♥تباشيــ 8ـــر♥ مواليد الأهله (رمضان♥شوال)يوليو ♥اغسطس

ندوومه اعتذرت منه لاني طولت عليه بس الحمدلله اني نزلت لاني ارتحت اول مع التعب اعصب على بنتي وهيا تعبتني عمرها سنتين يعني ارتحت عندهم جسديا ونفسيا الحمدلله اول انا نفسي اولد ببيتي بس هو يقول تعب عليك تولدين وانزلك بعد الولاده تتبهذلين فكرت فيها لقيتها صح كمان بيتي صغير مره مايجمل لو امي تجي او ضيوف يجوني 

واخلي بمدينه ثانيه بيننا ثلاث ساعات ونص بالطريق 

اليوم نفسيتي تعبانه مره احس محد يحبني متضايقه مره ابوي وحنا ع الغدا قال اهم شي عندي فلانه تاكل.. دلع اسمي ..بغيت ابكي مره النفسيه زفت 

وشوشونه
غرت من بنتك هههههه
ماشا الله كل هالغلا لها
بعذر بنتك الكبيره تغار منها
الله يحفظهم لك يارب ويبارك لك فيهم
ويرزقك برهم يارب

عطوره
ترى الحساسيه بذا الأيام قايم سوقها
وخصوصا في التاسع يتقلب المزاج على كيف أم أبوه
أنا أمس تخيلي زوجي سوى لنا كيك أرامكو
عاد زوجي يحب البربسه في المطبخ يدبل كبدي
وعجب عياله وأكلوه كله ماشا الله
وهو يمدح بنفسه ويقول والله كيكتي أحسن من برابيسك
وتكفين لاعاد تطبخين لنا طبخي أحسن من طبخك طبعا هو يستهبل
وأنا والله ما أكذب عليك تضايقت حسيت إنهم بيستغنون عني ههههه شعور غريب مدري وش يبي
بس على طول رصعت نفسي بكف وقلت أصحي ياحرمه لاتلعب فيك حساسيه الحمل