تصرفي مع زوجي بلييييييز الحكيمات يردو عليا

السلام عليكم وكل عام والجميع بخير وعافية
بدخل بـ موضوعي على طول لاني من جد مضايقة ومقهورة من تصرف زوجي
انا يابنات ساكنة بعيد عن اهلي ولما جا الصيف قررت ازور اهلي بشهر ثمانية لكن فجأة طلع عند زوجي دوام ..بالرغم انو كان موافق على سفري وماقال شي الا اني رفضت وقولت خلاص بجلس معاك وقبل رمضان بيومين اروح لأهلي لاني حعيد عندهم كمان ، وحجزنا التذاكر وكل شي تمام وقبل رمضان بكم يوم نقلنا من البيت فجأة واضطريت اني ااجل رحلتي الين مانتهي من ترتيب البيت .. وبصراحة زوجي ماقصر صرف كثيييير عالبيت من بويات وأثاث وبعد ماخلصنا ونقلنا قولتلو ايش رأيك نسافر بالعيد لاني من جد طفشانه ومحتاجة أغير جو قالي ماقدر ما عندي فلوس وكل اللي عندي حطيتو بالبيت وكمان ما عندي اجازة يدووب 5 ايام أعيد فيها وبرجع الدوام المهم اني مازعلت وقدرت وضعو خصوصا انو مايقصر معايا وكل سنة نسافر برا،، بعدين قولتلو طيب عدل حجزنا لأهلي قالي ماابغاكم تسافرو دحين خليها على عشرين رمضان .. والله يابنات بالرغم ان اهلي كل شويه يتصلو فيا وفينك واتاخرتي علينا الا اني احترمت رغبتو وجلست عشانو ونا كنت ميته طفففففش لان كل اللي أعرفهم سافرو وماعندي احد اروحله .. واول مره اقضي رمضان في بيتي طففففش ولا في احد عندك وزوجي مشغول بالعمل يعني كان وضعي ممل ومع ذلك اتحملت عشانو وانو ماقصر معايا بالبيت المهم بعدها بكم يوم قولتلو من جد طفشت ومليت ايش رأيك بالعيد تاخذ اجازة لو اسبوع نسافر فيها اي مكان المهم أغير جو .. وهنا تجيني الصدمة يقولي انا مسافر كم يوم مع الشباب بالعيد على طول قولت اييييش ماني مستوعبه !!!
قولت كيف تسافر ونا اللي اقولك نفسي أغير جو وطفشانة وتقولي ما عندي فلوس ولا اجازة
ولا فكرت فيا ولاقدرت اني سايبه اهلي وجالسه عشانك هنا بالطفش والملل وقتها عصبت مررررره
وهو خرج من البيت وعلى طول ادخل النت واحجز على اهلي من ثاني يوم انقههههههرت مره منو
وكانت الرحله الفجر وروح اجهز شنطتي وأغراض ولدي وارسلو رساله اني حجزت ورحلتي الفجر
رجع عالسحور من غير اي نقاش وكلام بيننا وقالي كذه تحجزي من غير ما تأخذي رأي مارديت عليه وبالفعل جا الصباح وودانا المطار .. وروحت عند اهلي وانبسطت مره معاهم لكن كنت مقهوووورة على سفرو وطنشتو كم يوم من غير اي تواصل بيننا . بس يرسلي عال وآتس رسايل دينيه عادية وجلست تقريبا عشرة ايام من غير ماكلمو او ارسلو ،، قولت يمكن يحس فيا ويكنسل سفرتو وبليلة العيد ارسل رساله معايدة وبعدها بساعتين اتصل يعيد عليا ولا كان صاير شي أبدا ونا كنت ارد عليه عااااادي... المهم بعدها اهلي كانو مخططين يسافرو تركيا وكانو حاجزين التذاكر من بدري ولما فقدت الأمل فيه قررت أسافر مع اهلي لأنو صعبة اجلس لوحدي وارسلتلو رساله انو يسويلنا تصريح سفر وسوى لنا التصريح من غير حتى مايعرف فين رايحه ومع ميييين وكانو يبغى يفتك مننا.. وليلة السفر كنت مضايقه منو قولت لنفسي ليش أزعل واتضايق وهو ولا فكر فيا خليني أعيش يومي وانبسط مع اهلي وبالفعل سافرنا ومررررره انبسطنا بتركيا لكن كنت اشيك عالواتس يمكن يرسل يطمن علينا لكن أبدا لاسوال ولاشي .. وأمس رجعنا من السفر وبصراحة خوفت لا يكون صار له شي لأنو مؤ عوايدو كل هالايام ما يسال علينا .. ولما فتحت الواتس لقيتو اون لاين يعني الاخ عايش مبسوط ولا فيه شي انا هنا انقهرت روحت أرسلت رساله في رجال عاقل ما يسال عن آهلو ومن هاالكلام رساله كلها عتب المهم رد عليا برد قهرررررني قالي انتي اللي مطنشة وماتسالي وانتي اللي مسويه فيها زعلانه وحجزتي لأهلك من غير ماتاخذي أذني ومن يوم ماروحتي لهم لاسلام ولاكلام وكمان تسافري من غير رضاي !!! ونا يابنات متعمده اني ماسال عنو من تصرفو اللي يقهر قولتلو أيوة زعلانه ومن حقي أزعل ليش تقولي ما عندي فلوس ولا عندي اجازة وفجأه تسافر مع أصحابك كيف طلعت الفلوس ومارد عليا
بالله يابنات مين الغلطان من جد مقهووووورة منو والين دحين مارد عليا وطبعا هو سافر وانبسط ولا سال فيا :mad: