شخصيتي ضعيفة

انا كنت زيك بس تغيرت الحمدالله

اول شي لا تتعلقي الا بالله ولا تخافي من اي مخلوق بالدنيا

بعدين خلي لك راي مسموع يعني اذا احد يشاورك قولي رايك بصراحه ودون مجاملة لا تقولين ماعرف او اللي تشوفونه

او انتي بمجلس تكلمي قولي رايك بدون خوف لان لو طلع رايك صح راح تتغير نظرتهم لك

واذا كان لك حق تكلمي بدون خوف واصري على موقفك بدون عصبية وبكاء خليك قوية قدامهم

اول مره راح تتعبي لانه راح تصير ردة فعل منهم عكسية لان ماتوقعو موقفك

لكن بعدين راح يتعاودون عليك ويعملون الف حساب لرايك

اذا فيه احد يغلط عليك اقطعي علاقتك فيه اذا ماتعرفين تردين

واذا كان قرييب مثلا امك او اختك او عمتك صارحيها قولي يافلانه ترى كلامك هذا ماعجبني وماتوقعتها منك ترضين اقولك هالكلام طبعا بينك وبينها

راح تجيك فترة تضعفين فيها وتبكين لا تفه سبب هذه طبيعي بس لاتبيني لاحد

ابني شخصيتك وعلاقتك من جديد بطريقة تخلينهم يحترمونك واقطعي علاقتك بكل من يحاول تحطيمك

او يقلل من قدرك

هذه والله تجربتي الشخصية لا تقولين مستحيل او صعب

مافيه شي صعب بالدنيا ابدائي من نفسك وغيري افكارك راح تتغير حياتك

امينات ضائعه شكرا كلامك روعه روعه روعه. الله يقدرني واتغير يارب
وبرأة طفلة يالله ما اجمل كلامك بإذن الله تعالى اطبقه كله يارب واتغير.
لكم دعوة مني جميعاً الله يسعدكم ويرزقكم ما تتمنون

انا اشبههك بس احاول اغير من نفسي لئن اناس صايرهم مايهمها احد بس نفسي نفسي

خلاص انا بديت اغير من نفسي بس انا من ناحيه اخذ حقي بس اما الباقي لا الحمد لله مو في الي قاهرني اني ماخ حقي من الي يظلموني بسسسسسس

نصيحه مني لا تسكتي لحد خاص الي يجرحك لا يهمك

انا شخصين فيه شخص دايم يضلمني ويحط الوم علي ويسبني ومارد عليه احترمه اخاف ع زعله

بس خلاص الحين بطقاق اصرخ بوجهه و قوم ادنيا عليه لدرجه اتركه يتضايق

وصراحه فتكيت منها وصارت تخاف انها تكلم وزعل

وبعدين انتي ماتحطي وجهك بوجهم ليه قسم بالله مو احلا منك ،،،،،، بس انتي تحسين نفسك مو حلوه ،،،،،،،،، اقسم بالله اعرف ناس ماتهتم بشكالها حتى شعرها متمشطه ولا همها حقها مايضيع وكل اناس تحترمها وكانها رئيسه ،،، شفتي كيف


خلاص من يوم ورايح الي يضايقك ردي عليه قولي انتي ضايقني ليه
وخذي حققك وذ زعل من ردت فعلك مو تقولين ياربي انا وش سويت وتحسي انه بيكرهك لا لا بطقاق لا يهمك كرهك او حبك انتي ماسويتي شي غلط يعني بلعربي هو الغلطان


اقسم بالله بزمن هذا اطيب ماحد يحترمه ولا يحبه وحظه مدري ليش ستغفرالله سيئ


اما القوي الكل يحبه ويمشي وراه وحظه ماشي وراه ............

المشكله في دماغك

انتي ما خذه فكره سيئه عن نفسك

ابدليها بعبارات ايجابيه

غيري فكرتك عن نفسك وراح تتغيري عصب عن الناس كلهم

المشكله في الدماغ وطريقه التفكير

علقي قلبك ب**** حافظي على الصلوات والصيام والدعااء والايمان باللله والالتزام في كل شيء واثقفي في الامر الدينية في حياة الرسول والصحابة والصحابيات سبحان الله الناس اللي متعلقين بلله مثل مانقول الملتزمين بالله تجيدين شخصيتهم قوية حتى لو ما هي باينه عليهم من الخارج تلقينهم من الداخل اقوياء وانت وعايشين الحياة بكل سهولة (الايمان الثقة) واتحركي وامشي في الهواء الطلق الرياضة نوع من العلاج النفسي تعطيكي شعور بالثقة ولا تفكرين بشخصيتكي وضعفك لا تخلي عندك وقت فراغ حاولي تشغلي نفسك باي شي غير التفكير بشخصيتكي واتمني تتقبلي مروري