ثلاجة كبيرة وفريزر كبير او وسط محتارة ماني عارفة الله ييسرلها امورها اللي ترد

اخواتي الغاليات
عشان تكون الصورة واضحة
احنا قاعدين نفصل مطبخ جديد بس لسى ماخلص
والبيت ملك
واحنا نلف ع الثلاجات عجبتني ثلاجة سامسونج حجمها وسط وفريزر نفس الحجم
الهندي اللي في المحل قاللي يامدام هذي صغيرة خلاني اتردد
زوجي راح لف لحاله وشاف ثلاجة وفريزر حجم كبير ميتاج وعجبته
اخت زوجي وزوجي نصحوني اخذ الكبيرة
لي وللزمن على قولتهم
وافقت على رايهم
بس بعدين تحسفت حجمهم جنب بعض يفجع بصراحة هههه
فحبيت اخذ رايكم

26 تعليق 4,446 مشاهدة

شاركي في النقاش

سجلي الدخول لإضافة تعليق.

التعليقات

26
  1. @am_alshmaatyn

    بالعكس افضل ماتحتاسين اذا عندك عزيمه ووقت رمضان كبيره احسن من صغيره وعايلتكم تكبر واحتياجاتكم تكثر
  2. @oathk_othok

    المثل يقول السعة لابارك الله بالضيق

    اشتري الكبيرة لك وللزمن وماركة ميتاج حلوه مررره عندي غساله ومجففه ميتاج روعه قليله عليها
    والله يبارك لك فيها
  3. شوفي حبيبتي
    انتي شوفي احتياجك هل انتي راعية تفريز ودايم فريزرك مليان اكلات جاهزة
    هل ثلاجتك حاليا مليانة اكل وعصيرات وموية
    هل نوعك تحتفظين بالاكل الزايد او تطبخين عالقد
    هل انتي تحضرين للضيوف قبلها بيوم

    اذا كنتي كذا خذي الكبار والله يعين عالشكل فترة وتتعودين

    لكن لو نوعك ما تفرزنين ولا تشترين خضار بالكراتين تاخذين بالكيلو ولا انتي راعية عزايم وتحضرين لها مسبق خذي الصغيرة

    واستخيري ترى الصحابة كانو يستخيرون في كل الامور

    وربي يكتب لك الخير

    والله يسهل لكم تكملة بيتكم وتسكنونه بخير وصحة وعافية وسعادة

تابعي تجارب أخرى من هذا القسم.