تعبت من العين
السلام عليكم
مشكلتي اني تعبت من كل شي بحياتي
حاولت اني اتعالج عند كدا شيخ
بس اتعب ومااستمر اخر قاري كنت اتابع معه
كنت احس وقت الرقيه بنعاس شديد
وتنمل ونبضات تتحرك بكل جسمي ( النبضات مستمره معايه علي طول )
الم برجلي
وحكه بكل جسمي ودوخه
وعيوني تدمع وتعرق بيدي
غير الكوابيس اللي اشوفها والتهديد
والضرب في الاحلام وغير كدا في احد يصحيني من النوم
ويقول كلمي امك كدا مره ولمن اسالها تقول كيف ندخل غرفتك
وانتي مقفله بابك
صايره مااحب اجلس مع اهلي افضل دايما أكون بغرفتي ومقفله بابي بالمفتاح
خمول بكل جسمي
بقع بجسمي سويت تحاليل وطلعت سليمه الحمدلله
احس بوجود احد معايه في الغرفه وفي البيت
كنت اشم ريحه شي مصدي في البيت انا الوحيده اللي اشم الريحه
بعض الأحيان اسمع حركه او نفس في غرفتي
قبل فتره جاني القالون وعندي امساك مزمن يمكن يستمر معايه شهر
انتفاخ في بطني كاني حامل بشهري الخامس
الدوره مو منتظمه نهائي ممكن تجيني في اول او نص او اخر الشهر
وممكن تجيني يومين او 3 او 5 أيام االله يكرمكم
وصايره مااتحمل وجود الشداب علي طول اتعب
ومااقدر افتح عيوني وبس ابكي
والحمدلله اجاهد نفسي بصلاه والصيام اثنين وخميس
بس ليه فتره لمن أوقف علي السجاده ادوخ علي طول
تعبت من حالتي
وصايره احتلم كثير ولازم لاقمت اغتسل منها
كدا مره يكلمونا ناس علي أساس خطبه وزواج ويروحوا بقدره قادر
اخر ناس تقدمو ليه وصلوا الين باب بيتنا ورجعوا
بدون دكر أي سبب ؟
اخر شيخ رحت له شخص حالتي عين
وأول ماابدا اتاثر برقيه يوقف بعدر أخاف اشد عليكي وتتعبي
ساعدوني ابغا شيخ شاطر ومتمرس