وربي تعبت من وحدتي

اعذريني على بالي انك تدرسين وعندك جو صاحبات وكذا
بس صدقيني كل اللي مر فيك من الوحده مر فيني وانا بنت
انتي اقلها تشوفون قرابه احنا كنا من عيد لعيد
وبنات العايله كثير بس سبحان الله نسولف ساعتها وبس من يطلعون مع الباب ننساهم وينسونا
ومع هذا ماكنت احاول افكر فيهم
نظرتي دايما اللي يبيني يكلمني ماحب ارمي نفسي على احد
عشان كذا لاتحسبين مامريت باللي تقولينه
ووقتها ماكان عندنا زيكم هالوقت جوالات وانترنت واجهزة تواصل
والله كنا عالقناه الاولى بالتلفزيون والرادو
وكمان مافي ناس تدخل ولا تخرج علينا
وكمان ماكنت ادرس
صدقيني لو احكيك كيف كنت عايشه بوحده ماتصدقين
ومع هذا الحمدلله ماكنت اعلق نفسي بالناس وزياراتهم
الين اتزوجت وعشت حياتي
واعذريني اذ كلامي جرحك ولا ضايقك انتي شفتي كيف كنت عايشه بوحده يعني لاتقولين ماجربت مرارتها
وربي يسخر لك الصحبه الطيبه اللي تسر قلبك وخاطرك😘😘😘

الله يرزقك الصحبه الطيبه ويحبب اليك خلقه

ويرزقك ابن الحلال اللي يسر قلبك

والله كثير نفس حالك.. الناس مو زي قبل..
وطلعتهم للاستراحه يمكن مع الكبار يعني ماقدروا ينادونك لحالك بدون ابوك مو حلوه يعني..

انا على كثر البنات بعيلتنا حول سني لكن رسميات مرره مع بعض,, لا من صغرنا ولا لما كبرنا,, من زمان ولليوم اتمنى لو عندي نفس اللي اسمع عن علاقتهم مع بنات خالاتهم وعماتهم وجمعات كل كم يوم وينامون عند بعض.. اتوقع علاقة الكبار هي الاساااااس,, ان زانت علاقة الكبار زانت علاقة عيالهم.. والعكس..

انتي قلتي ينبسطون معك ويحبون سوالفك لكن زي ماقلتلك هالشي لانه تعودوا مايشوفونك الا من وين لوين ,, والكبار متقاطعين,, فطبيعي بتقل جياتهم وطلعاتهم معك.. مو عن انهم مايبونك..
اهم شي لاتفرضين نفسك على حد.. ان جو حياهم الله وان ماعزموك الله الغني..شي يقهر صح, بس الكرامه فوق كل شي..

الله يعوضك ويسخرلك خيرة عباده

ربي يعينك ويوفقك ان شاء الله