♥تباشــيـ 7 ـــر ♥ مواليد الأهله (رمضان♥شوال)يوليو و اغسطس

هذا الله يسلمكن
يوم سبع وعشرين بعد التراويح مشيت خمس دقايق ب حوش بيت اهلي بس بسرعه مشيي وانا امشي اوجعتني جنبي اليمين ماقدرت اتحرك من مكاني كان الالم بالكليه مو بالارحام ولا بالبطن تحملت وحاولت ادخل البيت وتمددت وكل ماله الالم يزيد مو اعراض ولاده قلت عادي يمكن لاني شديت ع نفسي بالمشي
وتسحرت وشويات الا احس برطوبه لزجه وانتن بكرامه كانت معاي من يومين قبل بس خفيفه بس مسحة المنديل
وهالمره لازم اللبس فوط صحيه
قلت يابنت هذي اعراض ولاده تروشت وحاولت انوم عيالي الا ماقدرت اتحمل رحت للمستشفئ ومن هنا يبدا الاكشن
قالت الرحم مفتوح ثلاثه سانتي وبعد ماكشفت نزل دم حطت الجهاز قالت مامعاك طلق بنومك بالقسم علشان نتابع نبضات البيبي
ورحت للقسم الساعه ولا جاني النوم جلست امشي ع اساس يجيني طلق طبيعي ولا احتاج للصناعي
جو وحطو لي السونار قالت مويه الجنين تكفيه لليوم بس اذا مانزلت دفعه وحده لذلك لاتمشين علشان ماتنزل زياده واذا ماجاك طلق طبيعي الساعه مضطرين نحط لك صناعي

جت الساعه العصر بدون اي الالام ويوم جت الدكتوره تكشف علي من تحت علشان تحط تحميله الطلق حطمتني قالت من قال لك ثلاثه سانتي مفتوح بس واحد

قلت ماعلي منها راح اشجع نفسي علشان مااتحطم ويبرد الطلق جلست اقرا ورد الولاده سور الولاده وعيوني مسكرات من النوم بس احاول اكافحه اخاف انام ويروح الطلق
المهم من بدا اشد الطلق اللي مااقدر اتحمله خفت اني اولد بالقسم وبعد الفطور طلبت الدكتوره ع اساس انه فاتح سانتي ع كثر الالم ويوم كشفت قمه التحطيم بس ونص سانتي
من هناء بدا التحطيم النفسي اللي حطو لهن طلق معاي ودونهن للكشك ماشاء الله وانا تقول مافتح الا ونص
طلبت استشاري وشرحت له حالتي بولدي اللي قبل اني اربع ايام طلق صناعي ولا فتح الرحم الا بالطلق اللي بالوريد طلبته يحطه لي مع انه متعب بس ابي اختصر ع نفسي واولدقبل العيد
طبعاً صدمني الدكتور بعد ماقرا ملفي قال انتي عندك عنق الرحم قااسي والتحاميل الطلق الصناعي يالله تلينه وعقب اربع او خمس تحميلات يمكن يلين ونحولك للكشك طلق بالوريد هالكلام الساعه ١٠بالليل يوم
٢٨
لنا عوده ان شاء الله بعد مااسكت ولدي يصيح

والله ماشربت شي الا ملعقه عسل قبل يومين
المشكله مابي اولد الا بينبع وبروح الثلاثاء
يارب تعين

سبحان الله يارب يهون عليك وتبشرينا عنك هاليومين


الا احسن الله يجزاك خير ماقصرتي

الله يسهل عليك وييسر لك من ميزات الطلق الصناعي انه يخلصك بسرعه ان شاء الله ماتذولين وربي ييسر لك ننتطرك تبشرينا بكرا ولاتنسينا من الدعوات


دكتور فواز استشاري نساء وولادة يقول دم الحامل الطبيعي عشره مو اثنعش لانها حامل يعني انتي حلو ان شاء الله يارب انا ماهو نازل اقل من عشره بعد اسبوع موعدي


//
نبض المشاعر اشوف اسمك بعدي وتوقيعك قبلي باسبوع متى اخر دورة لك
انا دكتورتي كل مراجعه تقدم موعد ولادتي عكس الناس ههههههه
قبل شوي غسلت حمامي وانتم بكرامه وانا مقرفصه نجرب هالقرفصه تسوي شي او لا

صباح الخيرات >> توها تقوم 😭
مره نظامي ملخبط انا وعيالي انا الظهر واصحى 12 وحده 😔
ما اغير اقوم لدورة المياة والصلاة وارجع

اليوم كان عندي موعد ومتحمسه له مرره الساعه اربع العصر لتحديد العملية
يوم صارت وحده الظهر وتجي رساله تم الغاء موعدك >> 😡😡😡
بغيت انهبل وندق عليهم قالو الدكتورة عندها عملية طارئة وعارفه انهم كذابين بس توهقوا شكلهم بكثر المواعيد لان اغلب الطبيبات بإجازة هالفترة
جداً جداً تحطمت بس الله يجعلها خيرة
واخذت موعد بكرا والله يسهل

طعومة وبنت نجد
الف الف مليون مبروك حركات والله سويتوها ولدتوا وما التزمتوا بالدور هههههه

