ياامهات روضه اطفال في جده، الصفا لا هنتو

السلام عليكم

انا ام جديده وبنتي السنه دي حتدخل روضه ابغى بنتي تتآسس مززززبووووط انقلش وعربي بس اتفاجأت بالاسعار
قلت بدخلها البيت السعيد بس احس رسومها مبالغ فيها ٩٥٠٠ ولسى من غير المصاريف التانيه

وبراعم الوطن ب١٢٠٠٠

بالله ايش يحسو بدي الاسعار يعني هيا كلها روضه مو بكالوريوس
انا انتساب فعبدالعزيز ارخص ب٩ ههههههههههه بنتي احسن مني فآيش :biggrin:


رجاء خاص اللي عنده خلفيه و يعرف مدرسه اهليه عالميه و كويسه وتعليمها ممتاز بحي الصفا تفيدني انا وغيري ونكون لكم شاكرين
:kiss2:

12 تعليق 40,668 مشاهدة

شاركي في النقاش

سجلي الدخول لإضافة تعليق.

التعليقات

12
  1. @lhn_alblabl

    انصحكم دخلوا اطفالكم اي دار حافظات .. لان السعر اقل والوقت اقل والتعليم نفسه انا دخلت ولدي دار الحافظات 72 في الصفا خلف براعم الوطن واسسته معلمته مزبوووط في التمهيدي لكن نقلت للاسف وكانت السنة كاملة ب 2800 فقط يمكن زادت اسعارهم مدري بس تري في دور ارخص وفيه اغلي ... يمدحون دار الولاء خلف شبرا القديم في الصفا سالت عن الرسوم ب 4000 السنة 
  2. @am_my_4

    فيه دار الحافظات 62مرررره ممتازة ومعلماتها قمة الأحترام بس مايدرسوا انقلش بس باقي الأشياء من قاعده نورانه الى الحروف والأرقام  والقران    ورسومهم 2800من غير المواصلات 
  3. @rfyk_alkhyr

    فيه مدرسة روضة جده اتذكرهم قبل اربع سنوات كانو تمام
    عاد الحين ما ادري موقعها وانت رايحه لدوار الزهره خوذي يمين تلقينها ع الشارع
  4. @nrgs_28

    عندك روضة الزهور الراقية حلوه وممتازه اذكر دخلت بنتي قبل كم سنة عندهم واعتقد العام الماضي رفعوا رسومهم الى 7500 ريال
    وعنوانها ..
    المدخل المقابل لمدارس براعم الوطن وانتي منتجهة من شارع ام القرى على شارع الاربعين.
    الله يوفقك ويكتب لك السداد.

تابعي تجارب أخرى من هذا القسم.