بنت عم زوجي وتويتر

السلام عليكم
زوجي عنده بنت عم قاهرتني حيل كل ماكتب زوجي تغريدة ردت عليه لو نزل تغريدة ماكتب فيها إلا نقطة ردت عليه ههههه والله ما أبالغ جداً واضح إهتمامها بزوجي وتضحك وتمزح معه مع أنه بالواقع مافي ميانة بينهم أبداً ولا عمره شافها وزوجي مايرد عليها ولا يتابعها ومع ذلك كل ماكتب شيء علقت عليه سواءً تغريدة تستحق التعليق أو لا .. طبعاً ماجبت طاري لزوجي لاني معودته ما أهتم بحاجات صغيرة زي كذا وأنا بنظره أعقل وأوعى من أني أتضايق من كذا أشياء.. بس الحقيقة حايمة كبدي منها لأنها واضح انها تتميلح عنده
مع العلم لو كانت ترد بطريقة عادية والله ماكان عندي مشكلة أبد بس ردودها استفزازية بالنسبة لي
مدري كيف أرتاح من تميلحها قدام زوجي؟