الشيطان يوسوس لي باللجوء للحرام ،، ساعدووووني

السلام عليكم



آآآآآآآآآه ما اعرف شنو اقول؟


انا متزوجه من زوج ملتزم وطيب ويحبني وعندي ولدين ، لكن مشكلتيي ان زوجي راتبه ضعيف ، الحين صار لنا 8 سنوات من تزوجنا ومعاشه يزيد بس بتعب وشغل زياده ، يعني لازم يشتغل 18 ساعه في اليوم عشان المعاش يكفي مصاريفنا اليوميه ،، تعبت وانا ادور وظيفه عشان اساعده بس ما عندي واسطه ، ولا عندي شهاده جامعيه ، لان ظروف زوجي الصعبه اضطرتني اني اترك الجامعه ،، اموت باليوم مليون مره ، وانا افكر في مستقبل عيالنا ، لا بيت ولا ضمان لمستقبلهم ، والله انا لا نملك لي مبلغ في حساب التوفير ولا موفرين اي شي للظروف ، تعبت ، حالي افقر حال بالنسبه لكل اهلي ، بس انا اللي محتاجه منهم ، والله اني ما اشوفهم ولا يهمني سفرهم وطلعاتهم ، بس عيالي يكسرون خاطري ويقطعون قلبي اذا يشوفون لعب او لبس عيالهم ، فكرت بالطلاق كثير ، بس من بيرضى فيني وانا عندي ولدين ، والله اني احب زوجي بس الظروف تخليني اكرهه ، ادري ان ماله ذنب ، بس لما تزوجنا وعدني ان اهله يوقفون معانا ليما الله يفرجها ، بس اهلله اخذلوه ولا يساعدونه ، مو عارفه شنواسوي، وين اروح شلون اضمن مستقبل عيالي ، تعبت وانا ادخل على المسؤولين واقدم في كل مكان عشان وظيفه ، بس و لا احد ساعدني ، اشوف البنات بعيوني يلجئون للحرام عشان يتوظفون وبالفعل يتوظفون ، لكن نفسي وديني وايماني يمنعني اني الجأ للحرام، اخاف من عذاب وعقاب الله ، بس مو قادره حاسه نفسي بامووت ، والله اني اتمنى اني اموت انا وعيالي بحادث سياره اوبأي طريقه، استغفر الله


والله اني ادعي الله في كل صلاه ، اقوم الليل ، اتصدق ولو بمبلغ ريال ، بس تعببببببببببت ، وزوجي بعد تعب ، البارحه كان يبكي لي يقولي يعني راح اظل اشتغل 18 ساعه باليوم طول عمري ، اشوف غيري شلون مرتاح يروح الدوام 8 ساعات ويرجع ،وانا ما اشوف العيال ولا اشوفك بس ارجع البيت وانام عشان اقوم واروح الدوام يوم ثاني، تعبانه يا اخواتي ، ما اشوف مخرج الا الحرااااام ، بس ارجع استغفر ربي ، بس دلوني وين الحل ، ليش مومتوفقين في شي ، غيري تتوظف ولا يقولون لها ما عندج شهاده جامعيه ولا شي ، وانا الكل يذلني ، ما عندي غيركم يا بنات افضفض له ، زوجي يقولي انا ودي ارجع ارتاح مو ارجع واسمع شكاويج ، امي تلومني تقولي انا قلت لج لا تتزوجينه ، بس انا تزوجته عشان شفته انسان محترم وملتزم وما تطلع منه العيبه ولا الغلط ، آآآآآآآآآآآآآآآآآآآآآآآآه قولولي شاسوي؟؟؟




الحين المدارس والشهر الجاي داخل علينا رمضان وبعده العيد ، ما يهمني لا لبس ولا شي ، بس عيالي ما اقدر اشوفهم محتاجين وفي خاطرهم شي ، ما اقدر ، افكر بالحرام عشان عيالي ، بس ارجع واقول وين باروح من عقاب الله ، واذا الله بلاني بمرض اولادي ، بعيد الشر عنهم ، قولوي وساعدوني وين المخرج ؟؟؟؟

28 تعليق 1,946 مشاهدة

شاركي في النقاش

سجلي الدخول لإضافة تعليق.

التعليقات

27
  1. @shhror147

    السلام عليكم اختي
    اوصيكي حبيبتي بصبر تم الصبر تم الصبر ان الله مع الصابرين
    واستعيذي بالله من الشيطان الرجيم لا تدعيه يغلب ايمانك وخلي تقتك بالله
    وادعي ربك والحي في الدعاء وتيقني من الاجابة بس حذاري توقعي في الحرام هذا سيكبر المشكلة مو حيحلها خافي ربك وفكري بزوجك وولادك
    وسال الله العظيم رب العرش العظيم ان يفرج غمك وهمك وان يفتح عليكم ابواب رزقه ويكفيكم بحلاله عن حرامه يا رب يا رزاق يا كريم امين
    والصلاة والسلام على اشرف المرسلين وعلى اله وصحبه اجمعين
    والحمد لله رب العالمين
  2. @aaashk_algnan_11

    أختي أستغفري ربك أعوذ بالله تروحين للحرام وربك موجود خلي ايمانج بالله كبير ومهما صار أبعدي

    عنج هالتفكير وعليج بسهام الليل أدعي رب السمواات والارض وصدقيني يمكن هذا أختبار من الله

    علشان يعرف مدى ايمانج ولاتخلين الشيطان يلعب عليج وتأكلين عيالج من الحراام وتدخلين النار

    وان شالله عيالج ماراح يموتون من اليوع والله الله بزوجج لاتحسسينه بشئ ووقفي معاه لانه محتاجج

    وايد والله يوفقج ويرزقج بالوظيفه ولاتنسين تكثرين من الدعاااااااء والاستغفار واذا في شئ أقدر

    أساعدج فيه

    أنا مستعده

    أختج في الله عاشقة الجنان
  3. يروى عن الحسن البصري أن رجلاً شكا إليه الجدوبة فقال له استغفر الله، وشكا آخر إليه الفقر فقال له استغفر الله، وشكا إليه آخر جفاف بستانه فقال له استغفر الله وقال له آخر ادع الله يرزقني ولداً فقال له استغفر الله، فقيل له في ذلك، فقال:

    ما قلت من عندي شيئاً إن الله يقول في سورة نوح ( فقلت استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم أنهاراً ) نوح10-12.


    أختي عن تجربه شخصيه مأنصحك بشي أكثر من الإستغفار للحصول على المال .
    أستغفري الله من غير ماتعدين , يعني طول الوقت أستغفري ليل ونهار , وحتى لو كنتي في جمعة الناس وماتقدرين تستغفرين جدامهم أستغفري بقلبك
    -
    بس أنتبهي ترى كل ماتستغفرين بيي الشيطان وبيذكرك بأشياء تافهه , أو بيخليك معصبه على شي قديم , أو أو أو..... إلخ يعني عنده أساليب وايده علشان يلهيك عن الإستغفار .

    أستغفري بقلب حاظر - يعني مب بس كلام ترددينه أستغفر الله أستغفر الله ...... وانتي بالك مشغول بشي ثاني لا خلي قلبك حاظر وقت الإستغفار

    والله يعطيك من فضله الرزق الحلال العظيم .
  4. اختى لاازيد على كلام الاخوات لانهم الصراحه ماقصروا غير انتى من وين واذا انتى عاوزة مساعدة فى اى شئ انا تحت امرك ممكن ترسليلى على الخاص

تابعي تجارب أخرى من هذا القسم.