تجمــ ـ(16)ـ ــع لكروشات ( نوفمبر و ديسمر )

فراوله لا والله الشق ارحم اذا اتمزقت من نفسها زي ماصار معاي يكون مع جميع الجهات والخياطه تعذبك لان الغرز مو منتظمة يعني اتخيلي غرزه من فوق ومن اليمين ومن الشمال ومن تحت لااااا عذاب مااقدر اجلس ولا اتمدد وبالحمام تعب تعب

بس ببكري الدكتوره وسعت وكانت الخياطه ع الجنب فكنت اقدر اجلس شوي لما ارضع صح انها متعبه بالايام الاولى بس ارحم من العشوائيه

موناليزا .. لا تأجلي دراستك وباذن الله تنفرج..
عذرا على كثرة الاخطاء بردي الي قبل اكتب بطلام وعين مغمضة وعين نصف فتحة وشاشتي انكسرت.. ):
فراوله.. ربي يهون عليك وان شاء الله تولدي بوقتك..
تاليا .. الله ييسر اموركم للخير..
ديمة تفضلي..
تجهيز المولود .. لاحظي حسب احتياجاتك وطبيعة طفلك.. واذا عندك احد يغسل باستمرار او لا .. ممكن العدد يختلف من طفل للثاني .. بكتب شي عام وانت خذي الي يناسبك ..
المحلات: سنتر بوينت.. نكست.. مذركير (ملابس المواليد من تجربتي ناعمة وحلوة لكن تتمطط مع الغسيل).. الهرم..
١/ بربتوزات داخلية ٨-١٠.. انتبهي لا تاخذي الا الي اكمامها تجي كت ولا تاخذي علاق .. وتكون فتحة الرقبة دائرية من الامام وبدون ثنيات .. احرصي تكون سادة وبدون الوان حتى ما تبهذلك بالغسيل .. الطقطق السفلي يكون معدن مو بلاستيك .. الافضل من نكست ثم سنتر بوينت ثم الهرم من وحدة من هالعلامات اما الي عليها صنع في انجلترا او الي من كيدز وورلد او بيبي كير .. <<< من تجربتي ..
٢/ بربتوزات خارجية كاملة ٦-٨.. باقدامها باكمام طويلة .. مهم جدا ازرارها تكون من الامام يفضل طقطق ناعم حتى ما يضغط على البيبي.. لا تاخذي اي شي له ازرار من الخلف تألم ظهر البيبي .. خذي قطنيات ١٠٠٪ وابتعدي عن اي خامة ثانية ممكن تسبب تحسس للبيبي .. لا قدر الله .. او الحر او غيره .. برضو انتبهي ان تكون فتحة الرقبة لها مثل ثنية القميص .. وما تكون فتحة دائرية واسعة .. او ثنيات عند الاكتاف .. لان غالبا تطلع منها اكتاف البيبي ويتبهذل .. حاولي تاخذي الوان فاتحة حتى تناسب بشرة البيبي وما تغمقه .. افضل شي بالنسبة لي ابيض .. ليموني ..
المقاسات اذا طفلك في سونار الشهر التاسع قريب من الثلاثة كيلو خذي ٢ نيو بورن بس والباقي من صفر -٣ .. واذا اصغر من الثلاثة فخذي من النيو بورن ٤-٥ والباقي ٠-٣..
٣/ اللفات او المهادات او الكوافل حسب التسمية عندك .. خذي ٥-٧ حاولي تكون بيضاء ..واذا تبي ملونة فتكون الوانها على الوان اغلب اللبسات.. او لايقة معاها .. انتبهي لعرضها وطولها .. خذي شي مناسب لحجم البيبي لا يكون صغير مرة .. اما الكبير عادي تقدري تثنيه.. خاصة ولادتنا على وجه البرد فعادي لو صار طبقتين.. قطنية ١٠٠٪ طبعا..
