اللي بتحل مشكلتي بتصدق عنها بإذن الله.....

السلام عليكم يابنات
فعلا يابنات اللي بتساعدني في مشكلتي بتصدق عنها ان شاءالله لاني تعبت من حياتي الحاليه وصرت كأني عجوز وانا باقي ماخلصت 25 سنه من عمري اه بس ...
انا ساكنه مع اهل زوجي في نفس البيت بس لي غرفه وحمام ومشترطه على زوجي من قبل الزواج اني اسكن في بيت لوحدي بس هو ظروفه ماتساعد هالفتره وانا لي اربع سنوات متزوجه وعندي بنت عمرها سنتين وحامل وغرفتي صغييييره و فيها ثلاجه .. المهم امه واخته ينامون بغرفه وحده وابوه ينام بالمقلط لوحده وفي غرفه زايده اللي هي غرفة الشغاله .. قلت لزوجي اول ماحملت وش رايك نأثثها لعيالنا ... قال لا امي بعدين تزعل لان اخوه اللي برا مدينتنا اذا جاء عند اهله ينام فيها ... يحشرنا مايستاجر برا ... واذا جاء ماقدر اطلع وادخل للمطبخ بكيفي .. وزوجي يقول فشله اذا جا وين ينام هو وعياله ..قمت انا احترمت قراره وسكت .. صارت مشكله بين اخت زوجي واخو زوجي وتهاوشوا قالت والله لاخذ الغرفه واثثها وانام فيها وماعاد يطب البيت اذا بيجي يجي ضيف ويستاجر برا .. قام زوجي وافق على طوووووووول وانا لما كلمته قبل رمى بكلامي ولا اهتم ... الحين تهاوشنا انا وهو قلت انا احوج للغرفه منها خلاص بنتي كبرت والبيبي جاي بالطريق ومافي مكان لاغراضه بالغرفه حقتي قال لا الغرفه لاختي واذا تبين نجيب سرير لبنتنا وتنام معاها ...انا اعرف شخصيه اخت زوجي سليطه لسان ولو زعلت منا بتطرد بنتي من الغرفه وتتحكم فيها وانا اولى منها بالغرفه ... وش هالظلم ياناس حسبي الله ونعم الوكيل .. انا ماطلبته بيت وش كبره ولا حملته فوق طاقته طلبته بس غرفه ورفض كرهته يابنات مايهتم لكلامي واخته اول ما قررت قال على امرك ... بنتي كبرت وتنام معانا على نفس السرير والله يابنات ان العلاقه الجنسيه تحصل بصعوبه وسريه نخاف البنت تقوم تشوفنا .. انا ابي اخلص موضوع الغرفه قبل لا اولد لاني في الشهر السادس .. زوجي عنيد واهم شي عنده اهله لو يظلمني علشانهم عااااادي عنده مايعتبره ظلم ... احنا اربعه اشخاص بغرفه وحده مقاسها اربعه في خمسه ومستكثر علينا نتوسع اهم شي عنده اخته .. حتى اخته قد كلمتها قلت اذا بولد باخذ غرفه الشغاله لانها بتسافر .. بس ما اهتمت لكلامي ولا افتكرت الحين تقول باخذها لي انا ... بنات ايش الحل تعبت من زوجي وظلمه لي يكفي ساكنه معاهم اربع سنين وماقد اخذت راحتي مثل باقي المتزوجات ... الله لايسامحه لادنيا ولا اخره