اغسطس

لي اسبوعين وماشية في الثالث

مبروك افتتاح التجمع الجديد
ربي يكتب لكم الطبيعي والولادت الميسرة

كل الاسامي
الله يجزاك خير


انا ندمانه
الله يقومك بالسلامك وبجعل ولادتك برد وسلام ياحي ياقيوم

نزلت قصة ولادتي  باخر صفحة 
ماتوقع الكل بيشوفها
برجع انزلها هنا ... لان اعرف فيه كثير يحبون يقرون قصص الولادة
وفيه قيصريات يدورون احد مجرب النصفي 

الدكتورة باخر موعد عطتني موعد للتنويم الأربعاء ان ماجتني ولادة قبلها
بيكون وقتها لي خمس ايام بالعاشر
((عندي ولادة قيصرية قبل 13 سنة))




طبعاً انا حاسه مافي ولادة لان ماكان معي طلق ابداً
يوم الثلاثاء ... نمت بعد الفجر للساعة 11 نوم مو متواصل وصحيت وافطرت لاني ماصمت وبعدها حاولت اقراء بالمصحف لعلي اختمه واكسب اجر ودعاء ختم القران  خاصة اني بدخل مرحله صعبه ولا ادري وش مكتوب لي
تحممت ونظفت جسمي واستشورت شعري (( قلت اخفف من الشكل الي بيطلع بعد الولادة وعشان لاينفجعون من النتيجة:) ))
كملت اليوم عادي لكن بعد الساعة 12 بدا القلق جد
ورحت غرفتي بكيت وعورني القولون وشغلت البقرة والحمدلله ارتحت
ونمت لين الساعة 3 وقمت صليت وقريت ودعيت لنفسي ولاهلي ولانسيت خواتي الي معي برحلة الحمل.
حاولت انام بعد الفجر لكن ماقدرت الا ساعه ونص تقريبا
قمت على 10 ونص الصباح صحيت زوجي وتجهزنا وشلنا اغراضي وطلعنا على المستشفى
قابلتني اادكتورة وكشفت للمرة الاخيره وبرضو مافي شي تغير
قالت اذا ودك ننتظر للجمعة قلت يومين ماراح تفرق خاصة ان مافي بوادر قالت بنعطيك طلق صناعي بالوريد بيجلس مابين 12 الى 24 ساعة
وبنجرب ندخل بلون للرحم عشان يفتحه ويزيد الطلق
واذا مانفع خلاص نحولك عملية
تعبت انا وتوترت وهي بس تتكلم 
قلت مقدر اتحمل كل هذا .. خاصة اني مجربة نفس الوضع بحملي الاول 
كنت مستخيرة وكنت اقراء دعاء الاستخارة وهي تتكلم مع زوجي لان هو الي يترجم لي
قالت فكري لمدة خمس دقايق وقرري وطلعت
وجلست امسح دموعي احترت مدري وش اختار احلاهم مر..
زوجي قال الي تبين ويريحك سويه 
احترت اكثر ،، لكن قلت انا مستخيره وخلاص وربي بيكتب الي فيه خير لي حتى لو انا كارهته الان توكلت على الله وقلت عمليه وقالت يالله اطلعي للدور الثاني وبتلاقين غرفه محجوزة باسمك
رحت وكانت غرفة كبيره فيه اجهزه كثيرة وسرير للطفل مجهز بالكامل 
اتاري الغرفه هذي نقاهه لبعد الولاده
غيرت ملابسي وحطو علي جهاز نبض الجنين .. وقلت بصلي الظهر دام الوقت دخل وجمعتها مع العصر لان مدري متى اولد ويمكن يكون دخل وقت صلاة العصر
جت عندي حقت التخدير وجلست تسالني عن اشياء كثيرة وبعدين نقلوني لغرفة العمليات
كنت متوترة نوعا ما ... ع طول جلست وقالت احتي ظهرك ولاتتحركين وبدت تعطيني البنج النصفي .. ماعورتني لكن كنت احس بشي يطقطق بعظم الظهر وخفت قالت عادي وبديت احس بحرارة برجلي اليمين قالو كويس بدا المفعول
شوي شوي حسيت رجولي تنمل ... وجت تركب لي القسطرة ،،، احس بيدها لكن مافي الم
وخزو رجولي وبطني بابره عشان يتاكدو مافي احساس
وحطو الستارة
زوجي طبعا كان معي
يوم شفت الدكتورة وحسيت فعلا بيبدون جلست اصيح بصوت عالي .. ووقفت الدكتورة قالت لازم تهدين وانا من جوا نفسي ابي اسكت بس عجزت الصياح يطلع غصب .. اعتقد عطوني ابره مهدئة لكن الي اذكره قلت لزوجي اقر علي لان عجزت اركد
المهم هديت وبدو ماطولو وطلع وليدي وكان زوجي يعلمني انا مااشوفه وراحو يغسلونه وجابوه ع طول وبوسته وارتحت يوم شفته مافيه شي 
والدكتورة بدت تضغط تحت القفص الصدري بقوة ... بعدين بدت بالخياط
شالو ولدي ورتبو الوضع وجابو سرير ونقلوني فيه وودوني غرفة الملاحظة جلست يمكن 3 ساعات وولدي عندي وبعدها طلعت غرفتي ..
حاولت انام عجزت احس اني بحلم مو مصدقه ... بديت احس بالم شوي لمى راح البنج بس كانو بعطوني مسكنات
وكل شوي يشيكون على الصغط والقلب 
ولانمت ابد لبكرى الصباح غفيت شوي 
وفكو القسطرة ،، وقالو قومي وكانت اصعب لحظه عندي
والحمدلله ساعدوني ووقفت كان فيه الم وتعب ودوخه وحاولت امشي ببط
وقالو روحي الحمام تكرمون لكن للاسف عجزت اتبول قالو عادي اشربي مويا وبعدها تنحشري وتنزل
وشرربت وليتي ماشربت صار الم فظيع ولااقدر اتبول وابكي بالحمام 
نسيت الم العمليه من الم المثانه واستشعرت بالنعمه الي كنت اعيشه من انولدت 
رجعت السرير وانا اصرخ يوم جيت انسدح من الالم ابي اتبووول خلاص بتنفجر
عانيت معاناه عساكم ماتمرون فيها جلست يوم كامل لين بديت على شوي شوي كنت اجلس حول نص ساعه 
تعبت كثير وماناظرت ولدي ابد 
الجمعة كان اخف مع وجود الانحباس
والسبت كان اخف الحمدلله وطلعت
وكان برضو يوم متعب
وضع جديد علينا ولاقدرنا ننام انا وزوجي 
لين الصباح والحمدلله ... بدا مسلسل النفاس والصياح ومغص ولدي والاثنين والثلاثاء والاربعاء كله متردد على المستشفى عشان الصفار الي فيه واخر زياره قالو انخفض نسبته وصرت اعطيه سكر نبات واحط لمبه بيضاء
وباذن الله بيروح .








طولت بس انا احب اقراء التفاصيل لذلك كتبت قصة ولادتي بتفاصيله.

ميمي
الله يقوممك بالسلامة ياقلبي
نينا
لا تجيبين طارئ القيصري ضايق خلقي