٤/ صدارات ٦ حبات غالبا تجي اطقم ملونة تلاقيها بسنتر بوينت وممكن تاخذي سادة بالحبات وتشوفي اذا طفلك كثير الترجيع او لا .. خذي شي قطني ناعم انتبهي من بعض انواع الصدارات تكون خشنة .. وراح ترجع على وجه البيبي كثير فقد تسبب له تحسس او حكة .
٥/ قبعات ٤.. على الوان ملابس البيبي مهم يكون في منها ابيض .. وطبعا قطنية ..
٦/ ممكن قفازات زوجين منها حتى ما يمهش البيبي وجهه بس انتبهي ما يظل فيها طوال الوقت حتى ما تتعفن اليدين خاصة بين الاصابع ..
٨/ مفارش حمل وتقديم البيبي ٢-٣ حسب اذا بتاخذي مدس او لا.. ضروري ما تكون منفوخة مرة .. قماشها ما يزلق منه البيبي .. الوان مناسبة للمهادات..
٩/ غيار للتغير للبيبي جهة بلاستيك حتى ما بتسرب البلل وجهة قماش تسدحي البيبي عليها اثناء التغيير..
١٠/ فوطة للاستحمام للبيبي..
١١/ شنطة لاغراض البيبي .. سواء شنطة مخصصة للطفل.. او شنطة عادية حجمها مناسب يكفي الاغراض..
١٢/مناشف صغيرة قطن ناعمة.. تصير قريبة منك ممكن تحتاجيها تمسحي اي شي حليب.. ماء.. وممكن اذا كثير الاستفراغ تساعدك اكثر من الصدارات..
١٣/ اغراض الصيدلية:
أ- بامبرز اصغر مقاس..واصغر كيس حتى تسوفي يناسب طفلك تستمري عليه والا تغيري النوع ..
ب- مناديل تغيير البيبي اما بالزيت سيبا ميد مثلا او مناديل مبللة العادية مثل جونسون او بامبرز وغيره .. وبرضو خذي علبة وحدة حتى تشوفي تناسب طفلك او لا..
ج- كريم التسلخات سودو كريم..
د- مصاصة اصغر مقاس وشوفي الاشكال بالنت اختاري الي يناسبك .. مع سلسلتها..
هـ- ٣ رضاعات زجاجية ٢ للحليب.. وحدة للماء والنعناع وغيره .. مع مقسم الحليب وحافظة الماء وجهاز التعقيم اذا حابة ..فرش لتنظيف الرضاعة تكون مناسبة لحجم الزجاجات .. اما اذا ناوية تعتمدي طبيعي فيكفيك وحدة للماء واذا تعطي يانسون او نعناع ..
و- مسحات طبية تعصريها على السرة ..
ز- شامبو وصابون جسم واويل للبشرة ممكن تاخذي مجموعة وممكن مفرد والاحسن المفرد حتى تشوفي تواريخ العلب وكذا .. وكمان ما تاخذي شي وترميه .. مثلا بودرة الاطفال مو كويسة لا قدر الله تسبب حساسية الصدر ..
ح- مقص اظافر للاطفال..
مع ملاحظة ان كثير من هذي الاغراض ممكن تحصليها عند محلات تجهيز الاطفال وعادة اسعارهم افضل .. فانت شوفي الي يناسبك واشتري منه..
شي اخير حابة اضيفه ممكن تشتري من محلات ماركات عالمية الي عندهم اشياء للاطفال.. مثل موسكينو.. بيربري .. قوتشي.. ديور.. كڤالي.. الفيرو مارتيني .. تاخذي منهم لبس للتقديم ومفرش متناسقين.. وتقدمي فيهم طفلك ..

