الهياط هو اللي منزل قدرك

صبحكم/ مساكم الله بالخير يا صبايا

فيه موضوع يقرقع بخاطري ودي نتناقش فيه سوا ،، لصالح الجميع طبعا

عندي صاحبات وين ما تروح أو تجي صورت وحطتها بالواتس في البروفايل حقها ،، راحت فندق صورت وحطته وكتبت جنبه شكرًا يا حبيبي على المفاجئة الحلوة ،، شرت كوب كوفي صورت وحطت بالواتس وكتبت جنبه أحلى جلسه مع روحي ، جاتها هديه صورتها وحطتها بالواتس وكتبت جنبها أحلى هدية من أحلى صديقة :eek: أو زوج

اي شي ما تنسى تصورة ،، طيب ايش المقصود يعني وايش تبغين توصلين لنا والله من جد

انا ما أقول هالكلام حسد أو غيرة لا والله انا ودي هالكلام يوصل لصديقاتي من باب محبة لهم ونصيحة لا أكثر

انا من رأيي في كل الحالات هالحركة مو من صالح صاحبتها ،، اول شي واضح الهياط في الموضوع وهذي الصور عمرها ما تدل انك سعيدة بالعكس تدل انك مشغول بالك بأحد تبغين تقهرينه أو تدل انك بالعكس محرومة وعندك شعور بالنقص تبغين تعوضينه ،،، ولا هل فعلا انتي قاصدة تنزلين الصور علشان تشكرين زوجك أو صديقتك !!! كان شكرتيهم وهم عندك ماله داعي التشهير

طيب ايش الغرض من تنزيل صور هدايا صاحباتك لك ؟؟ انا صراحة افهمها أحيانا شحذه كأنك تقولين لاحد يجي عندي الا بهدية كأنك ما تقدرين الا الشخص اللي يهديك ،، صراحة هالحركة تنفر الناس منك ،، مو ضروري يعرفون الناس انك مادية وما تقدرين الا اللي يهديك

لا تجيني وحدة تقول ليش تتجسسين على الناس وتهتمين في تحديثاتهم بالواتس انا والله عمره ما همني صورة احد بس أحيانا أسولف مع صديقتي وأشوف هالصور وه الهياط وودي انصحها لكن أخاف تزعل وتفكرني أغار منها وأنا في نظري هالحركة بالعكس تصغرها في عيون الناس

عطوني رأيكم ووجهة نظركم