شوفي حبيبتي كونك تضربينها و لا تفهمينها السبب ولا تعتذرين منها
و تطيبين خاطرها بتكبر البنت و الموقف فبالها على طول و بيضايقها و يألمها
لكن لو مسكتيها و جلستو لحالكم و فتحتي قلبك لها و فهمتيها السبب و فهمتيها
أنه نفسيتك تعبانه و توعدينها تبدون صفحه جديده كذا البنت بتعزك أكثر
و بتقدر لك هالتعامل و بتنسى ...
أذكر من كنت بالأبتدائي حمقت علي أمي و لأول مره بحياتها تضربني كف
كف من قلب كان و لا أعتذرت ولا طيبت خاطري و صارت تعاملني معامله طيبه بعدها
بس للحين كبرت و تزوحت وصرت آم و هالكف عيى يروح من بالي
صح هي حنونه و قلبها أبيض بس ما عطتني تبرير لتصرفها و هذا ألي حاز بنفسي
لذلك الأفضل تكوني واضحه وصريحه مع بنتك ..
تقولين من سنتين طيب مافيها شي كلميها يا أختي الصافع ينسى و المصفوع ما ينسى
صارحي بنتك وتقربي لها و الله ما تنسى لك هالشي أقلها بتتذكر أنك عبرتيها
وما تجاهلتي الموضوع هالتصرف بتخليها تحنك أكثر و تحبك أكثر
و بنفس الوقت بترتاحين
مره كانت قافله مع جد جدي مالي خلق أبن أبوه و قابلتني بنتي و كانت تتعاند مع
أخوها الصغير حمقت وطلعت حرتي فيها بالكلام بهواش فقط بدون مدت يد
و آنغثيت مغثه حسيت آني قسيت و الموقف ما يستاهل عجزت أرتاح بنومي
طول وقتي هالموقف قدام عيني لأني كلمتها بحده و بشكل جامددددد
بعدها مر الوقت و عجزت أرتاح و بالأخير مسكتها و كلمتها و طلعت ألي بخاطري
و آعتذرت منها و وعدتها أنه مهما صار بتحكم بأعصابي و الله ما تتخيلين
قد أيش آنبسطت و بكت و حسيت بكل دمعه تنزل منها بآنها تعبر عن قهرها
لأنه ردت فعلي كانت مبالغه و تصافينا وحضنا بعض و الأن علاقتنا ياربي لك
الحمد كلها أحترام
مشكلتي تعذيب الضمير بسبب بناتي
متابعة النقاش، صفحة 3