بنات خاااايفه مرررره ...قلبي بطيح ..من امس مانمت
متابعة النقاش، صفحة 6
شاركي في النقاش
سجلي الدخول لإضافة تعليق.
التعليقات
65ميموشاااا ياقلبي انتي الله يفرحك بشوفك ظناك ياااارب لاتخافين زوجة اخوي سوتها خافوا ع جنينها لانها طولت ماحملت بعد عيالها الكبار والحمد لله هي بصحة وعاافيه لاتخافين التعب بعد العمليه يومين ثلاثه وان شاء الله يخف
الله يهون عليك أختي .. انا ولدت مرتين كلهم قيصري والحمدلله بصحه وعافيه اهم شيء توكلي على الله وابعدي عنك الخوف ..... الله يبشرك بما تمنين...- ياقلبي أنا ولاداتي كلها عمليات مرررره ماتحسي بشي يسويلك مخدر وماتصحي إلا وإنتي خارجه من العمليه .....تطمني إنتي توكلي ع الله ياقلبي
- يا قلبي لا تخافين و لا تتوترين
الولاده القيصريه ماراح تحسين بشي وقت الولاده
أنا ولدت قيصري
إذا البنج نصفي بتشوفين الطاقم الطبي و هو يولدك و يحطون ستاره بينك وبينهم
و بتسمعين سوالفهم :) و بيكون طبيب البنج فوق راسك ما يتعداك أي شي تحتاجينه
تطلبينه منه .. و بتسمعين بكاء البيبي بعد ما يطلعونه لحظات قمه بالروعه :)
و إذا بنج عام عاد هنا مارح تدرين عن شي ألا وقت ماتفوقين من البنج بغرفتك :)
يعني وقت العمليه ماراح تحسين بشي
بعد العمليه و حتى أكون واضحه و صريحه معك بتحسين بتعب و ألم بمنطقة العمليه
و بيعطونك مسكنات و مضاد برضو عن طريق الوريد و بتجلسين بالمستشفى
من ثلاث أيام ألى خمس أيام حسب وضعك الصحي
و بيجون الممرضات و الطبيب يشيكون ع العمليه و ينظفونها و يعقمونها
و بيطلبون منك تقومين تمشين و بمساعدة الممرضه أو مرافق معك
لاززززززم تقومين مهما كنتي تتألمين لا تعاندين و ترفضين المشي لو كم خطوه بسيطه
بعد العمليه تبعد عنك خطر تجلط الدم فهم يحرصون دايم يمشون الحرمه بعد العمليه
بالبدايه حتكون صعبه بس شوي شوي و مع المسكنات بتهون
و الأكل هم يجهزون لك أكل خاص لازم تاكلين ألي يقدمونه لك
و أذا كان معك أمساك و هذا يحصل عادة بعد العمليه خبريهم يعطونك تحاميل
تسهل عليك العمليه و تريحك ....
هذا كله بالمستشفى
بعد ما تطلعين للبيت بيصرفون لك مسكنات و أحيانا مضاد لازم تستخدمينه بيريحك
ولازم تمشين بالبيت و راسك وظهرك مرفوعه المشي جداااا مهم حبيبتي يسرع بإلتئام العمليه
و بخصوص الدم بالبدايه بيكون كثير أشتري حفاظات النفاس من الصيدليه
بعدها بكم يوم بيخف لحد ما يختفي تماما لأنهم بيكونو نظفوك بالمستشفى
مثل ما قلت أحرصي ع المشي و على التحمم الأستحمام مهم ينشط الدوره الدمويه
ولي يقولك لا تتحممين لا تسمعين له نصيحه من مجربه كذا طبيب نصحني بالأستحمام
تحممي بشكل طبيعي و مرري الصابون بشكل لطيف على مكان العمليه
بعد ما تخلصين جففي مكان العمليه بلطف و بشويش لين يجف تماما ضروري تجففينه
حتى ما يتعرض لرطوبه و بكتيريا بعدها أمسحي مكان العمليه بمسحه طبيه على خفيف
و كل مره تتحممين فيها كرري نفس الطريقه ...
والأكل تاكلي ألي تبغين أحرصي ماتجوعين الجوع مو كويس بوقت النفاس
و شرب القرفه مهم و الحلبه و الرشاد و الأكل المفيد
ذكرت لك كل النصايح المهمه بوقت العمليه و بعدها و الله يسهل عليك يارب :) - نفس كلام منجو
كنت اسويه ماعدا الاستحمام كنت الف عالجرح منشفة اخاف من المويه اول اسبوعين وبعدين اتروش عادي
جبت خمسة وكلهم قيصري والحمدلله اللي ربي فرج لنا بالقيصرية والا كان الحرمة تموت وهي تولد ادا ماقدرت تولد طبيعي
فالقيصري نعمة من ربي ولله الحمد
لمعلوميتك اصغر عيالي الان عشر سنوات
يعني من زمان والناس تسوي العمليات وش مخوفك توكلي على ربك ولاتقلقين نفسك ولا تقلقين امك اذا ولدتي بالسلامة علميها - انا مثلك خوافه ودلوعه وماتحمل وحددولي قيصري انواع الرعب بس مو مثل ماتوقعت الحمدالله سهله وكلها يومين الم وبعدها تمام وشوفه الطفل يغنيك عن كل الالم اذكر كنت اصيح عطوني مسكن وراحت امي الله يخليها لي وجابت طفلتي نسيت كل الالم تضحك امي تقول تبين مسكن ها الله يسهلها عليك لاتنسين تطمنينا
سبحان الله والحمدالله ولااله الا الله
مواضيع مشابهة
تابعي تجارب أخرى من هذا القسم.