تجمّع بنآت المدرسة - 1435 | 1436 - هـ

انا مو جريئة انا شويه أخجل مو اشتماعيه كثير
بس الحمدالله تعرفت علا بنات الحمدالله كويسين

أنصحك تقري كتُب تطوير ذاات كثييير :$
وكمان فيه وحدة إسمها هوني ، أو ريم سعود المسعري ، لها مواضيع خطيرة وأسلوبها مرة حلو وممتع
بتفيدك مرآ ، ي ريت تشوفها كلكم بنات بتستففييدوآ ♥

آهلين حبيبتي ♥.♥
شوفي نظام المقررات ، سهل لو إنتي تنظمي وقتك ، لأن فجأة بتجيك بحوث ومشاريع وواجبات واختبارات
لو إنتي مو منظمة وقتك حتكرهي نفسك >-< و بتنضغطي مرآ ..
بعكس لو كنتي مرتبة وقتك من أول ، واجباتك تحليها ولا تراكميها ، وبحوثك ومشاريعك تسلميها بدري
وأول بأول :smile:
النظام يعتمد كثيير على التعاون ، فحاولي تلقي لك مجموعة متعاونة من البداية :$
لمّا تركزي مع الأستاذة بيسهل علييك الحفظ بعدين كثيييير ، و تضمني لك المشاركة الكاملة كمان
الإختبارات النهائية يوم إختبار ويوم أوف $
بالنسبة للمواد نفس مواد النظام العام ونفس المنهج ، بس بدل ما تاخذي المادة ترمين تاخذيها ترم ..
ماعدا رياضيات وإنجليزي والكفايات اللغوية ترمين *-*
المفترض تختاري المواد اللي حابة تدرسيها كل ترم ، بس مدرستنا م سوت هالنظام السنة الماضية
بس بتسويه هالسنة ♥
المواد اللي بتدرسيها في الترم سبعة ، 5 فيها إختبار نهائي واتنين لأ
أو 6 فيها اختبار نهائي وواحد لأ
الموآد اللي مافيها إختبار نهائي - تربية أسرية ، كفايات لغوية -
.
.
موآد سنة أولى ثانوي مقررات في الترمين - رياضيات ، إنجليزي ، كفايات ، أحياء ، فيزياء ، تربية أسرية ، كمياء ، توحيد ، حديث ، حاسب ، اجتماعيات -

عن نفسي أشوف نظام المقررات أحسن وأسهل ، يعني سنة أُولى عام مكتبة وبحث
نحو وصرف ، أحياء كيمياء ، فيزياء ، وكثير مواد كلها ف ترم وآحد مستوعبة *-* ؟
.
.
فيه برضوآ ترم صيفي ، تآخذي فيه مادتين في شهر :rotaeye:: شيء مرة جيّد ..
والبنت اللي ترسُب م تعيد السنة ، تحمل المادة معاها زي الجامعة

.
.

كل كلامي عن سنة أولى بس ، لأن أظن حتقل المواد في سنة ثانية وكدآ
أتمنى أكون أفدتك ي جميلة :$