خساره العمر اللي مضى ، تجربتي القاسيه وافاقه وعي لكل فتاه بحياتها شاب// اكتفى بالردود

لافض فوك اختي معلمه كيوت


اتمنى والله العظيم الموضوع ماينحذف علشان البنات المغيبات ياخذون عضه وعبره من الاخت صاحبة الموضوع


الله يعوض عليها بتوبتها مايسر خاطرها ويشرح صدرها بمايرضى الله










اختي في الله الحمدلله انك رجعتي بالوقت المناسب


الانسان هذا يبيك تسليه وكلامه لك كان بلحظة صفاء مع زوجته كان حاس بخيانته لها وقرر يتخلص منك


اتمنى من الله انه ماهو من اقاربك او معارف اهلك


علشان بعدين مايكون بينكم أي تواصل بتمر الايام وهو بيشوف الي سواه فيك في بناته وعرضه استغل مراهقتك وخدعك


كنتي مجرد تسليه بدال لعبه في جوال والا اشتراك بنادي يقضي فيه وقته


حلك في قرآن وسجاده والحمدلله السميع العليم بالخفايا ان ربي حفظ عرضك بلحظات شيطانيه كانت بينك وبينه


المفروض تسجدين شكر لله كل ماتذكرتي حفظ الله لعرضك


الي الله اعلم ان ربي صانه بعمل صالح سويتيه او دعوه لله من والديك


الله يجبرك ياكريم ويعوضك خيرآ منه


اهم شي هو انك تمحيه من كل تفاصيل حياتك حطي في بالك العار الي كان بيلحق اهلك وجماعتك لو تمادى هذا الذئب البشري معاك وهتك عرضك


وانتي بتنسينه


اللهم احفظ اعراضنا وبنات المسلمين

احمدي الله مليون مره وادعي انه يسترك دنيا واخره الحمد لله اللي هداك وانك صحيتي من غفله وانك لو سمح الله حملتي كانت مصيبه لان بعضهم باراده الله يحملون حتى لو مافيه علاقه كامله  الله يتقبل توبتك ويغفر لك ويرزقك ابن الحلال اللي يستر عليك يارررب 

والله فرحت بتوبتك من قلب ورب العالمين يفرح بتوبة عباده اسأل الله الحي القيوم ان يثبتنا وياك على طريق الهدايه امين

ربي يغفر لك. ويثبتگ

شوفي ي اختي
انا ماراح اقولك مثل باقي البنات لانهم كفوا و وفوا
لكن بقولك لو تعرفين شعور حرمته بهالثمان سنين وحسيتي فيها والله ما تسوين الي سويته
ولو بقيتي طول عمرك ما تزوجتي
كثر ما ازعجني وضعك والي سويتيه بنفسك
لكن انتي عقلك براسك وتعرفين خلاصك
انتي متاكده اني الي سويتيه حرام وانه ماراح يتزوجك حتى لو يحبك بصدق لانه ما يثق فيك تصونينه بعد ما ياخذك
ولمن جاب من زوجته ثلاث اطفال خلال علاقتكم مو معناه انهم عايشين بسعاده و مو مقصر على زوجته
لا حبيبتي مقصرين مو بس مقصر
الزوجه لمن يخونها زوجها تحس فيه وتعرف وتكون متاكده انه يخونها
وتعيش حياتها جحيم كل دقيقه وكل ساعه
وتكون بمشاكل مع زوجها يوميه وهي مكمله حياتها معاه لانها تحبها وتتامل بيوم يصحى من غفلته ويصونها
وتتحمل علشان اطفالها
انتي عشتي تعيسه 8 سنين لكن برضاك محد جبرك
وزوجته عاشت بتعاسه 8 سنين مجبوره
كنتي تطلعين وتستانسين ويدللك ويدلعك وكل هذا حارم زوجته منه
حتى لو طلعاها لو قالها احبك ماهي سعيده معاه ويمكن تكره نفسها لمن تسمعها منه
ويمكن صحى من غفلته للحظة دعاء من زوجته كانت مستجابه وخلاك تصحين من غفلتك انتي كمان
تكفين تكفين ي صاحبت الموضوع لا ترجعين له وتعيشين المسكينه بتعاسه وهي مالها ذنب
خافي من دعواتها اخر الليل والله ماتتخيلين حرقة القلب والقهر والعذاب الي تعيشه الزوجه وماتتخيلين ممكن تدعي بشنو من قهرها
خافي من حوبتها
طلبتك للحظه اتخيلي انك انكشفتي وانفضحتي عند اهلك وجيرانك
تخيلي نفسك وتخيلي اهلك واخواتك وابوك واخوانك تخيلي الموقف كاامل وش يصير
لا ترجعين له لا تضعفين
وادعي ربي يرزقك بالحلال واذا جاك خطاب استخيري و اذا كان ممن ترضون خلقه ودينه وفقي
يقولون ماينسي الحب القديم الا حب جديد
يمكن تحبين زوجك وتنسين هالرجال
اشغلي نفسك علشان ماتفكرين فيه
ابني حياتك من جديد وانتي دحين كبيره وعاقله وفاهمه وتعرفين تتصرفين
وانا اشهد لك بالعقل لمن قلتي ما ابيه لا بالحلال ولا بالحرام
والله ماتوقع تعيشين سعيده معاه حتى لو تزوجتيه لانه راح يتغير عليك ولا راح يسعدك ما انصحك تاخذينه حتى لو اتقدم لك
وهالكلام علشانك مو علشان زوجته
انتي من حقك تعيشين سعيده ومستقره باقي عمرك وتكوني ام وزوجه
اتمسكي بتوبتك ولا تفرطي فيها
واشكري الله الي صحيتي من غفلتك قبل لا يروح عمرك


اتمنالك التوفيق والسعاده بحياتك