ايه مابي اتزوج ومافيه احد يستاهلني

والله انتي مثل اختي ع ٢٦ وترفض الخطاب
والحين تكمل دراستها بعد مانقطعت عنها

ولدرجة الكل يتكلم ويهاوش اخر شي قبل يومين خالي متصل ع امي يهاوش يقول بنتك مايمل عينها احد وبتجلس كذا وتكلم كلام يقول انا ابي مصلحتها

ولد عمي خطبها قبل سنه ونص ورفضته وللان ماخطب يقول وقت ماتوافق بالزواج انا موجود اذا كانت تقبل فيني

لان هو عرف ان فكرة الزواج رافضتها ماهو هو شخصيا

وربي الكل تكلم معها ورافضه لدرجة حلفت ع المصحف ان مقتنعه ماتبي زواج

واحنا نقول بتندمين بعدين لان يجون ناس كفو

سبب رفضها كذا مافي شي معقدها ولا شي صايره لها بس كذا مقتنعه بحياتها كذا

انتي من طريقه امك وأبوك بتزويج خواتك جتك رده فعل عكسيه

عاد الشوفه الشرعيه اذا انلغت هذي مصيبه عادات وتقاليد مالها اي أصل خرابيط


طبعا انتي لازم تتزوجين والرجال مب كلهم وأحد بس اصري ع اهلك بالشوفه قولي بدون شوفه مااتزوج وهذا قراري مهما كانت رده فعلهم قويه مايخالف خليك على موقفك
واو انغصبتي اذا جاء الملاك يسألك موافقه او لا قولي لا ترا حقك خليك قويه لان الشرع والحق والمنطق كله معك

سعوديه ذوق ..صح لساانك حبيبتي رايي من رايك 
حبيبتي انين انتي حكمتي على الناس من واقع تجربتك بالناس اللي حولك .وهذا غلط مو معناه ان كل الرجال اللي بالدنيا مافيهم خيرر وانهم كلهم مايصلحوون بالعكس في منهم عكس كل ماذكرتيه تماما

ياحليلك وتضحكين بعد

لا يابعدي مب كلهم زي ماقلتي الان الجيل الجديد تفتح وصارت الحياه الزوجيه مريحه مو زي اول
حتى اول ترا مو اللكل .. اعرف نماذج طبعا

انتي نففففس تفكيري بالزبط
ليش اتزوج و ارتبط بشخص وانا مو مقتنعه فيه و مو من مستواي و ملي عيني بس عشان امشي حالي و يقولو فلانه تزوجت و اعيش معاه زي حياة الحيوانات اكل و جنس و نجيب درزن بزوره تحت سقف واحد؟!

وفعلا بعض الشباب مدري كيف يااااااااخي ام الولد ما تشوف ولدها؟؟! صدق القريد (تصغير قرد)فعين امو غزال
و فوق هذا كلو يجيك متشرط بعد ههههههه ابيها جامعيه ابيها موظفه جمممميله مثقفه بيضاء طويله رموشها ترفرف ريحتها مسك و فل و و و طيب ما عندكم مرايا تشوف كوعك كيف؟! شوف ثقافتك كيف و عاجبتو شهاده الثانويه اللي اخذها بطلعه الروح و ليلي بعد ههههههه و من زين وظيفتك اللي راز صدرك فيها؟!
فعلا لما افكر كذا محد يستاهلني اعيش لنفسي وبس بدال الزواج من اي شخص مشي حالك وبس و اخرتها اللي بيروح فيها بزوره ما لهم ذنب