السلام عليكم
اببدا موضوعي وان شاءالله تفهموني يابنات وخاصه المتزوجات اتمنى تعطوني حل بحيث مايجرح ويكون باادب وتعلموني كيف اتصرف
انا لي صديقة غير متزوجه تتعمد احراجي بااتصالاتها وزياراتها المفاجئة اللي انحرج مع زوجي معها احرررجتني وماتقدر انشغالي ابدا حسيت انها قاصده هالازعاج اعطيكم امثله
انا اقولها الوقت الفلاني انا فاضيه وارسلها بالواتس اذا فاضيه تراي فاضيه اذا حابه نسولف واشوفعا متصله وماترد علي تاخذ كذا كم ساعه وتدق على وقت وصول زوجي للبيت وارسلها قبل تدق ( انا كنت ابي اكلمك بس الان انشغلت زوجي جاي للبيت) يعني اعطيها خبر ماادري الا هي تدق علي واكثر من مره ورا بعض يعني انا خلاص تزوجت لي حياة خاصه ووقت محدد للصديقات وللزيارات وللاهل لكن كيف افهمها اذا طلعت مجمع او مطعم او تمشيه او كشته نشبت لي تبي تعرف وين انا رايحه لدرجة كلمتني قلت هلا قالت اهلين وينك قلت طالعه قالت وين قلت تبين شي قالت لا قلت يالله باي ارسلت لي بعدها وين رايحه ارسلت لها ضحكه وكتبت ممنوع الفضول وليتها فهمت يوم جتني تقىل وين كنتي رايحه ذاك اليوم؟؟!!!
ودايم تسالني عن زوجي يحبني او لا وكيف علاقته معي وكم مره ننام ودايم تقول حظك جربتي وانا ماجربت وكل مره تفتح سيرة الزواج بسوالفها وكل مره تقول اخطبيني لاي احد اخو زوجك عيال عمك لاحول ولا قوة الا بالله
الشيء المنرفز بجد ماادري الا هي تطق الباب ولكم تخيلون كيف اسستقبلها يالله احراج لبسي لبس البيت ولاسويت شاهي ولا قهوه وزوجي اصرفه للمجلس واحيان ماتطلع الا الساعه 2 الفجر انا الان حايمه كبدي منها مو كذا عاد الصداقه وكل اسئلتها عن الحياة الخاصه والعلاقة الزوجيه وايش يسوي لك زوجك والله طفشت انا صبوره جدا واجوبتي لها دبلوماسيه مااعطيها جواب لكن بدت تستفزني بااخر حركه قامت دخلت غرفة نومي وفتحت دولابي كنت انا بالمطبخ يوم شفتها صرخت لاشعوري عليها قلت برا عيب وزعلت وراحت وارسلت لها انا رساله طويله من ضمنها اعلمها الخصوصيه والاحترام وفرق بين وضعي هند اهلي وميانتها معي وبغرفتي ووضعي عند زوجي المهم يوم شافتني جاده كذا بدت تتاسف وقبلت اعتذارها وانا اعلمها الخصوصيه فرق بيننا انا متزوجه ومشغوله بطفل وبزوج واسوي اكله وانظف بيته وهي ماغير جالسه ع النت وشغاله عندهم يعني فرق الفضاوه غير كذا ماتدق الا وقت وجود زوجي مادري وش قصدها وزوجي دايم يحذرني منها مع انه مايدري عن اي شي يقول هذي ماارتحت لها حاولي تخففين معها !! اتصالاتها كثيررر وزياراتها كثير واذا قلت ابي اجيك تصرفني
رجاء المتزوجه راح تعرف وضعي وتقدر مابي نفسيه تجي تدرعم وتعطيني نصايح وخرابيط وتقول انتي عشانك متزوجه ماتبينها ومن هالكلام رجاء لان سلاحي اي رد اقراه راح اتحسب ربي
شاركي في النقاش
سجلي الدخول لإضافة تعليق.
التعليقات
75- انا ماني متزوجه ومقدره كلامك:wink2: الله يعينك عليها مع انك قلتي لها وصارحتيها انا وانا بنت ما احب احد يجلس لي كذا مكالمات وزيارات لوقت طويل اطفش
- شربيها مرامية
- انتبهي منها واسحبي نفسك منها بالتدريج
- شوفي
انا متزوجة وحطيت نفسي مكانك
صراحة وضعها مو مريح وقليلة ادب
اولا المفروض اول ما سألت عن العلاقة الخاصة كان قلتي هذا شي خاص والكلام عنه حرام شرعا وانا ما اتكلم فيه حتى عند خواتي
كان حطت بعينها حصوة ملح وسكتت
ثاني شي زوجك يحذرك منها معناها شايف شي مو مريح وماتدرين لو لفت عليه بيوم من الايام
لا تقولين صديقتي
ماعاد فيه امان وياكثر ما سمعنا صديقات خربن على بعض
انا بكل صراحة لو مكانك انعي صداقتي معها بدون مشاكل
خليها تتصل لين تدوخ لا تردين
الواتس ردي متى مافضيتي ودايم اعتذري انك مشغولة
مقدر اكلم زوجي نايم
مفدر اكلم عندي ناس
وخليك على هالموال الين تمل
يعني خلي العلاقة تخف بدون زعل ومقاطعة
علاقة على خفيف وسلام وعليكم السلام
صراحة مزعجة وخفيفة ومو مريحة
والله يعينك - الله يعينك حاولي تصرفيها لدقت عليك او طنشي اتصالاتها ردي مره وثلاثة لا تردي وإذا رديتي قولي معليش مع السلامه انا مشغوله عند ناس
وانتبهي حياتك الزوجيه خط احمر حتي لو تسال قولي معليش بس هاذي خصوصيه واهم شي خففي من تواصلكن مع بعض شوي وهي راح تفهم
لاإله الا انت سبحانك اني كنت من الظالمين
مواضيع مشابهة
تابعي تجارب أخرى من هذا القسم.