فضفضة زوجه ثانيه

السلام عليكم


انا زوجة تانيه عمري بحدود 32مش موظفه

زوجي حنون وكريم وطيب معايا

ذبحتني الوحده والغربه اعيش بمكان بعيد عن اهلي ماعندي جيران ابدا
زوجة زوجي الاولى ساكنه جنبي والجيران معارفها يعني مستحيل اتعرف عليهم
انا احسن لها فقط من الباب الااحسان وبرضو لان قلبي طيب بزياده

هي ابداً ماحاولت تحسن لي وهذا يحز بخاطري يجونها ضيوف ماعمريها عزمتني او قالت تعالي اشربي فنجال قهوه عندنا

مره جات امها عندها وقلت فرصه خليني من نفسي اروح لهم و رحت لهم ما انبسطت مرا الدنيا على الصامت العجوز كانت تجامل شوي وعزمت امها وقالت ان شاء الله ولا جات حقروني
لا احد يلومني من الوحده ابي اسولف مع اي احد

ذبحتني الغربه والوحده كمان متاخره بالحمل لو عندي اطفال كان وسعو صدري شوي
سافرت العام هيا واولادها لدبي وانا جالسه في البيت لما قلت له ابغى اسافر لو جده قال انا مشغول واذا سفرتك لازم اسفرها هيا كمان لانها سافرت مع اولادها الكبار
زوجي دايم مشغول عندو مكتب عقارات ودايم مشغول فيه

انا تعبت وذبحني الحزن كل يوم ابكي لحالي
لا احد يلومني على اني زوجه ثانيه لو كان بيدي ما اتزوجت الا عازب بس ايش اسوي
كدا نصيبي والحمدلله

اقهديوم كامل لحالي حتى لما يكون عندي بس وقت الغدا والعشا واحيانا ياكل برا بحكم شغله

نصيحه لله .....> اللي ضروفها كويسه وتسمح انها ما تكون زوجه ثانيه لا تتزوج متزوج مهما كانت الحياة حيكون فيه شي ينغص عليكي

جالسه اكتب وانا ابكي ~~~~~> وللحديث بقيه وفضفضه

50 تعليق 12,937 مشاهدة

شاركي في النقاش

سجلي الدخول لإضافة تعليق.

التعليقات

50
  1. @mymoshaaaa

    الله يفرج همك ياقلبي
    لو تقدري تروحي تحفيظ
    او تشتركي بمعهد افضل
    الله يرزقنا الذرية الصالحه
  2. أختي ليش تصعبي الآمور على نفسك تعرفي على الجيران بغض النظر بأنهم أقارب للزوجة الأولى نحن نكسب الناس بأخلاقنا الله يوفقك لكل خير ......
  3. @um_faisel

    روحي للجيران ليش حابسة نفسك مو معناتة يعرفون زوجتة اولى بيقطعونك اكسبي الناس بطيبتك وزوريهم ..

تابعي تجارب أخرى من هذا القسم.