زوجة اخوي !

بصراحه من كلامك احسكم انتي واهلك واخوك سلبيين وماتقدرو تسو لها شي يعني ولا واحد فيكم قدر يوقفها عند حدها؟شكل شخصيتها قويه عشان كذا خايفين منها وين امك وابوك من الموضوع

صراحة ردك عجيب كتر خيرها منكدة على الناس ولا كتر خيرها انهم يخدموها ولا كتر خيرها جالسة على قلوبهم ؟؟؟؟؟؟
امين الله يهدي الجميع

البنت مافيها اي عيب واقري المثل وافهميه زين
الخيل من خيالها والمره من رجالها من مين من رجالها

تعرفون كلمة لااااااا
استخدموها
معليش ياقلبي ارتفع ضغطي وانا اقرأ بس
غرفتكم ارفضوا بدون اي مراعاة لأحد هذا بيتكم
هم الضيوف يشوفون لهم مكان او يستأجرون
سلامات يطلعونكم من غرفكم !!!
وبعدين اخوك ليش يشاورها المفروض يتفقون الاجازة نص عند اهلها ونص عندكم اذا مره مافيه فكة
وبيتكم اللي تعمرون ومناشبتكم عليه لو مكانك ماأرد عليها اصلا اذا فتحت هالسيرة ولا كأنها تحكي واذا خلص نقسم ونأثث حسب مانبي ولا حتى خبر مانعطيها
اذا بنوا بيتهم ساعتها تتصرف فيه مثل ماتبي

بالنسبة للفطور وقت رمضان بعذرها لقت الخدمة خمس نجوم
المفروض تقوم حالها حالكم
واذا ماعرفتها من نفسها تقومونها ومسكوها شغله كل يوم

سبحانك ربي قبل كم يوم كتبت موضوع عن زيارة البنت لبيت اهلها بعد الزواج واقولكم قاعدة شهرين ونص هبيتو فيني وزعلتو وطلعتوني غلطانة ووحدة قالت احسبك تتكلمين عن مرة اخوك كأن مرة اخوي ماهي ادمية انا تكلمت عن مين مايكون الانسان ثقييييل ان كان ضيف لا يطول سواء بيت الاهل او اهل الزوج قريب ولو في نفس العمارة مافي اعز من الانسان في بيته
الان الغلط من اخوك هي حرمة وهو اللي يستأجر وطالما تقولون البيت مو لها اذن ليش تنظف وتخدم ان اشتغلت فهذا الذوق والسنع وماحد يختلف على كذا وان لا فالبيت مو بيتها ومو مضطرة تشتغل وصدقيني لو غسلت ملابس زوجها ومسكت الغسالة بتتأففون و تسوون مشاكل وتطلعونها مناشبتكم في كل شي
وروحة لبيت اهلها اعتقد زوجها تزوجها عشان يوفر لها سكن مو يخليها بيت اهلها هو المسؤول عنها وين مايكون وايش ماكانت ظروفه