صباح الخير حبوباااااااااااات
شلونكم مع الاجازة ؟؟
طبعا انا ما ظليت في البيت ....و يوم الاربعاء صادتني
تقلصات فظييييعة في بطني... كل نص ساعة و زوجي
يقول شكلك اليوم بتعمليها ... وداني بيت ابوي
و امي من شافتني قالت لي الظاهر الليلة بيشرف علاوي.
و انا كلما اتذكر اني ما كملت توزيعاتي انقهر....:09:
الساعة 8 بالليل اختفت التقلصات و اتصلت لزوجي و رحنا
بعض المحلات اكمل توزيعاتي....و رجعت البيت و الحمدلله
سويتهم و جهزتهم و باقي الستاند بس و لمسات اخيرة .
و شريت صياني او صواني للتقديم .. بصورهم لكم بعدين
و شنطتي صارت جاهزة في بيت اهلي ..و كل شي جاهز
لاني اشك اني بسويها قبل موعدي.. التقلصات اللي تجيني
مو شوي..و احس البيبي يرفس على تحت..يبي يطلع .:30:
فراشة : الحمدلله شكلك مرتاحة هاليومين ..و سالفة الخروع
تركيها لاخر شي.. لو حسيتي ان الطلق بدأ فعلا اشربي لج
ملعقتين منه في عصير حلووو...مو حامض لانه يصير بدون
مفعول بعدين ..و سالفة ابر الظهر... يعتمد على وضعج الصحي
و الاطباء اكيد بعدين بيقررون شنو الافضل لج .
شعر البنات : اكررره فحص السكري ..مع نتايجي الاخيرة طلعت
تمام بس الدكتورة الجديدة في السلمانية مصرة اسويها مرة
ثانية..... اكره شي الصيام... انا كل ساعة اكل ..شلون اصوم مدري.
سارة القصيرة :فكرت اسوي دفتر و بعدين غيرت رايي ...
و الدفتر انتي مجهزته بس يشبه اللي في لايف ستايل...كشوخ
و ناعم و حلوووو.... يعطيج العافية .
و الصواني هذولا شلون بتقدمين فيهم ؟؟
للو حبي كله : و انتي الصاجه توفير فلوس لبعدين ...
بس ما اعرف ما اسوي شي خصوصا انه اول بيبي...
فسويت اشياء بسيطة و كلفتني مبلغ لا بأس به .
ام تبولة : حلوة فكرة العسل و البودرة... بجربها .
ام ليال : نحن هنا..... انتي فين ؟
عسولة : هلا و غلاااااا و سلامتك يا الغالية .
مالي عيني : انا ناوية بعد الاربعين مباشرة...
ما اقدر انتظر للعيد مستحيل...انتظرت تسعة اشهر
و لاعت جبدي من روحي و شكلي... سواد و نفخة ووووع
بس على الظروف.. يمكن بعدين اغير رأيي.. العالم الله.
امبراطوريه سبتمبر...لحوامل الثامن والتاسع ..وحبايبنا السابع
متابعة النقاش، صفحة 153