ساعدنني يا اخواتي بنات الرياض الغاليات ضروري

السلام عليكم اخواتي الغاليات سؤالي موجه لاخواتي بنات الرياض انا يالغاليات توني من يومين جاية من الجنوب عشان اجهز بيت اخوي وابي منكن تعلموني وين الاسواق الجملة لكل الاحتياجات البيت فاضي وغرف النوم والفراش الزين.طبعا للعروسة من وين نشتريه والمفارش اللي تنحط قدام الحمامات اكرمكن الله من وين بعد وابي اشتري فحم صناعي وابي احسن بخور ومن وين وابي صابون الغسيل الكيس الكبير اوفر من وين ياخذونه وابي كريمات جلسرين وجل الفازلين وجرجنز لامي من وين تشترونها ابي محل رخيصة واسعار معقولة وكل ادوات المنزل انا حاليا بحي قرطبة بالشمال واحسه مهجور مافيه الاقليل ومافيه اسواق ابدا واخوي مايعرف باقي الرياض فابي تعطوني عنوان كل محل لاغلب المستزمات واسعارها رخيصة ومعقوله عشان نروح ونجهز معه البيت كل كم شهر ويتزوج ان شاء الله واسمع بصيدلية ارمال او جنسس وينها ذي لانه ابي حبوب جوينت كار تعيد سائل الركبة لان امي عندها خشونة وواصلة اخر المراحل ويقولون انها بالرياض عندكم ودي نشتري لها وجزاها الله خير اللي تدلني لانه اول مرة اجي الرياض ولانعرف شيء ابسط الامور مانعرف مكانها والله المستعان فمالي الا الله ثم انتن تساعدنني والله يكتب اجركن اختكن محبه القصيم :44::(:(:

10 تعليق 2,099 مشاهدة

شاركي في النقاش

سجلي الدخول لإضافة تعليق.

التعليقات

10
  1. @halmh_bsmt

    الله يتمم لكم على خير حبيبتي
    الرياض اغلب اسواقها حلوه واسعارها حلوه
    بالنسبه لأرمال فيه بطريق الملك عبدالله مقابل صحاري وفي بالحياة مول
    وفيه في بنده مخرج عشره
    وفيه في الخليج نهاية طريق الامير بندر
    والعثيم السويدي
    وهذا رقمهم لو حابه تستفسري اكثر

    xxxxxxx
    الاشراف
    يمنع وضع الارقام ع العام

    من النت جبته
    البخور احب عود العربيه للعود
    والماجد
    وعندهم انواع حلوه بس حسب الذوق
    بالنسبه لأسواق الجمله للبلاستيكات والمنظفات والكماليات في بحي العزيزيه خلف محطة النقل الجماعي سوق كله جمله واسعاره حلوه
    والمفارش هوم سنتر حلو ورايق والحين فيه تخفيضات
  2. @mshtakh_lahbaby

    ياقلبي انا شمال الرياض مااعرف به شئ 

    الجلسرين والجرجنز لاتاخذين الا من الصيدليات اضمن 
    وبالنسبه للصيدليات اللي سالتي عنهم والله ماعرفهم بس انا اخذ من صيدليه الحبيب متوفر عندهم اشياء مو موجوده بالصيدليات الباقيه مري عليهم وشوفي يمكن تحصلين طلبك 
    بالنسبه لااغراض البيت عندك محلات الاواني ،،قصر الاواني ،، علئ كيفك ،، ياسلام ،، هزاز هالمحلات اعرفهم بشرق الرياض 
    الاثاث عندك هوم سنتر حلوو وايكيا لكماليات البيت التحف والاواني والفرش 

    حياك الله بالرياض والله يوفقك اخووك ويسعده 
    اي سؤوال حاضره 
    دعووواتكك

تابعي تجارب أخرى من هذا القسم.