عواشي
الله يجي بنتك الشهاق طبيعي اذكر عندنا يقولون المصير عنده يتوسع مدري صدق او لا

ام الدلع
الله يسهل لك يارب الحمدلله اللي رحتي ولا اهملتي الله يقومك بالسلامة انت و النونو

ميمي القميلة
شكلك مواري ولادة الله يسهل لك يارب
ابد فكي البقشة ماعليك من احد هههههه
كلهم حاسوا السرا ماوقفت عليك 😁

صبوحه
عيالك مثل عيالي 2 بدري ووحده طولت
تخيلي 2 بالثامن ووحدة بالعاشر ماجربت ولادة التاسع يارب هالمره اجربها 😫

فديت الشرقية
كملي الاكشن تحمست

ليال الدلوعة
الله يسهل امرك ويقومك انت والبيبي بالسلامة

اعذروني ان نسيت احد تراي صايرة ما اركز الله يخلف

عدنا😁😁
قال لك تحميله طلق صناعي ع الساعه ١٢
يعني كل ٨ ساعات وكلت امري لله واقتنعت بكلامه راح اتحمل الالم لين يلين عنق الرحم واولد لاكن العلم عند الله مو بيديهم

جت الساعه ١٢ ولا احد جاء يحط التحميله طلبت الدكتوره قالو عنده حالات ولاده اذا خلصت هي تجي للقسم وكنت ع اعصابي مستعجله ابي الم الطلق الصناعي علشان اولد وارتاح من الثقل ومر الوقت ولا جت الدكتوره قلت يمكن خيره اولد بدون التحميله الثانيه وسكت ماطلبتها وجتني الساعه ٣ الفجر تبي تحطها وللاسف يوم كشفت انصدمت هي قالت الرحم مفتوح بس واحد سانتي وتحطمت وحطتها ورجعت لوضعي السابق
ويطري علي عصير الاناناس انه يحمي الطلق واكلم زوجي قلت جبه لي الحين هالكلام قبل السحور ماادري كم الساعه بالظبط المهم يوم جت الساعه ست جلست اصرخ بالقسم احسه يبي يطلع البيبي من قوة الطلق وسرعته وجت الدكتوره تكشف لقته ولله الحمد ثلاثه سانتي مع انه قليل بالرغم من قوه الالم الا اني فرحت قالت بحولك لكشك الولاده علشان نحط لك طلق بالوريد اذا زاد شوي وانفتح
نقلوني بالكشك وقمه السعاده اني ساعه بالكثير واولد

ومن الساعه ٧ طلقي بدا يخف عن وجعه الشديد صار يحتمل واحاول اتنفس اذا جت الطلقه وجاء الاستشاري يشيك علي وطلبته طلق بالوريد ولا عمليه لاني تعبت قال بعد ٤ سانتي اذا وقف الطلق نعطيك اللي بالوريد وهنا بدءت القصه
كشفت علي الدكتوره لقته ٤ سانتي وتفائلت الحمد لله
ومن ٤ سانتي الساعه ٧ الصبح تقريباً وانا اتعذب عذاب مامر علي بولاداتي السابقه والطلق بالجهاز واصل ال١٠٠ من قوه والجنين يرفس ببطني اذا جت الطلقه
وكل طلقه بصياح ماقدرت امسك نفسي مع اني ماكنت افتح افمي بولادتي السابقه
الين نفذ صبري مع انهم حاطين لي ابرتين مسكنه بالعضل وطلبت زياده قالت مانقدر يضعف نبضات الجنين
ووصلت لمرحله اصيح اقول طلع البيبي ولاده وجت تكشف علي الساعه ١٠ ونص قالت لسئ بدري ٦ سانتي هناء انهرت من الصياح والتحطيم النفسي وجلس ابكي وادعي ربي ولحظات الا احس البيبي يدفع قلت ولاده قالت لا لسئ لاتدفعين قلت مو بيدي هو يدفع وجهزوني ع ٧ سانتي قالت لاتدفعين تراك تمزقين رحمك بالدفع وانا مو بيدي هو يدفع
ع الساعه ١١ وربع ولدت الحمد لله بيوم ٢٩
وبعد ماطلع انهد حيلي يقولون ادفعي نبي نطلع المشيمه ولا اقدر من التعب تقول ساعديني ولا فيني حيل بس جلست ابكي بكاء طفل وهي تسكت فيني احمدي ربك انك حيه تراك تعسرتي ووزن البيبي كبير يالله طلع
وخيطتني قالت بجيب البيبي لي تشوفيه قلت لا مابيه هو سبب عذابي قالت هوا مسكين ملوش زنب زوجك السبب😂😂😂😂
ولازلت ابكي بصوت مثل صياح الاطفال انهرت الين ماعطوني ابر مهدئه قالت علشان تنامين ولا قدرت انام
تعبت نفسيا بعد الولاده
والحمد لله والشكر هذا هو جنبي وصارت ذكرئ ونسيت كل الاوجاع


تنبيه لعدم الخوف
تراني انا حاله شاذه مع الطلق الصناعي كثير معاي حطو لهن وولدن خلال ساعات بس انا مانفع معاي علشان عنق للرحم بسرعه يقفل قاسي