تعوبه.. فعلا هم يوسعون ولا تتمزق العضلة من نفسها .. الله يرحمنا برحمته..

السلام عليكم

من امس اقراء الصفحات وارد عليكم في الملاحظات اقراء شوي و اقفل اكمل شغلي لحد الحين

امس انعزمت على السوق من اخوي و زوجته واكيد ماراح اقول لا ،، فرصه ماتكرر بس ما طولت رحت سنتر و مذركير و H&m ،،


وكل من دعا لبناتي بشفاء ،، الله يسلمكم بنات من كل شر

سماسم عندي كريم مضاد للفطريات وفيه نسبة قليله جداً من الكرتيزون توكلت على الله وقلبي يعورني عليهم واستخدمته

ليلوسا

الله يسعدك يختي ويسعد ذا الدعوة اللي تشرح الصدر اللهم آمين لنا ولك ولجميع المسلمات

حوووور

لا يختي مو عنقز ،، اعرفه عندي خبرة فيه وشفته قبل

الله يشفيهم ويعافيهم يارب

الحمد لله اليوم خفوووو والحرارة راحت عنهم باقي الصغيرة بس الله يشفيها


انوار

سلفيني سيارتك وابوديهم ههههههههه

لا الحمد لله ابشرك اليوم احسن خفت الحكه وبدئت تطيب الحبوب اهممم شي الحراره راحت منهم

باقي الصغيرة الله يشفيها لانها اخر وحدة انعدت من خواتها

ام شهودة

ايش هو الهربس ؟؟ اول مره اسمع فيه

فيه وحده من البنات هنا تقول ولدها جاه نفس اعراض بناتي الظاهر ام الحلوين اذا مو غلطانه و على وصفها نفس بناتي عطيتهم بس علاج حراره واعتمدت على مناعتهم الطبيعيه في محاربة المرض و استخدمت لهم كريم مره وحده لاني مو مقتنعه فيه بس ابي احسسهم اني قاعده اعالجهم ويرتاحون نفسياً والحمد لله صارو بخير الحمد لله وشكر له عقبى للصغيرونه الله يشفيها يارب

ام نادررر

رديت عليك في الخاص


انا وخلاص

لا والله مو انا هاذي وحدة من البنات سالت ورديت عليها

لسه ماجاء دور التاثيث عندي واقدر اقول يالييييييل مااااااطولك بولد لسه ماسوينا شي اللهم الفرج من عندك


ديمه

الدوخه بعد الاكل طبيعي لان الدم في الجسم كله يروح للمعدة

انتي حاولي تاكلي وجبات صغيرة كل ساعتين ولا تكبسين الاكل كله مره وحدع في وجبه وحده

واذا جتك الدوخه انسدحي وارفعي رجولك حتى يرجع الدم فوووق للراسك وجسمك

و الأغراض ،، نزلت ليلوسا الله يسعدها قائمة بكل الاحتياجات ماقصرت اذا فيه اخد نسخها يخطها مره ثانيه والصراحه يعجبني تخطيطها وكلامها هالبنت الله يسعدها ويكتب لها اجر كل حرف تكتبه


تعب قلبي ،،، نفس حالتي رحت سنتر اخذت ملابس داخليه للبنات الكبار وشراريب و تالا والله اخذت لها لفات وحده ثقيله قطن و وحدة صوف او ثنتين نسيت ( حق البرد ) عليهم تخفيضات بصور لكم الاغراض ان شاء الله
ورحت مذركير لقيت تخفيضات بسيطة على البربتوز الكامل واخذت اربع اطقم بثلاث مقاسات مختلفة على حسب الوزن وقبع لقيت عليها تخفيضات الواحد 10 - 20 ريال باقي كم حبة اخذتها كلها ( احب القبع لاول سنه للبيبي )

و اخذت لي فستان نعوم للزيارات ماعجبني مره بس يمشي الحال لاني ماحب الجلابيات وعندي قبل تنورة وبنطلون حمل وبلايز حمل استخدمها

باقي بس مراييل و شنط المدرسه ياخذها ابوهم لانها جاهزه ماتحتاج اختيار

بنات الشرقيه فيه محل عبد الكريم للمريول الجاهز باسماء المدارس الخاصه للاولاد والبنات مرره يريح عن التفصيل ومرتبه موديلاتهم راح عن بالي تو اتذكرة ،،، بس اللي تبي للحكومي مو حلوة موديلاتهم


بنات اللي يشكون من اسنانهم

الله يكون في عونكم ويخفف عنكم

فراولة ،،،

سلامتك ليه الدفع اللحين !؟ رحتي المستشفى شيكتي

يمكن عندك التهاب في المسالك ،، حملي الللي قبل كنت احس بالدفع اذا جاني التهاب المسالك

والطلق حدثي ولا حرج والله تعبني وكل ماله يزيد ويصير اقوى عن اليوم اللي قبله ،، الله يعين عليه بس يخفف منه قربة اخذتها من الصيدليه ،، احطها في الميكرويف دقيقه وتصير حارة واحطها على ظهري تريحني مررررره

اهلا ناني نورتي.. من طيب اصلك مدحك .. عسى يدين ربتك تحرم على النار..