التجمع الحادي عشر لمجاهدات هرمون FSH

اهلين بلوزه والله وحشتينا ووحشتنا سواليفك الحلووه. بلوزه حتى انا مثلك اقول مستحيل المبيض يخلص كيف خلص وتوقفت دورتي في 26 سنه طيب انا بلغت يوم عمري 13 يعني من 13 الى 26 خلصت دورتي وبويضاتي !!!! اكيد فيه شي اكلناه او عين خبيثه او شي احنا وقفنا اكله. انا جلست اقارن بين اكلي واكل خواتي الصراحه لقيت اشياء كثيره مختلفه. ورجعت احاول اقلدهم بالاكل واغصب نفسي على اشياء مااحبها بس اقول اكيد مافيه شيء اسمه سن يأس مبكر. امي سألت كل حريم جمعتنا تقول لهم قد سمعتم عن هذا الشي قد صار لاحد تعرفونه وقالوا لها لا ماعمرنا سمعناه ابد. طيب الدكتور يقول وراثه شلون وراثه واهل ابوي واهل امي عمرهم ماسمعوا بهذا الشيء. ولا فيه احد عقيم بكل اقربائنا غيري انا بس. حتى في اهل زوجي كلهم عندهم اطفال. انا بس اللي عقيم ومصابه بانقطاع الدوره. ام زوجي يابنات تجيها الدوره اقسم بالله وتضرب ابر تبغي توقفها وتعبانه منها. وانا اتمنى دوره تنزل علي لو يوم واحد ههههههههههههه الله كريم وقادر ربي يكشف لنا السبب وييسر لنا العلاج.

فعلا اكييد فية سبب....اشوف الحريم الكبار تجيهم الدورة ...وحرمة كبير يمكن بالخمسينات شفتها عند اقاربي

لمى دخل وقت الصلاة كلهم قامو يصلون ماعدا هي...قالت ماعلي صلاة وحاطة مناكير ماشاءالله عليهم

حتى قريت بالنت دكتور يقول مو شرط البويضات تخلص..في سن اليأس يوقف نموها وتصير ضامرة....ومامنها أي فايدة نايمة بالمبيض,,

انا اعرف وحدة كبيرة تعبت من الدورة تبغاها تنقطع ...مابقى شي ماسوتة..بالاخير شربت حناء .

بنات ملاحظه عليكم شي !!
تقولون رحت !! وشفت !! وشريت علاج ينزل الهرمون !! وسالت عن ادويته !! وبشتريها !! وابي اسوي اطفال انابيب !! واللي تقول اتمنى الدوره تنزل !!
بس ماسمعت وحده تقول صليت وبسجودي بكيت ودعيت
ماسمعت وحده تقول تصدقة بنية الشفا والرسول صلى الله عليه وسلم قال ( داوو مرضاكم بالصدقات)
ماسمعت وحده تقول واضبت على الاستغفار
ماسمعت وحده تقول اكرر بكل سجود ربي لا تذرني فردا وانت خير الوارثين 40 مره

ماسمعت منكم من تقرا سورة البقره كل ليله بنية الرزق والاجر
(( لا تقولون لي مو لازم نذكر هالاشيا لانها بيننا وبين ربي هالعذر غير مقنع وكل اناء بما فيه ينضح))
انا وانتم تعلقنا بالاسباب ونسينا مسببها انتم تقول انا عقيم والله عند حسن ضن عبده به
تفائلو قولو فتره وتعدي وبنحمل ابذلي شي لوجه الله تعالى اخجل من ربي اذا دعيته وانا اعصيه
واذا ربي ماكتب لنا الذريه هذي مو نهاية الدنيا الحمدلله من قبل ومن بعد
غيرنا عنده 6 او 7 اطفال كلهم معاقين
وغيرنا اللي ربى وتعب وسهر وحمل وولد واخر شي العيال 10 وهو بدار الرعايه
وتاكدو كل شي من ربي خيره صح احلم اكون ام وادري تمام عن وضعي وغياب دورتي لكن انا متفائله بربي وعارفه بيرزقني ويرزقكم
حبيت اكتب من اللي بخاطري لاني اقرا بعيونكم اليأس


الله يرزقني واخواتي بالذريه الصالحه

الحمدلله نسويها بس هذي بينا وبين ربنا بالسر ....ومانمنع نذكر بعض
شوفي في ردودي السابقة مااغفل الجانب الديني...كم مرة رددت الاستغفار والصدقة وكفالة اليتيم....مو انا بس حتى البنات ماقصرو ...ينصحون ويذكرون...ارجعي لردودي وشوفي ...كلها دعوة للتفائل وحسن الظن بالله والاستغفار والدعاء

حتى الاخوات كتبو رقية وتكلمو بالموضوع..من جميع النواحي

الوحدة تجمع الجانب الديني مع الجانب الطبي

انا ما حددت احد بعينه ي قلبي انا حتى الكلام يشملني معكم وفكرت وجدت اني م اهمل الجانب الديني بالكلام اما باليقين الداخلي مو 100 ٪
نسأل الله الرضا بالقضاء خيره وشره


الله يرزقني واخواتي بالذريه الصالحه